Matayo 26:3 - Osotua Ng'ejuk

³ Nepuo aaiturrurro te ina kata laidasak kituak o layolok lʼesirata o laigwenak lʼolorere tʼengaji olaidasani kitok oji Kayafas,

BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI

³ Neiturrurro lapolosak kituaak o lpayiani te wueji olapolosani kitok oji Kaiafas;

BIBLIA SINYATI TE NKUTUK OO LMAASAI NATISIRAKI ENG'EJUK

³ Neiturrurro lapolosak kituaak o lpayiani te wueji olapolosani kitok oji Kaiafas;

Biblia Sinyati

³ Neiturrurro lapolosak kituaak o lpayiani te wueji olapolosani kitok oji Kaiafa;

BIBLIA SINYATI

³ Neiturrurro lapolosak kituaak o lpayiani te wueji olapolosani kitok oji Kaiafa;

Matayo 26:3 Eitobir Enkop

Yohana 18:24

Akae, neirriwaki Anas ninye eena Kayafas, olaidasani kitok.

Marko 14:54

Nesuj Petros ninye tʼenelakwa metabaiki engang' olaidasani kitok nejing' atua neton te nebo o laisyayak aij enkima.

Yohana 18:28

Akae, nerik ninje Yesus eing'ua Kayafas metabaiki engaji enkigwena. Nekenyu. Eitu ejing' ninje oopeny engaji enkigwena, pemeidurukieki ninje, kake peng'as aanya pasaka.

Yohana 11:57

Neishooitie laidasak kituak o Ilfarisayoi nkitanapat, ajo teni eyolou oltung'ani enetii ninye, njelotu alimu, petum aaibung'a ninye.

Luka 3:2

tʼenkata olaidasani kitok Anas o Kayafas, nebaiki ororei lʼEngai Yohanes, enkerai e Sakarias, ti ang'ata.

Matayo 26:69

Neton Petros ake te boo engaji: nelotu enetii ninye engaisyayani nabo nejo: Itii si iye e nebo o Yesus le Galilaya.

Matayo 27:27

Nerik isikerin lʼolkitok Yesus atua engaji enkigwena, neitasheiki ninye oltim olulung'a,

Marko 14:66

Ore etii Petros boo, nelotu nabo too ngaisyayak olaidasani kitok,

Marko 15:16

Nerik isikerin ninye atua engaji enkigwena neipot ninje, peiturrurro oltim olulung'a.

Luka 22:55

Ore peinok ninje enkima tʼempolos e boo, netoni te nebo; neton Petros tʼempolos enye.