Matayo 23:26 - Osotua Ng'ejuk

²⁶ Iye Olfarisayos modooni, tang'asa suja atua enkwaru o emoti, petum ataa sidai oriong' enye.

BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI

²⁶ Lo Farisayoi modooni! Tang'asa intukuo atua enkikompe o esaani pee etum sii oriong ataa sidai.

BIBLIA SINYATI TE NKUTUK OO LMAASAI NATISIRAKI ENG'EJUK

²⁶ Lo Farisayoi modooni! Tang'asa intukuo atua enkikompe o esaani pee etum sii oriong ataa sidai.

Biblia Sinyati

²⁶ Lo Farisayoi modooni! tang'asa isuja atua enkikompe o engirra pee etum sii oriong ataa sidai.

BIBLIA SINYATI

²⁶ Lo Farisayoi modooni! Tang'asa isuja atua enkikompe o engirra pee etum sii oriong ataa sidai.

Matayo 23:26 Eitobir Enkop

Yakobo 4:8

Entinyikaki ndai Engai, nenyikaki si ninye ndai. Esuja ngaik, ndai laitarruok, entaa iltauja linyi shaati, ndai looing'arrirro.

2 Ilkorintio 7:1

Akae, ore pikiata kuna kisiligat, lanyor, maisuja aten tʼentibilishu pookin enkiring'o o en olmumua, pikibaiki esinyatishu tiatua enkuretishu Engai.

Ilhebrania 10:22

matinyikaki tʼoltau osipa tiatua emborei enkirukoto, looisuaki iltauja nimikiata oltoilo torrono loo ltauja neisujaki seseni tʼengare sidai;

Matayo 12:33

Arashu entuun oljani sidai, neaku ilmomo sidan; arashu entuun oljani torrono, neaku ilmomo torrok. Amu too lmomo eyolouni oljani.

Luka 6:45

Neitupuku oltung'ani sidai too masaa sidan oltau lenye sidan; neitupuku oltorrono tʼentorroni ntorrok; amu enkiganyata oltau eiro enkutuk enye.

Matayo 14:8

Ore peiteng'en ng'otonye ninye, nejo: Njooki tene tʼengirra elukunya e Yohanes Olaibatisani!

Marko 7:4

Naa teni epuonu t'osingira, nemedaa eitu eisuja. Netii nkulie ng'amunot kumok naatang'amutua aaibung', anaa enkisujata oo nkwarun o noo lkoboi o noo nareta osuiai o noo lkitareta.

Luka 11:39

Nejoki Olaitoriani ninye: Ore ndai, Ilfarisayoi, isujusuju oriong' enkwaru o engirra, kake ebore atua ndai enkisimaroto o entorroni.