Matayo 21:26 - Osotua Ng'ejuk

²⁶ Teni kijo: Atua iltung'anak! nikiure esiamu; amu edolita pookin Yohanes, ajo era olayolounoni.

BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI

²⁶ Naa ti nikijo, ‘Iltung'ana eing'uaa’ nikiure olorere, amu kejo ltung'ana pooki oloiboni le Nkai Yohana.”

BIBLIA SINYATI TE NKUTUK OO LMAASAI NATISIRAKI ENG'EJUK

²⁶ Naa ti nikijo, ‘Iltung'ana eing'uaa’ nikiure olorere, amu kejo ltung'ana pooki oloiboni le Nkai Yohana.”

Biblia Sinyati

²⁶ Naa ti nikijo, ‘Iltung'ana eing'uaa’ nikiure olorere, amu kejo ltung'ana pooki oloiboni le Nkai Yohana.”

BIBLIA SINYATI

²⁶ Naa ti nikijo, ‘Iltung'ana eing'uaa’ nikiure olorere, amu kejo ltung'ana pooki oloiboni le Nkai Yohana.”

Matayo 21:26 Eitobir Enkop

Marko 6:20

Amu eturia Herodes Yohanes, tiaraki natayolo, ajo era ninye oltung'ani supat naa sinyati; negolie ninye; ore pening' ninye, neitobir nkumok too nona, neinining' ninye tʼeng'ida.

Yohana 5:35

Nera ilo enkilang'et neiwuwu neilang'isho, kake itayeutuo ndai nigalalulu tʼenkata kinyi tiatua enkilang'et enye.

Matayo 21:46

Neing'oru eneiko, peibung' ninye; neurei ake siamin, amu etadua ninye, aajo era olayolounoni.

Matayo 14:5

Ore peyeu near ninye metua, neurei olorere, amu etejo, aajo era ninye olayolounoni.

Matayo 11:9

Arashu ainyo ishomo aadol? Itayeutuo nidolidolo olayolounoni? Ee, aliki ndai ololang' olayolounoni.

Iasat 5:26

Nelo olkitok te nebo o laisyayak neriku ninje, kake me tʼengolon, amu eturia olorere, pemeaku enang' ninje too soito.

Yohana 9:22

Etejo lootoiutuo ninye kuna, tiaraki naturia Yudayoi; amu eidipa Yudayoi aatuun enjata, aajo oltung'ani oibalu, ajo era ninye Kristos, neitauni ninye tʼenkisot.

Luka 22:2

Neing'oru laidasak kituak o layolok lʼesirata eneiko, peiminye ninye; kake eturia olorere.

Luka 20:19

Neing'oru layolok lʼesirata o laidasak kituak, peaki ninye ngaik te ina kata, neurei ake olorere; amu etayoloutuo, aajo eirorie ninje te ina kitanyanyukiet.

Luka 20:6

Teni kijo: Eing'ua atua iltung'anak, nenang' olorere pookin yook too soito, amu etayoloutuo, aajo era Yohanes olayolounoni.

Marko 12:12

Neing'oru ninje eneiko, peibung', neurei esiamu, amu etayoloutuo, aajo eirorie ninje te ina kitanyanyukiet. Neing'ua ninye nepuo.

Marko 11:32

Kake teni kijo: Eing'ua atua iltung'anak! — neturia ninje olorere. Amu etejo pookin, ajo era Yohanes olayolounoni tʼesipata.

Matayo 21:11

Nejo siamin ake: Era ele Yesus, olayolounoni le Nasaret e Galilaya.

Matayo 21:25

Kaji eing'ua enkibatisa e Yohanes? Keing'ua shumata arashu atua iltung'anak? Neirorioro ninje oopeny nejo: Teni kijo: Eing'ua shumata! ejoki yook: Ainyo naa peitu irukuruku ninye?

Matayo 21:27

Nealiki ninje Yesus nejo: Mikiyolo. Nejoki si ninye ninje: Onaa maliki si nanu ndai, ajo ke ti aa golon aitobirita kuna.