Matayo 13:39 - Osotua Ng'ejuk

³⁹ Nera olmang'atinda oisuaia ninye satan. Nera en-dung'ore enkiting'oto olmaa. Nera ladung'ok ilmalaikan.

BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI

³⁹ Ore ilo mang'atinta oun naa Sheitani, ore enkikesare, naa enkiting'oto e nkop, ore ilooikes naa ilmalaika.

BIBLIA SINYATI TE NKUTUK OO LMAASAI NATISIRAKI ENG'EJUK

³⁹ Ore ilo mang'atinta oun naa Sheitani, ore enkikesare, naa enkiting'oto e nkop, ore ilooikes naa ilmalaika.

Biblia Sinyati

³⁹ Ore ilo mang'atinta oun naa shetani, ore enkisampuare, naa enkiting'oto e nkop, ore ilooisampu naa ilmalaika.

BIBLIA SINYATI

³⁹ Ore ilo mang'atinta oun naa shetani, ore enkisampuare, naa enkiting'oto e nkop, ore ilooisampu naa ilmalaika.

Matayo 13:39 Eitobir Enkop

Matayo 13:49

Neijia elaaku tʼenkiting'oto olmaa: nepuo aapuku ilmalaikan nerishu iltorrok tiatua supati,

Matayo 25:31

Teni elalotu Enkerai oltung'ani tʼenkitook enye o ilmalaikan sinyat pookin te nebo o ninye, nelaton te ina kata tʼolorika lʼenkitook enye,

Embolunoto 19:20

Neibung'i ina ng'wes te nebo o ilo ayolounoni lʼelejare, oitobira ilponot t'engomom enye neitapong'orie kulo ootang'amutua olkigeroto lʼeng'wes neserem emua eng'wes. Nenang'akini kulo pokira are eishiu atua olbalbal lʼenkima naiwuwu tʼenkibiriti.

Embolunoto 13:14

neitapong'oo kulo oomanya atua enkop tʼolbae loo lponot oishooki ninye, peas tʼengomom e ina ng'wes; nejoki kulo oomanya atua enkop, peitobir aten emua e ina ng'wes naata olbae t'olalem neishiu.

Embolunoto 12:9

Nenang'uni abori entiamasi kitok, naa ninye olasurai musana, oji oloirirua o satan, oitapong'oo olmaa pookin; etanang'uaki enkop o ilmalaikan lenyena te nebo o ninye.

Matayo 24:3

Ore peton tʼOldonyo loo loirienito, nepuonu laiteng'enuok enetii ninye tʼenkilepata nejo: Tiaki yook, kanu eaku kuna? Ainyo olponoto lilotunye o lʼenkiting'oto olmaa?

Matayo 13:25

Ore peirura iltung'anak, nelotu olmang'atinda lenye neisuaki olmasinde empolos engano nelo ninye.

Yuda 1:14

Kake eibonishe si too lootiu nji Henok, ole opishana neba Adam, nejo: Ng'orai, elotu Olaitoriani te nebo o iip tomon kumok oo sinyat lenyena,

1 Petero 5:8

Enteng'enuoto, enjololoto, amu eman ndai olmang'atinda linyi, satan, anaa olng'atuny oipurrito neing'oru olonya;

Ilhebrania 9:26

Amu ten aa neijia, anaata enarikino ninye, neitamei aigil kumok eiter enkiterunoto olmaa; kake ore taata, tʼenkitabaiaroto oo nkatan, etalie nabo kata, petum aitau nkitarruot tʼenkidasare enye kion.

Ile Efeso 2:2

ipuoiyeye opa tʼerisioroto orregie lʼele maa o lʼoloata engolon tʼolng'inai, ora Olmumua oitobirisho tiatua iltung'anak lemeiruk.

2 Ilkorintio 11:3

Kake aureisho, peiye, anaa peteleja olopa asurai Eva tʼesungureishu enye, eiminyeki si ndamunot inyi aaing'ua emborrakinoto e atua Kristos.

2 Ilkorintio 2:17

Amu mikitiu yook anaa ilkumok, ooitarruo ororei lʼEngai, kake kinosu anaa lʼesipata ooing'ua Engai nikitii tʼengomom Engai atua Kristos.

Matayo 28:20

inteng'ening'ene ninje, peibung' pookin naitanapa nanu ndai. Naa ng'orai, aboitare nanu ndai ngolong'i pookin metabaiki enkiting'oto olmaa.

Matayo 13:28

Nejoki ninye ninje: Olmang'atinda lai oikuna nji. Nejoki laisyayak ninye: Akae, iyeu nikipuo aadotoki enkop?

Matayo 12:32

Ore oloimakinye ororei Enkerai oltung'ani, neinguaikini ninye; kake oloimakinye Olmumua Sinyati, meing'uaikini ninye; tiatua ele maa le taata, baiki tiatua lido olotu akenya.

Matayo 13:22

Ore enaisuakaki atua ilkikarreta, nera ninye oloning' ororei, negor enkishilaroto ele maa o elejata oo masaa ororei, neaku meiu ilmomo.

Matayo 13:40

Akae, neijia anaa pedotuni olmasinde nepeji tʼenkima neijia eaku tʼenkiting'oto ele maa:

1 Ilkorintio 10:11

Etaa nena pookin, peaku entoki enkiteng'enare oo lelo, nesiri, peaku erojata too yook looinepua emutata enkop.

Ilhebrania 1:2

neirorie ninye yook tʼenkiting'oto oo kuna olong'i tʼOinoti, lotipika, peaku olajung'oni loo pookin, eitobirieki baiki ninye enkop;