Matayo 10:16 - Osotua Ng'ejuk

¹⁶ Eng'orai, airriwaa nanu ndai anaa nkerra atua suiyan; onaa enteng'enuoto anaa lasuria nimiatata olosek anaa ilmaita.

BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI

¹⁶ “Kairriwaa intae anaa nkerra atua suyian, enteng'enita anaa lasuriaa, niborrurru anaa nturkuluoni.

BIBLIA SINYATI TE NKUTUK OO LMAASAI NATISIRAKI ENG'EJUK

¹⁶ “Kairriwaa intae anaa nkerra atua suyian, enteng'enita anaa lasuriaa, niborrurru anaa nturkuluoni.

Biblia Sinyati

¹⁶ “Eng'urai airriwayie intae anaa nkerra atua suyian, enteng'enita anaa lasuriaa, niborrurru anaa nturkuluni.

BIBLIA SINYATI

¹⁶ “Eng'urai airriwayie intae anaa nkerra atua suyian, enteng'enita anaa lasuriaa, niborrurru anaa nturkuluni.

Matayo 10:16 Eitobir Enkop

Luka 10:3

Enjom! eng'orai, airriwaa nanu ndai anaa mbalelon atua empolos oo suiyan.

Ilfilipi 2:15

piakuku nkera Engai nemeata entioto ana esungureishu, nemetii embuakinoto, tiatua ena kishon torrono nariwuo; ore tiatua ninje ilang'ishosho anaa nkilang'eta olmaa,

1 Ilkorintio 14:20

Lalashera, emiaku nkera tiatua eng'eno inyi; kake tiatua ntorrok entaa nkera, kake entaa baiarot tiatua eng'eno inyi.

Ilkolosai 4:5

Entilimanata tʼeng'eno tʼengomom oo kulo lootii aulo ninyang'unyenye enkata.

Luka 21:15

Amu ayeu naisho nanu ndai enkutuk o eng'eno nemeidim aaisimu arashu aatigilunore laitang'orok linyi pookin.

Iasat 20:29

Amu ayolo kuna, ajo ore paidip ashomo, nejing'u suiyan malmalin atua ndai nemepal enjoo.

2 Ilkorintio 11:3

Kake aureisho, peiye, anaa peteleja olopa asurai Eva tʼesungureishu enye, eiminyeki si ndamunot inyi aaing'ua emborrakinoto e atua Kristos.

1 Ilsesalonike 5:22

Entapaashare emua entorroni pookin!

2 Ilkorintio 11:14

Nemeiputukunyisho; amu eitaai kion satan openy aaku olmalaika lʼenkilang'et.

1 Ilsesalonike 2:10

Irara ndai iljaken, naa si ninye Engai, enikinkunari too ndai tʼesinyatishu o t'esupato, nimikiata entioto,

Ilkolosai 1:9

Onaa, mikigira si yook nikisayaki ndai, eiter te ina olong' nikitoning'o ena, nikisai, peiganyi ndai eyolounoto eyeunoto enye tiatua eng'eno pookin o eyolounoto emumuaishu,

2 Ilkorintio 1:12

Ore enkitadararoto ang' naa ina: eijakenu oltoilo lʼoltau lang', aajo tʼesinyatishu o tʼesipata Engai, neme tʼeng'eno entung'anishu, kake tʼeng'adunoto Engai, kitilimanate tiatua ele maa, naleng' too ndai.

2 Ilkorintio 8:20

Nikimitiki te ina, pemeduaki oltung'ani yook ntorrok tʼolbae lʼena sotore nikintobir.

Matayo 24:25

Eng'orai, aitera aliki ndai.

Matayo 24:45

Akae, kang'ai lora olaisyayani airukoni naa ng'en, otipika olaitoriani lenye shumata enkisyayare enye, peisho kulekai aisyayak endaa tʼenkata enye?

Matayo 25:2

Kake imiet moda too ninje, naa ng'eni imiet.

Matayo 25:4

Kake ore kuna ng'eni neshoroo eilata too ltuleta lenye te nebo o taai enye.

Matayo 25:9

Kake nealiki kuna ng'eni ninje nejo: Me neijia, pemekilau yook o ndai; enaikash, embung'a engoitoi aapuo enetii lamirak, pinyang'ung'u oopeny.