Marko 4:38 - Osotua Ng'ejuk

³⁸ Netii ninye openy kurum engalawa, epetita enkirishet elukunya. Neinyeye ninje ninye nejoki ninye: Laiteng'enani, me toki te iye, teni kimin yook?

BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI

³⁸ Kake etii ninye Yesu siadi empeut, eirura epetita enkirishet e lukunya; neinyeyie lkipaareta lenyena ninye nejoki, “Olaiteng'enani, aimme toki te iyie te nikindaaya?”

BIBLIA SINYATI TE NKUTUK OO LMAASAI NATISIRAKI ENG'EJUK

³⁸ Kake etii ninye Yesu siadi empeut, eirura epetita enkirishet e lukunya; neinyeyie lkipaareta lenyena ninye nejoki, “Olaiteng'enani, aimme toki te iyie te nikindaaya?”

Biblia Sinyati

³⁸ Kake etii ninye siadi empeut, eirura epetita enkirishet e lukunya; neinyeyie ninche ninye nejoki, “Olaiteng'enani, ai mme toki te iyie te nikindaaya?”

BIBLIA SINYATI

³⁸ Kake etii ninye siadi empeut, eirura epetita enkirishet e lukunya; neinyeyie ninche ninye nejoki, “Olaiteng'enani, ai mme toki te iyie te nikindaaya?”

Marko 4:38 Eitobir Enkop

1 Petero 5:7

Entanang'akiti nkishilarot inyi pookin shumata enye, amu ninye oshilaa ndai.

Ilhebrania 4:15

Amu mikiata olaidasani kitok lemeidim atoning'oki yook emion too menatishuitin ang', kake eitasuroki ninye too pookin anaa yook, metii ake enkitarruoto.

Matayo 8:25

Nepuonu laitengʼenuok lenyena enetii ninye neinyeye ninye nejo: Laitoriani, ntopua yook, kimin!

Luka 8:24

Nepuonu ninje neinyeye ninye nejo: Laiturukoni, Laiturukoni, kiminita! Neinyototo ninye nebuaki olkutati o enkiposhata engare; neagaa neaku olgira.

Ilhebrania 2:17

Akae, meata kata nemenyanyukie ninye lalashera lenyena too ntokitin pookin, peaku ninye olobore enkordunoto o olaidasani kitok, oitabaia ntokitin pookin tʼEngai, netum olorere enkitaunoto oo nkitarruot.

Yohana 4:6

Netii ine olkesimet le Yakoob. Akae, ore penaura Yesus tʼolototo, neton ninye te shumata olkesimet; nera enkata oo saan ile.

Matayo 22:16

Neirriwaki ninye laiteng'enuok lenye te nebo o laisyayak le Herodes. Nejo ninje: Laiteng'enani, kiyolo iye, aajo ira oltung'ani lʼesipata nintorioo aiteng'enu engoitoi Engai tʼesipata nimishilu oltung'ani o obo niming'oraa entemet oltung'ani.

Marko 4:37

Neaku enkutishoto olkutati kitok nenang'aki lopir lʼengare atua engalawa, neaku eiganya engalawa.

Marko 4:39

Neinyototo ninye nebuaki olkutati nejoki olbalbal: Tigirai, tirria! Negira olkutati neaku olgira kitok.