Luka 6:42 - Osotua Ng'ejuk

⁴² Kaji inko teni indim atiaki olalashe lino: Lalashe, njooki, paitau embajuai natii engong'u ino, nimidol openy olmuambai lotii atua engong'u ino? Iye, laitusupatuoni, tang'asa ntau olmuambai tʼengong'u ino, pitum aing'orai abaraki embajuai natii atua engong'u olalashe lino, pintau ninye.

BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI

⁴² Kaji nko pee ijoki olalashe lino, ‘Olalashe lai, ntasho maaitayu entubuloi nikitii enkong'u ino makewan,’ eji nimidol olchata likitii enkong'u ino makewan? Lo sunkuroi, tang'asa intayu ilo shata likitii enkong'u ino pee itum taa atodolisho, nintayu entubuloi natii enkong'u o lalashe lino.

BIBLIA SINYATI TE NKUTUK OO LMAASAI NATISIRAKI ENG'EJUK

⁴² Kaji nko pee ijoki olalashe lino, ‘Olalashe lai, ntasho maaitayu entubuloi nikitii enkong'u ino makewan,’ eji nimidol olchata likitii enkong'u ino makewan? Lo sunkuroi, tang'asa intayu ilo shata likitii enkong'u ino pee itum taa atodolisho, nintayu entubuloi natii enkong'u o lalashe lino.

Biblia Sinyati

⁴² Kaji nko pee ijoki olalashe lino, ‘Olalashe lai, ntasho maaitayu entubuloi nikitii enkong'u ino makewan,’ eji nimidol olchata likitii enkong'u, ino makewan? Lo sunkuroi, tang'asa intayu ilo shata likitii enkong'u ino pee itum taa atodolisho, nintayu entubuloi natii enkong'u o lalashe lino.

BIBLIA SINYATI

⁴² Kaji nko pee ijoki olalashe lino, ‘Olalashe lai, ntasho maaitayu entubuloi nikitii enkong'u ino makewan,’ eji nimidol olchata likitii enkong'u, ino makewan? Lo sunkuroi, tang'asa intayu ilo shata likitii enkong'u ino pee itum taa atodolisho, nintayu entubuloi natii enkong'u o lalashe lino.

Luka 6:42 Eitobir Enkop

2 Petero 1:9

kake olemeata nona, nera modooni neirrapirrapisho nerikino enkisujata oo nkitarruot enyena e opa.

2 Timoteo 2:21

Kake teni eisuja oltung'ani apaash nona, neaku entoki sinyati naata enganyit, netumoki olopeny, neidipakinore enkyas pookin sidai.

2 Ilkorintio 5:18

Kake eing'ua pookin Engai naitobirakinye yook kion te Kristos, neisho yook enkisyayare enkitobirakinoto;

Iroma 2:1

Onaa, miata emitunoto, oltung'ani pookin eigwenaki; amu eningwenakinye olekai, ningwenakinye kion, amu intobir kuna ningwenaki.

Iasat 13:10

nejo: Iye, enkerai e satan, nabore olosek o olduruki pookin, olmang'atinda lʼesupato pookin, mipal mishukushuk ngoitoi Olaitoriani naara sidan?

Iasat 8:21

Miata eng'arata o ematua tiatua ele rorei, amu meitoriori oltau lino tʼengomom Engai.

Iasat 2:38

Nejoki Petros ninje: Entaalata, njeibatisi oltung'ani pookin too ndai atua engarna e Yesus Kristos, petum enkitaunoto oo nkitarruot, nipuopuo aang'amu enkishooroto Olmumua Sinyati.

Luka 22:32

kake aatasayaka nanu iye, pemeng'oru enkirukoto ino; ore piala iye, ntagolo lalashera linono.

Luka 13:15

Kake nealiki Olaitoriani ninye nejo: Iye laitusupatuoni, melaku oltung'ani pookin too ndai olkiteng' lenye arashu osikiria lenye t'embout tʼengolong' naeng'ieng'areki, pelo aitook?

Matayo 26:75

Nedamu Petros ilo rorei le Yesus lotiaka ninye: Ore eton eitu eorito olkikusieki, nikilamiki aigil uni, nelo aulo neishir tʼemion.

Matayo 7:3

Ainyo ping'oraa iye embajuai natii engong'u olalashe lino nimidol olmuambai otii engong'u ino?

Matayo 7:4

Arashu kaji inko teni ijoki olalashe lino: Ntasho, ayeu naaitaiki iye embajuai tʼengong'u ino, — naa ng'orai, etii olmuambai tʼengong'u ino?

Luka 6:41

Akae, ainvo pidol embajuai natii atua engong'u olalashe lino, nimiyolou olmuambai otii atua engong'u ino?

Luka 6:43

Metii oljani sidai oiu ilmomo torrok, nemeitoki atii oljani torrono oiu ilmomo sidan.