Iroma 7:5 - Osotua Ng'ejuk

⁵ Amu te ina kata nikitii atua enkiring'o, tʼolbae loo nkitanapat neasisho ilng'warraitin loo nkitarruot tiatua rubat ang' aaiki enkea ilmomo.

BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI

⁵ Ore apa aa iseseni kinchuyie, ore ng'uarrat ang oo ng'ok, etupututuo inkitanapat, neasisho tiatua rubat ang neiu ilg'anayio le keeya.

BIBLIA SINYATI TE NKUTUK OO LMAASAI NATISIRAKI ENG'EJUK

⁵ Ore apa aa iseseni kinchuyie, ore ng'uarrat ang oo ng'ok, etupututuo inkitanapat, neasisho tiatua rubat ang neiu ilg'anayio le keeya.

Biblia Sinyati

⁵ Ore apa aa osesen kinchuyie, ore ng'uarrat ang oo ng'ok, etupututuo nkitanapat, neasisho ti atua rubat ang neiu ilg'anayio le keeya.

BIBLIA SINYATI

⁵ Ore apa aa osesen kinchuyie, ore ng'uarrat ang oo ng'ok, etupututuo nkitanapat, neasisho ti atua rubat ang neiu ilg'anayio le keeya.

Iroma 7:5 Eitobir Enkop

Ile Efeso 2:3

Amu te nebo o ninje kitilimanate si yook opa tiatua ilng'warraitin lʼenkiring'o ang' nikintobir eyeunoto enkiring'o o en eng'eno, nikira si yook nkera engoro tʼempukunoto ang', neijia anaa ilkulekai.

Ilgalatia 5:24

Ore kulo loora le Kristos Yesus, neoshoki enkiring'o enye esalaba te nebo o yeunot torrok o ilng'warraitin.

Ilgalatia 3:10

Amu ore lelo pookin ooirishakino nkitobirat oo nkitanapat, netii abori endiata. Amu etisiraki: Edia oltung'ani pookin lemebik tiatua mbaak pookin, naatisiraki tʼenkitabu oo nkitanapat, peitobir ninje.

Iroma 6:13

nimintarasakiki enkitarruoto rubat inyi anaa nareta entorroni, kake entarasaki aten Engai anaa looishiu too lootuata, o rubat inyi anaa nareta esupato.

Iroma 6:21

Akae, kakua momo inoto te ina kata? Ore taata iatata sura tʼolbae loo nona; amu era enkiting'oto enye enkea.

1 Yohana 3:4

Ore oltung'ani pookin loitobir nkitarruot, nepaashare nkitanapat, naa nkitarruot empaashata oo nkitanapat.

Ilkolosai 3:5

Akae, entaar metuata rubat inyi naatii enkop: mbaak torrok oo nkiri o olduruki o enkima o olng'warra torrono o engong'u oo masaa, nara enkisyayare oo nkulie ain.

1 Ilkorintio 15:56

Kake era olkikarret lʼenkea enkitarruoto, nera engolon enkitarruoto nkitanapat.

Yakobo 4:1

Kaji eing'ua enjore o olarrabal tiatua ndai? Meing'ua ilng'warraitin linyi ooara tiatua rubat inyi?

Yakobo 1:15

Ore tekurum eidipa atang'amu olng'warra neiu ninye enkitarruoto, ore petabaiye enkitarruoto neiu ninye enkea.

Tito 3:3

Amu ore si yook opa nimikiata eng'eno, neitu kining', nikimanimanaa, nikisyayaki ilng'warraitin o ng'idaitin torrok oo muain kumok, nikipuoiye entorroni o olkikainit, neibai yook nikimbaro tiatua aten.

Ile Efeso 2:11

Akae, entadamu, aajo ore pirara ndai opa lemeata Engai t'enkiring'o ooipotoki lememurata too kulo ooji emurata tʼenkiring'o, naitobiri tʼengaina,

Iroma 7:23

Kake adol nkulie kitanapat tiatua rubat ainei, naarare nkitanapat eng'eno ai, naaeniki, paisyayaki nkitanapat enkitarruoto naatii atua rubat ainei.

Iroma 6:23

Amu era enkea olkwaje lʼenkitarruoto, kake era enkishooroto Engai empuan nemeiting' tiatua Kristos Yesus, Olaitoriani lang'.

Iroma 6:19

Airo tʼorregie lʼentung'anishu tʼolbae lʼemenatishu enkiring'o inyi. Amu anaa pinjoo rubat inyi eisyayaki olduruki o empaashata oo nkitanapat, neijia enjoo taata rubat inyi, peisyayaki esupato tiatua esinyaroto.

Iroma 5:20

Etijing'ua nkitanapat petum aatoponai nkitarruot. Kake anaa petoponaiye enkitarruoto, netulusoiye apona eng'adunoto,

Iroma 4:15

Amu eau nkitanapat engoro, amu enemetii nkitanapat, nemetii empaashata.

Iroma 3:20

Amuoretoo nkitobirat oo nkitanapat, meitaai supat enkiring'o o nabo tʼengomom enye. Amu too nkitanapat elotu eyolounoto oo nkitarruot.

Iroma 1:26

Onaa, eitarasaka Engai ninje atua ilng'warraitin lʼenkurruna, amu ore ng'oroyok enye eibelekenya orregie oishiaakino aaitaa orregie lemeishiaakino;

Yohana 3:6

Enatoiwuoki tʼenkiring'o nera enkiring'o; o enatoiwuoki tʼOlmumua nera Olmumua.

Matayo 15:19

Amu epuku tʼoltau ndamunot torrok: earata metua, earata enkidikidikoto olmoruo o eng'oroyoni, entalare, empurrore, enjakenishu elejare, emoroto.

2 Ilkorintio 10:3

Amu ten ake kipuo tiatua nkiri, nimikiara too nareta oo nkiri.