Iroma 6:3 - Osotua Ng'ejuk

³ Miyololo ndai, aajo eibatisaki yook pookin, looibatisaki atua Kristos Yesus, atua enkea enye?

BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI

³ Aimiyiololo aajo ore iyiook pooki ooibung'are Yesu Kristo tiatua enkibatisa ang, nikitaa nabo o ninye te nkaraki keeya enye?

BIBLIA SINYATI TE NKUTUK OO LMAASAI NATISIRAKI ENG'EJUK

³ Aimiyiololo aajo ore iyiook pooki ooibung'are Yesu Kristo tiatua enkibatisa ang, nikitaa nabo o ninye te nkaraki keeya enye?

Biblia Sinyati

³ Aimiyiololo aajo ore iyiook pooki ooibung'are Yesu Kristo ti atua enkibatisa ang nikimbung'are ninye, nikitaa nabo o ninye te ina te nkaraki enkeeya enye?

BIBLIA SINYATI

³ Aimiyiololo aajo ore iyiook pooki ooibung'are Yesu Kristo ti atua enkibatisa ang nikimbung'are ninye, nikitaa nabo o ninye te ina te nkaraki enkeeya enye?

Iroma 6:3 Eitobir Enkop

Ilgalatia 3:27

Ore ndai pookin looibatisaki atua Kristos, injopo baiki Kristos.

Iroma 6:8

Kake teni kituata te nebo o Kristos, kiruk, aajo kipuo aaishiu baiki te nebo o ninye,

1 Ilkorintio 12:13

Amu eibatisaki yook pookin tʼOlmumua obo, pekiaku osesen obo, ten aa Yudayoi, ana Ilgrikini, ana singan, ana loolakuno, neitooki pookin atua Olmumua obo.

1 Petero 3:21

Naa engare naitopok si yook taata tʼenkibatisa naitanyanyukieki te ina, nemera enjororoto oloirerio lʼosesen, kake osotua lʼoltoilo sidai lʼoltau oitoriokinore Engai tʼolbae lʼempiunoto e Yesus Kristos,

Iasat 2:38

Nejoki Petros ninje: Entaalata, njeibatisi oltung'ani pookin too ndai atua engarna e Yesus Kristos, petum enkitaunoto oo nkitarruot, nipuopuo aang'amu enkishooroto Olmumua Sinyati.

Matayo 28:19

Akae, embung'a engoitoi, entaa laiteng'enuok loreren pookin, imbatisisi ninje atua engarna e Papa o Oinoti o Olmumua Sinyati,

Yakobo 4:4

Ndai, laitobirak loo mbaak torrok oo nkiri, miyololo, aajo era enjoruetishu olmaa emang'atishu Engai? Ore oloyeu neaku oljore lʼolmaa, neaku ninye olmang'atinda lʼEngai.

1 Ilkorintio 9:13

Miyololo ndai, aajo ore looitobirisho tʼengaji sinyati, nenya ne ina aji, o looidasisho tʼolperere lʼenkidasare, nenyaiye olperere.

Iroma 7:1

Miyololo ndai, lalashera, (amu airorie kulo looyolo nkitanapat), aajo eitore nkitanapat oltung'ani enkata naishiuye?

Iroma 6:16

Miyololo, aajo ore ilo, lintarasakiki ndai aten singan nirukuruku, nirara singan lenyena, metaa irara lʼenkitarruoto aabaiki enkea, arashu lʼening'oto aabaiki esupato?

Iasat 19:5

Ore pening' ninje kuna, neisho eibatisi tʼengarna Olaitoriani Yesus;

1 Ilkorintio 6:9

Amaa miyololo, aajo mejung'u iltorrok enkarsishu Engai? Emilej aten. Mepuo aajung'u looas mbaak torrok oo nkiri o looisyayaki nkulie ain o looar enkidikidikoto olmoruo o eng'oroyoni o lʼenjalan torrono o looisokorisho

1 Ilkorintio 5:6

Me sidai, neijia anaa pintadaraara aten. Miyololo ndai, aajo eisiijie enkiti kisiijoi entapa pookin?

Iasat 8:16

amu eton eitu edoiki o obo too ninje, eibatisaki ake tʼengarna Olaitoriani Yesus.

2 Ilkorintio 13:5

Entetem ndai aten, ten aa itiiti atua enkirukoto, entujur ndai aten. Arashu miyolouu ndai aten, aajo etii Kristos atua ndai? Anake etaa irara turua.

1 Ilkorintio 15:29

Anai kaji eiko lelo ooibatisi tʼolbae loo lootuata, teni mepiu lootuata katukul? Ainyo peibatisi tʼolbae lenye?

1 Ilkorintio 3:16

Miyololo ndai, aajo irara engaji Engai, nemanya Olmumua lʼEngai atua ndai?

1 Ilkorintio 6:19

Anai miyololo, aajo era osesen linyi engaji Olmumua Sinyati otii atua ndai, linoto tʼEngai nimirara kul inyi oopeny?

1 Ilkorintio 9:24

Miyololo ndai, aajo ore lookwet tiatua eneikarruno, nekwet ninje pookin, kake eng'amu obo ake en engilunoto? Neijia enkwet si ndai, pitumutumu aatang'amu.

1 Ilkorintio 10:2

neibatisi pookin atua Mose tiatua erukenya o tiatua olbalbal,