Iroma 6:2 - Osotua Ng'ejuk

² Me neijia. Ore yook, nikituatakitia enkitarruoto, kaji kinko teni kintoki aaishiu tiatua ninye?

BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI

² Mme nejia pae! Kaji iyiook kinko ilootuata tialo ing'ok ti nikintoki aaenikino atua?

BIBLIA SINYATI TE NKUTUK OO LMAASAI NATISIRAKI ENG'EJUK

² Mme nejia pae! Kaji iyiook kinko ilootuata tialo ing'ok ti nikintoki aaenikino atua?

Biblia Sinyati

² Mme neijia pae! Kaji iyiook kinko ilootuata ti alo ng'ok ti nikintoki aaenikino atua?

BIBLIA SINYATI

² Mme neijia pae! Kaji iyiook kinko ilootuata ti alo ng'ok ti nikintoki aaenikino atua?

Iroma 6:2 Eitobir Enkop

1 Yohana 3:9

Ore pookin otoiwuoki tʼEngai, nemeitarruo, amu ebik eishoi enye te nebo o ninye; meidim ninye aitarruoi, amu etoiwuoki tʼEngai.

Ilkolosai 3:3

Amu ituata ndai netushumaki empuan inyi te nebo o Kristos tiatua Engai.

Iroma 7:4

Naa neijia itiuu si ndai, lalashera lainei, ituatakitia nkitanapat tiatua osesen le Kristos, piakuku lʼolekai lora ilo oitopiwuoki too lootuata, pekiiki Engai ilmomo.

1 Petero 2:24

olotanapa nkitarruot ang' tiatua osesen lenye shumata enjata, pikinjiuoki esupato, kituatakitia nkitarruot; injiutuo too lbaak lenyena.

Ilgalatia 2:19

Kake aidipa atuaki nkitanapat, paishiuoki Engai. Aatooshokoki esalaba te nebo o Kristos.

Iroma 7:6

Kake ore taata, kitaa loolakuno too nkitanapat, nikituatakitia ninje naateena yook, pekisyaisho tʼeng'ejukishu Olmumua, me tʼentiinoto musana esirata.

1 Petero 1:14

anaa nkera naaning'isho, emimbung' orregie loo lng'warraitin linyi lʼenkata elukunya litonyorra miyololo,

Ilkolosai 2:20

Teni ituata te nebo o Kristos nipalipala rregieita lʼolmaa, ainyo pisujusuju rregieita lʼolmaa anaa loopon aaishiu tiatua olmaa?

Ilgalatia 6:14

Kake njaapaash ena kitadararoto, neme en esalaba Olaitoriani lang' Yesus Kristos; te ilo aatooshokoki nanu olmaa esalaba, neoshokini olmaa esalaba te nanu.

Iroma 5:11

Me te ina ake, kake kintadaraa baiki tiatua Engai tʼOlaitoriani lang' Yesus Kristos, likinotie taata enkitobirakinoto.

Luka 20:16

Elotu ninye neiminye lelo aturok neisho enkuruma enye oo nkeek olmarua kulekai. Ore pening ninje kuna, nejo: Njepaash yook ina!

Iroma 6:15

Ainyo naa? Kintarruo, tiaraki nimikitii abori oo nkitanapat, kake abori eng'adunoto? Me neijia.