Iroma 6:12 - Osotua Ng'ejuk

¹² Kake eminjo enkitarruoto meitoria atua osesen linyi otum enkea, nining'ining'i ninye tiatua ilng'warraitin lenyena,

BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI

¹² Emincho naa ng'ok eitoreisho tiatua iseseni linyi ooyooki aaye, metaa kearaki intae entoning ing'uarrat enye.

BIBLIA SINYATI TE NKUTUK OO LMAASAI NATISIRAKI ENG'EJUK

¹² Emincho naa ng'ok eitoreisho tiatua iseseni linyi ooyooki aaye, metaa kearaki intae entoning ing'uarrat enye.

Biblia Sinyati

¹² Emincho naa ng'ok eitoreisho ti atua iseseni linyi ooyooki aaye, metaa kearaki intae entoning ing'uarrat enye.

BIBLIA SINYATI

¹² Emincho naa ng'ok eitoreisho ti atua iseseni linyi ooyooki aaye, metaa kearaki intae entoning ing'uarrat enye.

Iroma 6:12 Eitobir Enkop

Ilgalatia 5:16

Ajo ake: Entilimanata tʼolmumua, pemintobiribiri baiki olng'warra lʼenkiring'o.

Iroma 6:16

Miyololo, aajo ore ilo, lintarasakiki ndai aten singan nirukuruku, nirara singan lenyena, metaa irara lʼenkitarruoto aabaiki enkea, arashu lʼening'oto aabaiki esupato?

Iroma 8:13

Amu teni injiuu anaa peyeu enkiring'o, nipuopuo aae; kake teni iariara nkitobirat osesen tʼOlmumua metuata, nipuopuo aaishiu.

Ilgalatia 5:24

Ore kulo loora le Kristos Yesus, neoshoki enkiring'o enye esalaba te nebo o yeunot torrok o ilng'warraitin.

2 Ilkorintio 4:11

Amu ore yook likinjiu, neishori yook enkata pookin, matuata tʼolbae le Yesus, petum si aibalunye empuan e Yesus tiatua seseni lang' ooe.

2 Timoteo 2:22

Lanya ilng'warraitin torrok enkitishu! kake tusuja esupato, enkirukoto, enyorrata, eseriani te nebo o pookin ooipot Olaitoriani tʼoltau oibor.

Ile Efeso 4:22

Onaa, entautu oltung'ani musana tʼorregie lenye lʼelukunya, loiminye kion tʼolng'warra lʼeng'uyan,

Iroma 2:8

kake kulo loora ilkiminjal lʼolarrabal nemening' esipata nening' nemera esupato, engoro o enairowua.

1 Petero 2:11

Lanyor, adiding' ndai anaa lomon o iltung'anak lʼolototo, pipaasharere ilng'warraitin loo nkiri looarare Olmumua

Tito 2:12

eiteng'enita yook, pikiany empaashata Engai o ilng'warran lʼolmaa, pikinjiu tiatua ele maa tʼeng'eno o tʼesupato o tʼenkuretishu Engai,

Ile Efeso 2:3

Amu te nebo o ninje kitilimanate si yook opa tiatua ilng'warraitin lʼenkiring'o ang' nikintobir eyeunoto enkiring'o o en eng'eno, nikira si yook nkera engoro tʼempukunoto ang', neijia anaa ilkulekai.

Yuda 1:18

enetiakitia ndai, aajo tʼenkata enkiting'oto epuo aatii lamorok oolimana too lng'warraitin lʼorregie lenye torrono.

1 Petero 1:14

anaa nkera naaning'isho, emimbung' orregie loo lng'warraitin linyi lʼenkata elukunya litonyorra miyololo,

Tito 3:3

Amu ore si yook opa nimikiata eng'eno, neitu kining', nikimanimanaa, nikisyayaki ilng'warraitin o ng'idaitin torrok oo muain kumok, nikipuoiye entorroni o olkikainit, neibai yook nikimbaro tiatua aten.

1 Ilsesalonike 4:5

me tʼenkima olng'warra anaa loreren lemeyolo Engai,

Iroma 13:14

kake enjopo Olaitoriani Yesus Kristos, ore enkishilaroto osesen eminko aainokie olng'warra.

Iroma 8:11

Teni emanya Olmumua le ilo, oitopiwuo Yesus too lootuata, atua ndai, neitopiu ilo oitopiwuo Yesus tiatua lootuata, si seseni linyi ooe, tʼolbae lʼolmumua lenye omanya atua ndai.

Iroma 6:14

Amu melaitore enkitarruoto ndai, amu mitiiti abori oo nkitanapat, kake abori eng'adunoto.

Iroma 5:21

peiye, neijia anaa peitorishe enkitarruoto tʼenkea, neijia eitorisho si eng'adunoto metabaiki empuan nemeiting' tʼolbae le Yesus Kristos, Olaitoriani lang'.

Yuda 1:16

Naa kulo ninje ooing'unyung'uny neishir oshi ake, nelimana too lng'warraitin lenye, neiro nkutukie enye mbaak sapuki olwuasa, nenyorraki aten too ltung'anak tʼolbae lʼendupoto ele maa.

2 Ilkorintio 5:4

Amu ore pikitii atua engaji olototo, nikiang' eiroshikini yook; mikiyeu neoruni yook tiatua ninye ilkilani, kake peitokini aaishopoki yook, peimisori nʼenkea tiatua empuan.