Iroma 2:10 - Osotua Ng'ejuk

¹⁰ enkitadarraroto o enkitaaroto enkitook o eseriani oltung'ani pookin oitobir sidan, ang'as Oyudayos, baiki Olgriki.

BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI

¹⁰ kake keaku enkitoo o enkanyit o eseriani te pooki ng'ae oas isupati, neiteru to Lyahudi naa nejia etiu too Lyunani.

BIBLIA SINYATI TE NKUTUK OO LMAASAI NATISIRAKI ENG'EJUK

¹⁰ kake keaku enkitoo o enkanyit o eseriani te pooki ng'ae oas isupati, neiteru to Lyahudi naa nejia etiu too Lyunani.

Biblia Sinyati

¹⁰ kake keaku enkitoo o enkanyit o eseriani te pooki ng'ae oas isupati, neituruk to Lyahudi naa neijia etiu too Lyunani.

BIBLIA SINYATI

¹⁰ kake keaku enkitoo o enkanyit o eseriani te pooki ng'ae oas isupati, neituruk to Lyahudi naa neijia etiu too Lyunani.

Iroma 2:10 Eitobir Enkop

1 Petero 1:7

petumi enkirukoto inyi enataleenoki neata enkinyang'a kitok nelang' esahabu namuta naleeni tʼenkima, neaku enkitadararoto o enkitook o enganyit tiatua embolunoto e Yesus Kristos,

Yakobo 3:13

Kang'ai ora ng'en o jartan too ndai? Njeitaduaia tʼorregie lenye sidai nkitobirat enyena tʼemborran o enʼgeno.

Iroma 8:6

Nera nkibirribirrat enkiring'o enkea, kake era nkibirribirrat Olmumua empuan o eseriani.

Iroma 2:7

kulo looing'oru tʼolng'iria loo nkitobirat sidan empuan nemeiting', enkitadararoto o enkitaaroto enkitook;

Luka 1:79

peilang'aki lootoni tiatua enaimin o tiatua oloip lʼenkea, nerik nkejek ang' atua engoitoi eseriani.

Yakobo 2:22

Idol taa, ajo eitobirishore enkirukoto nkitobirat enyena, neitabaiyoki enkirukoto too nkitobirat;

Ilgalatia 5:6

Amu meata tiatua Kristos emurata engolon arashu memurata, kake enkirukoto naitobirisho tʼenyorrata.

Iroma 5:1

Akae, ore peishooki yook esupato naing'ua enkirukoto, nikiata eseriani o Engai tʼOlaitoriani lang' Yesus Kristos,

Iroma 2:9

Enkilishoto o osina Olmumua pookin oitobir ntorrok, ang'as lʼOyudayos, baiki lʼOlgriki;

Yohana 16:33

Atiaka ndai kuna, pitumutumu aata eseriani te nanu. Iatata osina tiatua olmaa; kake entagoluoto, atigilua nanu olmaa.

Ilfilipi 4:7

Ore eseriani Engai nalang' eng'eno pookin, njerrip iltauja linyi o ndamunot inyi tiatua Kristos Yesus.

Ilgalatia 5:22

Kake era ilmomo lʼOlmumua: enyorrata, eng'ida, eseriani, olng'iria, emborran, esidano, enkirukoto, olgira sidai, emitikinoto oo mbaak oo nkiri.

Iroma 15:13

Njeigany ake ndai Engai eanyunoto tʼeng'ida pookin o tʼeseriani enkirukoto, peitunyoi eanyunoto inyi tʼengolon Olmumua Sinyati.

Iroma 14:17

Amu mera enkarsishu Engai endaa o eokoto, kake esupato o eseriani o eng'ida tiatua Olmumua Sinyati;

Iroma 9:23

peiye eitayolou enkumoi enkitook enye too nkitobirat eng'adunoto enye, naatang'asa aitobir pebaiki enkitook,

Iroma 9:21

Meata oloitobir motiok engolon, peitobir tʼolokidong'oi obo emoti nabo naata enkitook, o engai naata enkurruna?

Iasat 10:35

kake ore tiatua loreren pookin enyor oloure ninye o oloitobir esupato.

Yohana 12:26

Teni eyeu naaisyayaki oltung'ani, njaasuj ninye nanu; ore enatii nanu, elatii ina alo baiki olaisyayani lai; olaaisyayaki nanu, neitaa Papa ninye kitok.

Luka 22:14

Ore pebau enkata, netoni o lairriwak tomon o are te nebo o ninye.

Luka 19:42

ejo: Ten emutu iyolo si iye tiatua ena olong' nara nʼe seriani ino! Kake etushumaki taata too ngonyek inono

Luka 12:37

Teshi lelo aisyayak looinepu Olaitoriani lenye, teni elotu, eishololo. Japa, aliki ndai: Erretena neitoton ninje tʼenedaare, nelotu aisyayaki ninje.

Luka 9:48

nejoki ninje: Olong'amu ena kerai tʼengarna ai, naang'amu nanu; naa olaang'amu nanu, neng'amu olaairriua: amu olora kinyi tiatua ndai pookin, nera kitok.

Matayo 10:13

teni eaku ena aji, nejing'aki eseriani inyi atua ninye; teni meaku, nerrinyokino ndai eseriani inyi.

1 Petero 5:4

Ore peibalunye ele airritani kitok, neishori ndai enkaja enkitook nemeinaaia.

Yohana 14:27

Aing'uaiki ndai eseriani, aisho ndai eseriani ai; maisho nanu ndai anaa peishoru olmaa. Njoo meng'aing'ayu iltauja linyi, njoo meureisho.

1 Timoteo 1:17

Njetum olkarsis loo nkatan pookin o Engai nabo ng'en, nemerruoio, nemelio, enganyit o enkitook nkatan pookin o nkatan pookin.

Ilhebrania 2:7

Nintaa iye ninye oti too lmalaikan enkiti kata, ninjopoko ninye enkaja enkitadararoto o nʼenkitook, ninjoo ninye eitore nkitobirat oo ngaik inono,