Ilkolosai 2:4 - Osotua Ng'ejuk

⁴ Najo kuna, pemelej ndai oltung'ani too rorei sidan.

BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI

⁴ Najo kuna, pee melej intae likae too rorei le lejare.

BIBLIA SINYATI TE NKUTUK OO LMAASAI NATISIRAKI ENG'EJUK

⁴ Najo kuna, pee melej intae likae too rorei le lejare.

Biblia Sinyati

⁴ Najo kuna, pee melej intae likae too rorei le nkeleekisho.

BIBLIA SINYATI

⁴ Najo kuna, pee melej intae likae too rorei le nkeleekisho.

Ilkolosai 2:4 Eitobir Enkop

1 Yohana 4:1

Lanyor lainei, emiruk ilmumuan pookin, kake entaleen ilmumuan, ten ake Engai eing'ua, amu etijing'a laiteng'enak kumok lʼelejare atua olmaa.

Ile Efeso 4:14

pimikintoki aaku nkera, pemerikiriki yook idye o idye tʼolkutati pookin lʼenkiteng'enare tiatua olosek loo ltung'anak o tiatua esungureishu, peaku emputokinoto enkitamanimanaroto,

Matayo 24:4

Nealu Yesus nejoki ninje: Eng'orai, pemeitapong'oo ndai oltung'ani.

2 Yohana 1:7

Amu kumok lalejak ooetuo atua olmaa, lemeibalu Yesus Kristos, aajo eewuo tʼenkiringʼo. Ninye olalejani, naa olmang'atinda le Kristos.

Marko 13:22

Amu epuo aainyototo ilkristoi lʼelejare o layolounok lʼelejare, nepuo aaitobir ilponot kituak o nkiputukunyot, petum aaitamanimanai, ten ake eidimu, baiki lootegeluaki.

Embolunoto 20:8

nepuku ninye aitapong'oo loreren ootii nkutot pokira ong'wan enkop, Goog o Magoog, neiturrur ninje aiko enjore, neba esiana enye anaa osunyai lʼenaiposha.

2 Timoteo 3:13

Kake ore kulo tung'anak torrok oolejisho, nelusoo aaku torrok, neitapong'oo neitapong'ori.

2 Timoteo 2:16

Ntalama kion mbaak enderrare oo mpeshoi entung'anishu; amu epon ina ake orregie torrono,

Ile Efeso 5:6

Eminjo eitamanimanaa ndai oltung'ani o obo too rorei le pesho; amu elotu tʼolbae loo kuna engoro Engai shumata oo ltung'anak lemeiruk.

Iasat 20:30

Nepuku baiki tʼempolos inyi iltung'anak ooiro nemeitoriori, pearaki laiteng'enuok ematua enye.

Embolunoto 20:3

nenang'aki atua ewueji easuroto, neigenoo, neen shumata tʼolmishire, pemeitoki ninye aitapong'oo loreren, metabana neishunye larin iip tomon; ore peishunye lelo, meata kata nemelaki ninye enkiti kata.

Embolunoto 13:8

Neserem ninye kulo pookin oomanya atua engop, leitu esira ngam enye tʼenkitabu empuan Embalelo nataraki, opa tʼenkiterunoto olmaa.

Embolunoto 12:9

Nenang'uni abori entiamasi kitok, naa ninye olasurai musana, oji oloirirua o satan, oitapong'oo olmaa pookin; etanang'uaki enkop o ilmalaikan lenyena te nebo o ninye.

1 Yohana 2:26

Kuna baak atisiraka ndai tʼolbae loo lelo oorik ndai aaitapong'oo.

1 Yohana 2:18

Nakera kutiti, esaa enkiting'oto ena; anaa enitoning'o ndai, aajo elotu olmang'atinda le Kristos, neijia eetuo ilmang'ati le Kristos kumok. Te ina kiyolou, aajo etaa esaa enkiting'oto.

Ilkolosai 2:18

Eminjo eiwang'ie ndai oltung'ani enjunet, lora oloito anaa peyeu openy tʼenkitadounoto o tʼesupato oo lmalaikan, neitu edol hoo nabo too nena, neitaa sapuk elukunya pesho tiatua ndamunot naaing'ua enkiring'o enye,

Ilkolosai 2:8

Eng'orai, pemeitamanimanaa ndai oltung'ani tʼenkiteng'enare arashu tʼempesho elejare tʼerisioroto eng'amunoto oo ltung'anak, o noo rregieita lʼolmaa, neme tʼeyeunoto e Kristos.

Ilgalatia 2:4

Amu ore pejing'u tʼenkisudoroto lalashera lʼelejare aaikeernu elakunoto ang' nikiata tiatua Kristos, petum aaitaa yook isingan,

2 Ilkorintio 11:3

Kake aureisho, peiye, anaa peteleja olopa asurai Eva tʼesungureishu enye, eiminyeki si ndamunot inyi aaing'ua emborrakinoto e atua Kristos.

1 Ilkorintio 2:4

Ore ororei lai o enkinosunoto ai, nemera ororei sidai lʼeng'eno oo ltung'anak, kake ol enkitaduaroto Olmumua o tʼengolon,

Matayo 24:24

Amu epuo aainyototo ilkristoi lʼelejare o layolounok lʼelejare kumok, neitobir ilponot kituak o nkiputukunyot, pepuoi aaitapong'oo baiki lootegeluaki, teni eidimu.

Ile Efeso 4:17

Ajo ena naijakenu tiatua Olaitoriani: Emintoki ndai aalimana anaa ilkulekai lemeata Engai tʼempesho oo ndamunot enye.