Ilhebrania 12:2 - Osotua Ng'ejuk

² maimariria Yesus ora olaiturukoni o olaitabaiani lʼenkirukoto, oting'iriaka esalaba tʼewueji eng'ida natii engomom enye, neitu eshilaa enkurruna, neton te tatene olorika lʼenkitoria lʼEngai.

BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI

² Emaimariria Yesu olaa ninye oiterua naa ninye oitabaya enkirukoto ang, olaa ore te nkaraki eng'ida natipikaki dukuya ninye neting'iria osalaba, nemenu ina kurruna, neton taata te nkaina e tatene o lorika le nkitoo e Nkai.

BIBLIA SINYATI TE NKUTUK OO LMAASAI NATISIRAKI ENG'EJUK

² Emaimariria Yesu olaa ninye oiterua naa ninye oitabaya enkirukoto ang, olaa ore te nkaraki eng'ida natipikaki dukuya ninye neting'iria osalaba, nemenu ina kurruna, neton taata te nkaina e tatene o lorika le nkitoo e Nkai.

Biblia Sinyati

² Emaimariria Yesu olaa ninye olaiturukoni naa oloitabaya enkirukoto ang, olaa ore enkaraki eng'ida natipikaki dukuya ninye neting'iria osalaba, nemenu ina kurruna, neton taata te nkaina e tatene o lorika le nkitoo e Enkai.

BIBLIA SINYATI

² Emaimariria Yesu olaa ninye olaiturukoni naa oloitabaya enkirukoto ang, olaa ore enkaraki eng'ida natipikaki dukuya ninye neting'iria osalaba, nemenu ina kurruna, neton taata te nkaina e tatene o lorika le nkitoo e Enkai.

Ilhebrania 12:2 Eitobir Enkop

1 Petero 3:18

Amu etua baiki Kristos nabo kata tʼolbae loo nkitarruot ang', osupat tʼolbae loo lemeata esupato, peiye erik yook enetii Engai; etaaraki metua tʼosesen meitaai eshiu tʼolmumua;

Ilhebrania 1:3

olora enkibor enkitook o erisioroto entiunoto enye, loirishiu ntokitin pookin tʼororei lʼenkidimata enye, eidipa aitaa enkisujata oo nkitarruot ang' neton te tatene enkitook natii shumata,

Ile Efeso 5:2

entilimanata tiatua enyorrata anaa petonyorra yook Kristos neishooio kion tʼolbae lang', peaku enkishooroto o enkidasare, nara erropili sidai tʼEngai.

Ilfilipi 1:6

nayolo ena toki nabo, ajo oloitera tiatua ndai enkyas sidai, nelaitabaia metabaiki engolong' e Kristos Yesus,

Ilhebrania 9:28

neijia eidasaki Kristos nabo kata, aitau nkitarruot oo lkumok. Ore ninye lemeata nkitarruot nelalioi enkata e are too kulo ooanyu ninye, petum enkitopuata.

Yohana 6:40

Amu era eyeunoto e Papa lai, peata oltung'ani pookin odol Oinoti neiruk ninye, empuan nemeiting' nalaitopiu nanu ninye tʼengolong' enkiting'oto.

1 Petero 3:22

oilepa shumata neton te tatene Engai: ore ilmalaikan o nkitoriaitin o nkidimat, naa nʼenkitoria enye.

Iasat 5:31

Eitaa Engai ninye kitok tʼengaina enye e tatene, peaku Olarikoni o Olaitopuani, peisho Israel enkitaalata o enkitaunoto oo nkitarruot.

Luka 24:26

Ke meata kata neitu eisili Kristos, pejing' atua enkitook enye?

Yuda 1:21

nirripirripi aten tiatua enyorrata Engai, nianyunyu enkordunoto Olaitoriani lang' Yesus Kristos narik atua empuan nemeiting'.

Ilhebrania 8:1

Ore eumata oo kuna nikiimaki, naa ena: Kiata olaidasani laijo ele oton te tatene olorika lʼenkitook e shumata,

2 Timoteo 4:8

eng'or aarripokini olkaranda tʼesupato, laalaisho Olaitoriani te ina olong', olaigwenani supat, neme nanu ake, kake pookin lootonyorra elioroto enye.

Ilfilipi 3:20

Amu etii entonata ang' shumata nikianyu te inalo Olaitopuani o Olaitoriani Yesus Kristos

Marko 14:36

nejo: Aba, Papa, eidimai ntokitin pookin te iye; ntulusoiyoki ena kwaru; kake njoo meaku enayeu nanu, njeaku eniyeu iye!

Embolunoto 2:8

Tisiraki olmalaika lʼesirit natii atua Smirna: Kuna ejo ol enkiterata o ol enkiting'oto, otaa olotua neitoki apiu:

Ilhebrania 13:13

Akae, maapeti si yook aaing'ua enkirragata, enetii ninye, pekinap emoroto enye.

Ilhebrania 5:9

Ore peidipi aitabai, neaku ninye olaretoni loo pookin ooiruk ninye, petum ninje enkitopuata nemeiting',

Yohana 13:3

eyolo, ajo eishoo Menye ninye pookin atua ngaik, naa ajo eing'ua Engai neitoki alo enetii Engai,

Luka 17:5

Nejoki lairriwak Olaitoriani: Toponiki yook enkirukoto!

Marko 9:24

Neapaa nabo kata menye lʼenkerai oltoilo, nepuku ilkiyo, nejo: Airuk, Laitoriani, taretokoki mairuk!

Ilhebrania 12:3

Entadamutu oloting'iriaka engogong'i naba nji oo laitarruok tiatua kion, peiye minaurara nimileporiri too ltauja linyi.

Ile Efeso 2:16

neitobirakinye pokira are tiatua osesen obo Engai tʼesalaba, eidipa atara emang'atishu te ninye openy.

Iasat 5:41

Nepuku tʼengomom enkigwena eng'ida, aajo eishooki enkitook, petum osina tʼolbae lʼengarna enye;

Yohana 12:32

Ore nanu, teni aapuni tʼena kop, nalayetu pookin enatii nanu.

1 Petero 1:11

Eikeernutuo, aajo kaa kata arashu kaa pukunoto natuutua Olmumua le Kristos otii atua ninje, netang'asa aijakenu nkisilot e Kristos o enkitook nasuju tekurum.

Ilhebrania 10:14

Amu tʼenkidasare nabo eitabaiye too nkatan pookin kulo ootisinyaiyoki.

Yohana 12:24

Japa, japa, aliki ndai: Teni medoiki embeu engano atua enkop nee, nebik ninye openy ake; kake teni ee, neiu ilmomo kumok.

Yohana 8:56

Etagalale minyi linyi Abraham, pedol engolong' ai: nedol neng'ida.

Yohana 1:29

Ore tʼengolong' e are nedol Yohanes Yesus elotu enetii, nejo: Ng'orai, embalelo Engai nanapita nkitarruot olmaa.

Luka 23:11

Nemen Herodes ninye o esiamu enye nekweniye ninye neishopoki ninye olkila oibor neitoki arrinyoki ninye enetii Pilatos.

Matayo 20:28

neijia anaa peitu elotu Enkerai oltung'ani, peisho eisyayakini ninye, kake peisyaisho neishooio empuan enye, peaku elakunoto oo lkumok.

Matayo 16:21

Ore te ina kata neiter Yesus aitayolo laiteng'enuok lenyena, ajo meata kata nemelo ninye Yerusalem, neitame naleng' laigwenak o laidasak kituak o layolok lʼesirata ninye, neari metua, nepiu tʼengolong' e uni.

Embolunoto 1:17

Ore padol ninye, nabatata too nkejek enyena anaa olotua; naaiteleiki ninye engaina enye e tatene, naajoki: Miureisho, ara nanu ol enkiterata o ol enkiting'oto

Embolunoto 1:11

ojo: Ara nanu A o O, ol enkiterata o ol enkiting'oto: Tisira nena nidolita tiatua enkitabu nirriwaki nekua sirito naapishana naatii Asia, atua Efesos o Smirna o Pergamos o Tiatira o Sardes o Filadelfia o Laodikea.

Ilhebrania 7:19

(amu eitu eidim nkitanapat aaitabai toki), neauni eanyunoto naikash naleng', naa ninye kinyikakinye Engai.

Ilhebrania 1:13

Kake kalo too lmalaikan etiaka aikata: Totona iye te tatene ai, metabana napik ilmang'ati linono abori oo nkejek inono?

Iasat 2:36

Njeyolou taata engaji pookin e Israel esipa, ajo eitaa Engai ele Yesus litasho ndai, peaku Olaitoriani o Kristos.

Marko 9:12

Nejoki ninye ninje: Esipa, eng'as alotu Eliya, peitobiraki pookin; kake te nebo o nena etisirakinyeki Enkerai oltung'ani, ajo eisilisili naleng' nemeni.

Embolunoto 1:8

Ara nanu A o O, ejo Olaitoriani Engai otii taata, naa ninye opa otii, naa ninye olotu, tʼengolon pookin.

Ilhebrania 11:36

Ore kulekai eting'kiakitia emoroto o arat, te nebo o nkeenda o enkibooroto;

Ilhebrania 10:33

ematua nabo, tʼolbae lʼemenata o loo nkisilot itaa emoroto, o engai matua, ping'arierie kulo looikunakaki nji.

Marko 16:19

Akae, ore peidip Olaitoriani airorie ninje, nedumari shumata neton te tatene Engai.

Iasat 3:15

niariara Olkitok lʼempuan metua. Eitopiwuo Engai ilo aitung'ua lootuata nikira yook iljaken lenyena.

1 Ilkorintio 1:18

Amu ore ororei lʼesalaba, nera emodaishu too lelo ooimin, kake ore too yook ooitopuaki, naa engolon Engai.

1 Ilkorintio 1:23

kake kinosu yook Kristos otooshokoki esalaba, nera too Yudayoi erikai o too loreren emodaishu,

Yakobo 2:1

Lalashera lainei, eminken, aajo eing'oraa enkirukoto e atua Yesus Kristos, Olaitoriani lʼenkitook lang', entemet oltung'ani.

Marko 15:28

Nebaia esirata najo: Eikenaiyoki ninye te nebo o laitarruok.