Ile Efeso 2:2 - Osotua Ng'ejuk

² ipuoiyeye opa tʼerisioroto orregie lʼele maa o lʼoloata engolon tʼolng'inai, ora Olmumua oitobirisho tiatua iltung'anak lemeiruk.

BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI

² inaa ninche apa ipuoyieyie isujitata olkerreti lena kop, nisujitata ilo kitok le ngolon o loing'ang'e, ina kiyang'et naisiaaisho taata tiatua nena kera naagolong'u.

BIBLIA SINYATI TE NKUTUK OO LMAASAI NATISIRAKI ENG'EJUK

² inaa ninche apa ipuoyieyie isujitata olkerreti lena kop, nisujitata ilo kitok le ngolon o loing'ang'e, ina kiyang'et naisiaaisho taata tiatua nena kera naagolong'u.

Biblia Sinyati

² inaa ninche apa ipuoyieyie isujitata olkerreti le na kop, nisujitata ilo kitok le ngolon o loing'ang'e, ina kiyang'et naisiaaisho taata ti atua nena kera naagolong'u.

BIBLIA SINYATI

² inaa ninche apa ipuoyieyie isujitata olkerreti le na kop, nisujitata ilo kitok le ngolon o loing'ang'e, ina kiyang'et naisiaaisho taata ti atua nena kera naagolong'u.

Ile Efeso 2:2 Eitobir Enkop

Ile Efeso 6:12

amu mikiarare osarge o enkiring'o, kake ilkituak o looata engolon o laitoriak lʼolmaa lʼena aimin o ilmumuan torrok ootii abori e shumata.

1 Yohana 5:19

Kiyolo yook, aajo kira lʼEngai, neton olmaa pookin tiatua entorroni.

Ile Efeso 2:3

Amu te nebo o ninje kitilimanate si yook opa tiatua ilng'warraitin lʼenkiring'o ang' nikintobir eyeunoto enkiring'o o en eng'eno, nikira si yook nkera engoro tʼempukunoto ang', neijia anaa ilkulekai.

Yohana 12:31

Etii taata enkigwena ele maa; eiturrakini taata olkitok lʼele maa boo.

Ile Efeso 5:6

Eminjo eitamanimanaa ndai oltung'ani o obo too rorei le pesho; amu elotu tʼolbae loo kuna engoro Engai shumata oo ltung'anak lemeiruk.

Yohana 8:44

Ing'uang'ua ndai minyi linyi, satan, niyeuu nintobiribiri ilng'warraitin le minyi linyi. Era ninye olarani loo ltung'anak neba tʼenkiterata neitu eitashe ninye tiatua esipata, amu metii esipata atua ninye. Teni elimu elejare, nelimu enenye, amu era ninye olalejani o menye lenye.

Ile Efeso 4:22

Onaa, entautu oltung'ani musana tʼorregie lenye lʼelukunya, loiminye kion tʼolng'warra lʼeng'uyan,

1 Ilkorintio 6:11

Ore kulekai tiatua ndai, naa nji opa etiu. Kake eisujaki ndai neitaai ndai sinyat tiatua engarna Olaitoriani Yesus Kristos o tiatua Olmumua lʼEngai ang'.

2 Ilkorintio 4:4

neitamodono engai ele maa eng'eno oo lemeiruk, pemeilang'aki ninje enkilang'et oo lomon lʼeng'ida o lʼenkitook e Kristos, lora emua Engai.

1 Yohana 5:4

Ore pookin natoiwuoki tʼEngai, negilu olmaa; nera enkirukoto ang' engilunoto natigilua olmaa.

1 Yohana 3:10

Too kuna baak eibalunye nkera Engai o nkera e satan: ore pookin lemeitobir esupato, nemeing'ua Engai, o ele lemenyor olalashe lenye.

1 Petero 1:14

anaa nkera naaning'isho, emimbung' orregie loo lng'warraitin linyi lʼenkata elukunya litonyorra miyololo,

Embolunoto 20:2

Neibung' ninye entiamasi, ol opa asurai musana, lora oloirirua o satan, neen enkata oo larin iip tomon,

1 Yohana 4:4

Irara ndai l'Engai, nakera kutiti, nitigilutua lelo; amu ore oloti! atua ndai, nera kitok nelang' ele otii atua olmaa.

1 Petero 4:3

Amu ebaiki, ajo kintobira tʼenkata empuan ang' natulusoiye, yeunot oo loreren oolamita Engai, kipuoiye mbaak torrok oo nkiri, ilng'warraitin, emerai, enkinosishore, eokishore, nkisyayareitin oo nkulie ain.

Ilkolosai 1:21

Ore ndai, lirara opa lomon o ilmang'ati tiatua ndamunot inyi tʼolbae loo asat inyi torrok,

Ilgalatia 1:4

oishooiye kion tʼolbae loo nkitarruot ang', peitopok yook tʼele maa torrono e taata anaa peyeu Engai naa Papa lang',

Iroma 12:2

Eminyanyukiei ele maa, kake entaalata tʼeng'ejukishu oo nkibirribirrat inyi, pindimidimi aataleen enara eyeunoto Engai sidai, naiting'idisho, enabaia.

Yakobo 4:4

Ndai, laitobirak loo mbaak torrok oo nkiri, miyololo, aajo era enjoruetishu olmaa emang'atishu Engai? Ore oloyeu neaku oljore lʼolmaa, neaku ninye olmang'atinda lʼEngai.

1 Ilkorintio 5:10

Majo ina tukul too looas mbaak torrok oo nkiri lʼele maa, arashu too lʼempiani o laisimak o looisyayaki muain, amu te ina meata kata niming'uang'ua olmaa.

Iasat 5:3

Nejoki Petros: Ananias, ainyo pikinganya satan oltau lino, pilej Olmumua Sinyati nisudoki kion tʼesungureishu ematua oo ngoshola enkuruma?

Yohana 15:19

Ten emutu irara ndai lʼolmaa, anaata enyor olmaa enenye; kake tiaraki nimirara lʼolmaa naa nanu otegelua ndai tʼolmaa, onaa eiba olmaa ndai.

Yohana 14:30

Maitoki airorie ndai too nkumok, amu elotu olkitok lʼele maa, nemaataiye nanu toki;

2 Petero 2:14

neata ngonyek oobore mbaak torrok oo nkiri, lemeiboiori too ntorrok, nelej iltauja ooshal, neata oltau otamoo ngoitoi oo lng'warraitin, naa nkera endiata.

Yohana 16:11

mbaak enkigwena, tiaraki naigwenakini olkitok lʼele maa.

Yohana 13:27

Ore tekurum eonyoti nejing' satan atua ninye. Akae, nejoki Yesus ninye: Enintobir, ntobira asioki!

Yohana 13:2

Ore peidipai endaata, eidipa aishoo satan atua oltau le Yudas le Simon, Iskariotes, peitarasaa ninye,

Yohana 8:23

Nejoki ninye ninje: Irara ndai liabori, nara nanu le shumata; irara ndai lʼele maa, namara nanu lʼele maa.

Yohana 7:7

Meidim olmaa atemena ndai, kake aamen nanu, tiaraki naijakenoki ninye, ajo era torrok nkyasin enyena.

Matayo 13:38

Nera olmaa enkuruma. Nera olmasinde nkera oltorrono.

Embolunoto 13:8

Neserem ninye kulo pookin oomanya atua engop, leitu esira ngam enye tʼenkitabu empuan Embalelo nataraki, opa tʼenkiterunoto olmaa.

1 Yohana 3:8

Ore oloas enkitarruoto, naa satan eing'ua. Amu eitarruo satan neba tʼenkiterata. Te ina etalie Oinoti lʼEngai, peiminye nkitobirat e satan.

Yakobo 1:7

Njoo mejo ilo tung'ani, ajo elang'amu ninye toki tʼOlaitoriani;

2 Timoteo 4:10

Amu natung'aiye Demas, nenyor mbaak ele maa, neshomo Tesalonike, neshomo Kreskens Galatia, neshomo Titos Dalmatia.

Iasat 19:35

Neitigir olasirani obo esiamu nejo: Lelea le Efesos, kalo tung'ani lemeyolo, ajo era engang' Efesos engashilaroni engai ng'oroyoni Artemis, nʼemua natadouo te shumata?

Luka 22:31

Nejo Olaitoriani: Simon, Simon, ng'orai, etayeuo satan nekut ndai anaa engano:

Luka 16:8

Neitadaraa Olaitoriani oladuo aing'orani torrono, tiaraki naikuna tʼeng'eno; amu era nkera ele maa ng'eni nelang' nkera enkilang'et tiatua enkishon enye openy.

Matayo 11:19

Eewuo Enkerai oltung'ani, nenya, neok; nejo ninje: Eng'orai, era ele tung'ani olainosani o olaokoni lʼolmarua, oljore loo laoshok le kodi o loo laitarruok! Meata kata nemeitaai supat eng'eno too nkera enyena.

Embolunoto 16:17

Nebukoki ole opishana engirra enye atua olng'inai. Nepuku oltoilo kitok oing'ua shumata tʼenetii olorika lʼenkitoria lʼEngai, nejo: Eidipe.

Embolunoto 13:14

neitapong'oo kulo oomanya atua enkop tʼolbae loo lponot oishooki ninye, peas tʼengomom e ina ng'wes; nejoki kulo oomanya atua enkop, peitobir aten emua e ina ng'wes naata olbae t'olalem neishiu.

Embolunoto 12:9

Nenang'uni abori entiamasi kitok, naa ninye olasurai musana, oji oloirirua o satan, oitapong'oo olmaa pookin; etanang'uaki enkop o ilmalaikan lenyena te nebo o ninye.

Matayo 13:22

Ore enaisuakaki atua ilkikarreta, nera ninye oloning' ororei, negor enkishilaroto ele maa o elejata oo masaa ororei, neaku meiu ilmomo.

Marko 4:19

nejing' nkishilarot olmaa o elejata endupai o olng'warra loo nkulie baak negor ilo rorei, neaku meisho.

Ile Efeso 1:21

peaku shumata enkitook pookin o engolon o enkidimata o enkitoria o engarna pookin naimakini, me tiatua ele maa ake, kake baiki tiatua ololotu;

Ile Efeso 2:11

Akae, entadamu, aajo ore pirara ndai opa lemeata Engai t'enkiring'o ooipotoki lememurata too kulo ooji emurata tʼenkiring'o, naitobiri tʼengaina,

Ile Efeso 2:13

Kake ore taata, ndai ootii atua Kristos neaku enelakwa opa, nitinyikutua tʼolbae lʼosarge le Kristos.

Ile Efeso 4:17

Ajo ena naijakenu tiatua Olaitoriani: Emintoki ndai aalimana anaa ilkulekai lemeata Engai tʼempesho oo ndamunot enye.

Ile Efeso 5:8

Amu irara opa enaimin, kake itaa taata enkilang'et tiatua Olaitoriani.

Yakobo 1:27

Ore enkisyayare sidai nemeata eleyata tʼengomom Engai, Papa, era ena: Enking'orare oo lokishin o en oo ngolia tiatua enkilishoto enye, o erripore e kion tʼolmaa, pemeata entibili.