Embolunoto 1:11 - Osotua Ng'ejuk

¹¹ ojo: Ara nanu A o O, ol enkiterata o ol enkiting'oto: Tisira nena nidolita tiatua enkitabu nirriwaki nekua sirito naapishana naatii Asia, atua Efesos o Smirna o Pergamos o Tiatira o Sardes o Filadelfia o Laodikea.

BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI

¹¹ ejo, “Ingero nena nidolita tiatua embuku nirriwaki nena sirito pokira naapishana, ene Efeso, o Smirna o Pergamam o Tiatira o Sardis o ene Filadelfia o Laodikea.”

BIBLIA SINYATI TE NKUTUK OO LMAASAI NATISIRAKI ENG'EJUK

¹¹ ejo, “Ingero nena nidolita tiatua embuku nirriwaki nena sirito pokira naapishana, ene Efeso, o Smirna o Pergamam o Tiatira o Sardis o ene Filadelfia o Laodikea.”

Biblia Sinyati

¹¹ ejo, “Ingero nena nidol ti atua embuku nirriwaki nena sirito pokira naapishana, ene Efeso, o Smirna o Pergamum o Tiatira o Sardis o ene Filadelfia o Laodikea.”

BIBLIA SINYATI

¹¹ ejo, “Ingero nena nidol ti atua embuku nirriwaki nena sirito pokira naapishana, ene Efeso, o Smirna o Pergamum o Tiatira o Sardis o ene Filadelfia o Laodikea.”

Embolunoto 1:11 Eitobir Enkop

Embolunoto 3:1

Tisiraki olmalaika lʼesirit natii atua Sardes: Kuna ejo Oloata ilmumuan oopishana lʼEngai o lakir oopishana: Ayolo nkitobirat inono, amu iata engarna ajo injiu, nitua iye.

Embolunoto 1:4

Yohanes: too kuna sirito naapishana naatii Asia. Njebik eng'adunoto te nebo o ndai o eseriani naing'ua ilo otii taata, naa ninye opa otii, naa ninye olotu, neing'ua kulo mumuan oopishana ootii tʼengomom olorika lenye,

Embolunoto 3:14

Tisiraki olmalaika lʼesirit natii atua Laodikea: Kuna ejo ele oji Amen, ele jakeni supat osipa, laa ninye enkiterata enkitobirata Engai:

Embolunoto 3:7

Tisiraki olmalaika lʼesirit natii atua Filadelfia: Kuna ejo ele Sinyati olosipa, oata eenet e David, obolu nemetii oigen, oloigenoo nemetii obolu:

Embolunoto 2:18

Tisiraki olmalaika lʼesirit natii atua Tiatira: Kuna ejo Oinoti lʼEngai oata ngonyek anaa ilng'ejepa lʼenkima netiu nkejek enyena anaa suia:

Embolunoto 2:12

Tisiraki olmalaika lʼesirit natii atua Pergamos: Kuna ejo Oloata olalem opi ngaloli pokira are:

Embolunoto 2:8

Tisiraki olmalaika lʼesirit natii atua Smirna: Kuna ejo ol enkiterata o ol enkiting'oto, otaa olotua neitoki apiu:

Ile Efeso 1:1

Paulos, olairriwani le Yesus Kristos tʼolbae lʼeyeunoto Engai: too sinyat ootii Efesos o too lairukok le atua Kristos.

Embolunoto 21:5

Nejo ilo oton tʼolorika lʼenkitoria: Ng'orai, aitaa ntokitin pookin ng'ejuko. Naajoki: Tisira, amu supati kulo rorei nesipa.

Embolunoto 19:9

Naajoki: Tisira! Teshi kulo ooipotokoki endaata Embalelo. Naajoki: Ore kulo, naa rorei oosipa lʼEngai.

Embolunoto 14:13

Naning' oltoilo oing'ua shumata ejo: Tisira! Teshi lootuata looe tiatua Olaitoriani eba taata. Esipa, ejo Olmumua, ajo epuo aaeng'ieng'a ninje too nyamalareitin enye, amu esuj nkitobirat enye ninje.

Embolunoto 10:4

Ore peiro nena darat naapishana too ltoiloi lenye, najo asir; naning' oltoilo aing'ua shumata naajoki: Teena enairoro nena darat naapishana, tʼolmishire; misir ninje!

Embolunoto 1:19

Tisira naa kuna baak nitadua, o naatii o naapuo aaku akenya.

Embolunoto 1:8

Ara nanu A o O, ejo Olaitoriani Engai otii taata, naa ninye opa otii, naa ninye olotu, tʼengolon pookin.

1 Timoteo 1:3

Anaa idya naaitanapa iye, pibik te Efesos enkata nalo Makedonia, nintanap kulekai, pemeiteng'en nkulie baak,

Embolunoto 1:17

Ore padol ninye, nabatata too nkejek enyena anaa olotua; naaiteleiki ninye engaina enye e tatene, naajoki: Miureisho, ara nanu ol enkiterata o ol enkiting'oto

Embolunoto 1:2

oijakenuo ororei lʼEngai o enjakenishu e Yesus Kristos natadua.

1 Ilkorintio 16:8

Kake abik te Efesos metabaiki Pentekoste,

1 Ilkorintio 15:32

Ten aa tʼempukunoto oo ltung'anak ataarare lowuarak te Efesos, kaa dupoto aata te ina? Teni mepiu lootuata: „Mataam nikiok, amu kituata taisere!“

Iasat 20:17

Neirriwaa oltung'ani oing'ua Miletos, pelo Efesos neipot laigwenak lʼesirit.

Iasat 18:24

Nebaia Oyudayos obo Efesos, oji engarna enye Apolos, otoiwuoki te Aleskandria, oltung'ani lʼeng'eno neaku shashaut too sirat.

Iasat 16:14

Nening' eng'oroyoni nabo, naji engarna enye Lidia, engamirani oo lkarashi oodo, nʼengang' Tiatira, naure Engai; nebol Olaitoriani oltau lenye neibung' nairoro Paulos.

Ilkolosai 2:1

Amu ayeu niyololo, ajo keba aa eaparoto naata tʼolbae linyi o lelo le Laodikea o pookin leitu edol engomom ai tʼosesen,

Embolunoto 1:20

Ore emikio oo lelo akir oopishana litadua t'engaina ai e tatene o nena kilang'eta naapishana e sahabu: Ore lakir oopishana, naa ilmalaikan loo sirito naapishana; ore nkilang'eta naapishana nitadua, naa sirito naapishana.

Embolunoto 2:1

Tisiraki olmalaika lʼesirit natii atua Efesos: Kuna ejo oloibung'ita kulo akir oopishana te tatene enye, olimana tʼempolos oo kuna kilang'eta e sahabu naapishana:

Embolunoto 2:24

Naliki ndai ilkulekai ootii Tiatira lemeata enkiteng'enare naijo ena, neitu eyolou ngasurin e satan (anaa pejo): Manang'aki shumata inyi olekai rridati.

Embolunoto 3:4

Kake iata kulie arn te Sardes neitu epik oloirerio nkilani enye; nepuo ninje aalimana te nebo o nanu, amu eaku too ninje;

Embolunoto 22:10

Naajoki nanu: Mien rorei lʼenkitayolounoto lʼena kitabu tʼolmishire! Amu etinyikua enkata.

Embolunoto 22:16

Nanu, Yesus, oirriwaiye olmalaika lai, peijakenoki ndai kuna baak, naara noo sirito. Ara nanu entonai o enkishon e David, nara ilo akira lʼentadekenya oibor.