2 Petero 1:8 - Osotua Ng'ejuk

⁸ Ore piatata nona osupatei, meisho ninje ndai ishalulu nimiatata ilmomo tiatua eyolounoto Olaitoriani lang' Yesus Kristos;

BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI

⁸ Ore iyatata kuna tokitin te nkumoi nemeisho intae iliarara anaa ilauu ilng'anayio tiatua eyiolounoto o Laitoriani lang Yesu Kristo.

BIBLIA SINYATI TE NKUTUK OO LMAASAI NATISIRAKI ENG'EJUK

⁸ Ore iyatata kuna tokitin te nkumoi nemeisho intae iliarara anaa ilauu ilng'anayio tiatua eyiolounoto o Laitoriani lang Yesu Kristo.

Biblia Sinyati

⁸ Ore iyatata kuna tokitin te nkumoi nemeisho intae iliarara anaa ilauwu ilng'anayio ti atua eyiolounoto o Laitoriani lang Yesu Kristo.

BIBLIA SINYATI

⁸ Ore iyatata kuna tokitin te nkumoi nemeisho intae iliarara anaa ilauwu ilng'anayio ti atua eyiolounoto o Laitoriani lang Yesu Kristo.

2 Petero 1:8 Eitobir Enkop

Tito 3:14

Njeiteng'enuo si iltung'anak lang', peitobirita nkitobirat sidan, aaitaa ngolati naayeuni, pemeaku loolau ilmomo.

Ilkolosai 3:16

Njebik ororei le Kristos tiatua ndai tʼemborei, ninteng'enaroro nididing'aroro tʼeng'eno pookin, niranyakiki Engai too ltauja linyi too singolioitin lʼengauo o too singolioitin lʼenkitadararoto o too singolioitin sidan lʼolmumua.

Yohana 15:2

Ore olng'osila pookin liatua nanu lemeisho, neitau ele; ore pookin loisho, neikishaanye, pepon aisho naleng'.

Ilhebrania 6:12

pemiakuku ilturua, kake lasujak loo kulo oojung'u tʼenkirukoto o olng'iria nkisiligat.

Ilfilipi 1:9

Nasayu ena, pepona abulu enyorrata inyi oshi tiatua eyolounoto o tiatua enkitagoluoto pookin,

1 Ilsesalonike 4:1

Akae, eng'or, lalashera, kisai nikididing' ndai tiatua Olaitoriani Yesus Kristos, peiye (anaa pitang'amutua too yook, pibikibiki tʼorregie oitoriori ninting'iding'idi Engai) iponipono aapona.

1 Ilkorintio 15:58

Onaa, lalashera lainei lanyor, entuunoto, eming'unung'un, entopon naleng' aaitobir oshi enkyas Olaitoriani, iyololo, aajo mera enyamali inyi en e pesho tiatua Olaitoriani.

2 Petero 1:2

Njeisho Engai ndai eng'adunoto o eseriani kitok tʼeyolounoto Engai o Olaitoriani lang' Yesus Kristos.

Filimon 1:6

petum enkirukoto ino niking'ar, engolon tʼeyolounoto oo ntokitin pookin sidan nikiata tiatua Kristos Yesus.

2 Ilsesalonike 1:3

Meata kata nimikiliki oshi Engai ashe tʼolbae linyi, lalashera, anaa peaku; amu ebulu enkirukoto inyi naleng', nepona enyorrata oltung'ani pookin tiatua ndai pookin,

Ilfilipi 2:5

Embung'a nkibirribirrat tiatua ndai, anaa peata ninje Kristos Yesus,

2 Ilkorintio 13:5

Entetem ndai aten, ten aa itiiti atua enkirukoto, entujur ndai aten. Arashu miyolouu ndai aten, aajo etii Kristos atua ndai? Anake etaa irara turua.

Ilkolosai 2:7

niunokinono, nishetakinono tiatua ninye tʼenkirukoto nagol, neijia anaa peiteng'enaki ndai, niponana aaliki ashe te ina.

2 Ilkorintio 9:14

neng'war ndai tʼengomono enye neomonoki ndai tʼolbae lʼenkumoi emunyani Engai too ndai.

2 Ilkorintio 8:2

Ten ake etaa sapuk osina otetemieki ninje, nepona naleng' eng'ida enye; ore ten aa ninje aisinak loora, neishooio nkumok tʼesupato.

1 Timoteo 5:13

Neitoki aaku turua nemoku emanaa too ngajijik. Neme turua ake, kake era si noopeny olderra o rorei loo nkurrat, neiro mbaak nemeaku.

1 Ilsesalonike 3:12

Metoponai Olaitoriani enyorrata tiatua ndai aten o too ltung'anak pookin, anaa eniki-tiu yook too ndai,

2 Ilkorintio 8:7

Kake neijia anaa piatata enkumoi oo mbaak pookin, tiatua enkirukoto o ororei o eyolounoto o enyuata o enyorrata inyi too yook, neijia entonyok piponana si tʼena munyani.

Iroma 12:11

Emishalu tʼenyuata. Enjoo iatata enkima tiatua iltauja. Esyayakiti Olaitoriani.

Yohana 5:42

kake atayolo ndai, ajo miatata enyorrata Engai tiatua aten.

Matayo 25:26

Nealiki olaitoriani lenye nejoki: Iye laisyayani torrono nishal! itayolo, ajo aisambu, eitu aun, naiturrur, eitu aisuaia;

Matayo 20:6

Ore te saa tomon o nabo nepuku neinepu ilkulekai looitashe, meata enkyas, nejoki ninje: Ainyo pintasheshe tene endama pookin, miatata enkyas?

Matayo 20:3

Nepuku te saa uni, nedol kulekai looitashe tʼosingira, meata enkyas.

Matayo 13:22

Ore enaisuakaki atua ilkikarreta, nera ninye oloning' ororei, negor enkishilaroto ele maa o elejata oo masaa ororei, neaku meiu ilmomo.

Yohana 17:3

Nera ena empuan nemeiting', pikiyolou iye ake, Engai nasipa, o Yesus Kristos lirriua.

Ilfilipi 3:8

Eton aiken nona pookin aa enkiminata, amu kitok naleng' eyolounoto Olaitoriani lai Yesus Kristos; ore tʼolbae lenye aikena pookin ajo enkiminata, naitoki aiken aa olduruki, patum Kristos,

Ilkolosai 1:10

pilimanana anaa peaku tʼOlaitoriani, metaa enting'idata pookin, piiuu ilmomo tiatua enkitobirata sidai pookin,

2 Petero 1:3

Tiaraki naidipaki aaishoo yook tʼeyolounoto oloipoto yook tʼenkitook o tʼenkishaa enye engolon pookin engaishu enye naeaki yook empuan o enkuretishu Engai,

2 Petero 2:20

Amu ore peidip ninje aailanya oloirerio lʼolmaa tʼeyolounoto Olaitoriani o Olaitopuani Yesus Kristos, nerreshi negiluni kat are, neaku too ninje mbaak enye enkiting'oto torrok nelang' nʼenkiterata.

2 Petero 3:18

Kake entubul tiatua eng'adunoto o eyolounoto Olaitoriani lang o Olaitopuani Yesus Kristos. Njeata ninye enkitook taata o metabaiki ngolong'i oo nkatan pookin. Amen.