2 Ilkorintio 13:5 - Osotua Ng'ejuk

⁵ Entetem ndai aten, ten aa itiiti atua enkirukoto, entujur ndai aten. Arashu miyolouu ndai aten, aajo etii Kristos atua ndai? Anake etaa irara turua.

BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI

⁵ Entujur ate te naa itii atua enkirukoto; entetem ate. Eimiyiololo aajo ketii Yesu Kristo atua intae? Naa te nemesipa, neturua intae enkirukoto.

BIBLIA SINYATI TE NKUTUK OO LMAASAI NATISIRAKI ENG'EJUK

⁵ Entujur ate te naa itii atua enkirukoto; entetem ate. Eimiyiololo aajo ketii Yesu Kristo atua intae? Naa te nemesipa, neturua intae enkirukoto.

Biblia Sinyati

⁵ Entujur ate te naa itii atua enkirukoto; entetem ate. Eimiyiololo aajo etii Yesu Kristo atua intae? Aashu te nesipa eturua intae.

BIBLIA SINYATI

⁵ Entujur ate te naa itii atua enkirukoto; entetem ate. Eimiyiololo aajo etii Yesu Kristo atua intae? Aashu te nesipa eturua intae.

2 Ilkorintio 13:5 Eitobir Enkop

1 Ilkorintio 11:28

Akae, njeleen oltung'ani kion, petum ainosa nji ele mkate neok ena kwaru.

1 Ilkorintio 9:27

Kake aibooio osesen lai naisingan ninye, pamainosaki kulekai naaku openy oloiturrari.

Embolunoto 2:5

Tadamu, kaji itusulari, taalai nintobir nkitobirat enkiterata! Teni me, nalotu asioki enitii naoshoo enkilang'et ino tʼewueji enye, teni miala.

Ilgalatia 6:4

Njeleen oltung'ani pookin enkyas enye openy, neata ninye te ina kata enkitadararoto te kion openy neme tʼolekai tung'ani.

Ilhebrania 12:15

Eng'orai, pemeng'oru o obo tʼe-ng'adunoto Engai, pemebulu entonata o nabo nadua naitirik ndai, neidurukieki ilkumok te ina.

1 Ilkorintio 11:31

Amu teni kingwenaki aten, nemeigwenakini yook.

Tito 1:16

Ejo ninje eyolo Engai; kake too nkitobirat enye, nemiki ninye, neata ntorrok, nemening'isho, neru tiatua enkyas sidai pookin.

Ilgalatia 2:20

Aishiu, kake me nanu, amu Kristos oishiu tiatua nanu; ore enaishiu taata tiatua enkiring'o, naishiu tiatua enkirukoto Oinoti lʼEngai laatonyorra nanu neishooio kion tʼolbae lai.

Yohana 14:23

Nealu Yesus nejoki ninye: Teni aanyor oltung'ani nelaibung' rorei lainei, nelanyor Papa lai ninye, nikipuonu enetii ninye nikipuo aaitobir entonata te ninye.

Iroma 8:10

Teni etii Kristos atua ndai, netua osesen tʼolbae lʼenkitarruoto, kake eishiu Olmumua tʼolbae lʼesupato.

Ilhebrania 4:1

Onaa, matureisho yook, pemikilau kijing' atua eng'ieng'ata enye naisiliga ninye, pemetii obo too yook otioyo.

1 Ilkorintio 9:24

Miyololo ndai, aajo ore lookwet tiatua eneikarruno, nekwet ninje pookin, kake eng'amu obo ake en engilunoto? Neijia enkwet si ndai, pitumutumu aatang'amu.

1 Ilkorintio 3:16

Miyololo ndai, aajo irara engaji Engai, nemanya Olmumua lʼEngai atua ndai?

Yohana 15:4

Entobik tiatua nanu o nanu tiatua ndai. Neijia anaa pemeidim olng'osila atoishoi te kion, teni mebik ninye tiatua oljani lʼolmarua, neijia mindimidimi si ndai, teni mibikibiki tiatua nanu.

Tito 2:2

Tiaki ilpaiyani, pememera, neata enganyit o eng'eno, neaku biot tʼenkirukoto, tʼenyorrata, tʼolng'iria;

Ile Efeso 3:17

pemany Kristos atua iltauja linyi tʼenkirukoto, ipikipiki ntonat neuni ndai tiatua enyorrata,

Yohana 17:26

Naitayolo ninje engarna ino naitoki aitayolo, peiye etii enyorrata nikitonyorrie nanu atua ninje, natii si nanu atua ninje.

Yohana 17:23

natii nanu atua ninje nitii iye atua nanu, petum ninje aataa baiarot tiatua nabo, peyolou olmaa, ajo iye likirriua ninyorru ninje anaa pikitonyorra nanu.

Yakobo 4:4

Ndai, laitobirak loo mbaak torrok oo nkiri, miyololo, aajo era enjoruetishu olmaa emang'atishu Engai? Ore oloyeu neaku oljore lʼolmaa, neaku ninye olmang'atinda lʼEngai.

Ilkolosai 2:7

niunokinono, nishetakinono tiatua ninye tʼenkirukoto nagol, neijia anaa peiteng'enaki ndai, niponana aaliki ashe te ina.

Ilkolosai 1:27

Amu etonyorra Engai aitayolo enara enkumoi sidai e ina mikio tiatua loreren lemeata Engai, naa ninye Kristos tiatua ndai, lora eanyunoto enkitook.

Ilkolosai 1:23

ten aa ipuoiyeye enkirukoto niunokinono ninye nigoligolo, niminjosho eibelekenyari ndai aaitung'ua eanyunoto euangelion, nitoning'o ndai, nainosuaki tiatua nkitobirat pookin naatii abori e shumata, neaku ataa nanu, Paulos, olaisyayani lenye.

Ilgalatia 4:19

Nakera ainei, naiu kat are tʼemion, metabana nelioi emua e Kristos tiatua ndai:

2 Ilkorintio 6:16

Kaa risioroto eata engaji sinyati Engai o muain? Amu irara ndai engaji sinyati Engai naishiu anaa pejo Engai: Alamany atua ninje nalalimana tʼempolos enye, nepuo aaku ninje olorere lai.

1 Ilkorintio 6:19

Anai miyololo, aajo era osesen linyi engaji Olmumua Sinyati otii atua ndai, linoto tʼEngai nimirara kul inyi oopeny?

1 Ilkorintio 6:2

Arashu miyololo ndai, aajo epuo aaigwenaki sinyat olmaa? Teni ipuopuo aaigwenaki olmaa, midupapa aaigwenaki mbaak kutiti?

Yohana 6:56

Olonya enkiring'o ai neok osarge lai, nebik ninye tiatua nanu nabik si nanu tiatua ninye.

Yohana 6:6

Etejo ena, petem ninye; amu etayolo ninye openy enatayeuo neitobir.

1 Petero 5:9

enteunore ninye tʼenkirukoto nagol, iyololo, aajo etabaikitia si lalashera linyi ootii olmaa nena kisilot.

Ilhebrania 6:8

Kake teni eiu ilkeko o ntulele entim, nemedupa, nenyikita endiata, ore enkiting'oto enye, epejori.

1 Ilkorintio 6:15

Arashu miyololo ndai, aajo era seseni linyi rubat e Kristos? Kaitaa rubat e Kristos rubat esindani? Me neijia.

Iroma 1:28

Neijia anaa petanyaita aatayolou Engai, neijia eitarasaka Engai atua ndamunot naariwuo metaasa enemeitoriori,

Tito 1:13

Esipa ena jakenishu. Tiaraki natiu neijia, ngwenaki ninje tʼempijan, peidim aataa supati tʼenkirukoto,

2 Timoteo 3:8

Kake anaa etanyaita Yanes o Yambres eiruk Mose, neijia etiu si ninje neany esipata; nera ninje iltung'anak ootarruoitie ndamunot, lemeidimunye tiatua enkirukoto.

1 Timoteo 2:15

Kake eitopoki tʼeishoi oo nkera, teni ebik ninje tiatua enkirukoto o enyorrata o esinyatishu te nebo o eng'eno bioto.

Ilkolosai 2:19

nemeibung'are elukunya, naa ninye naret osesen olulung'a neisho eidikidiko te nebo neibung'aro tʼengalo oo rubat o ieneta enyena, nebulu nji, petum emponaroto Engai.