1 Yohana 4:9 - Osotua Ng'ejuk

⁹ Etalie enyorrata Engai tiatua ena too yook, ajo eirriwaka Engai Oinoti lenye obo atua olmaa, pekipuo aaishiutu yook te ninye.

BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI

⁹ Inji eikuna Enkai pee eibalie enyorrata enye tiatua iyiook, nchere eirriwua Enkai Enkerai enye meeu enkop, metaa ninye kinchuyie.

BIBLIA SINYATI TE NKUTUK OO LMAASAI NATISIRAKI ENG'EJUK

⁹ Inji eikuna Enkai pee eibalie enyorrata enye tiatua iyiook, nchere eirriwua Enkai Enkerai enye meeu enkop, metaa ninye kinchuyie.

Biblia Sinyati

⁹ Inji eikuna Enkai pee eibalie enyorrata enye ti atua iyiook, nchere eirriwua Enkai Enkerai enye meeu enkop, metaa ninye kinchuyie.

BIBLIA SINYATI

⁹ Inji eikuna Enkai pee eibalie enyorrata enye ti atua iyiook, nchere eirriwua Enkai Enkerai enye meeu enkop, metaa ninye kinchuyie.

1 Yohana 4:9 Eitobir Enkop

Yohana 3:16

Amu nji etonyorra Engai olmaa neishooio Oinoti lenye obo, peiye meimin pokin looiruk ninye, kake peata empuan nemeiting'.

1 Yohana 5:11

Naa ena enjakenishu, ajo eishoo yook Engai empuan nemeiting', netii ena puan atua Oinoti lenye.

Iroma 8:32

Neitu eshilu ninye baiki Oinoti lenye openy, kake eitarasua ninye tʼolbae lang' pookin; meitoki aisho ninye yook te ninye ntokitin pookin?

Yohana 6:57

Neijia anaa paairriua Papa loishiu naishiu si nanu tʼolbae le Papa, neijia olaanya nanu, nelaishiu ilo tʼolbae lai.

1 Yohana 4:10

Etii enyorrata atua ena: me tiaraki nikitonyorra yook Engai, kake tiaraki natonyorra ninye yook neirriu Oinoti lenye, peaku enkitobirakinoto too nkitarruot ang'.

1 Yohana 3:16

Kitayoloutuo te ina enyorrata, tiaraki naishooiye ilo oltau lenye tʼolbae lang'; meata kata nimikinjooio si yook iltauja lang' tʼolbae loo lalashera.

Yohana 10:10

Melotu olapurroni neme tʼempurrore, peyeng' neiminye ake; aewuo nanu, peata ninje empuan o emborei.

Yohana 6:51

Ara nanu olmkate oishiu otadouo eing'ua shumata; ore oltung'ani lonya ele mkate, nelaishiu nkatan pookin; naa ore olmkate laishoru nanu, nera enkiring'o ai nalaishoru tʼolbae lʼempuan olmaa.

Yohana 3:18

Oloiruk ninye, nemeigwenakini; olemeiruk ninye, eidipaki aigwenaki, amu eitu eiruk ninye Oinoti obo lʼEngai.

Ilhebrania 1:5

Amu kalo too lmalaikan etiaka ninye aikata: Ira iye Oinoti lai, nanu laatoiwuo iye taata? Neitoki: Alaaku nanu Menye lenye te ninye, nelaaku ninye Oinoti te nanu?

Yohana 8:42

Nejoki Yesus ninje: Ten emutu era Engai Minyi linyi, anaata kinyorrinyorro nanu, amu atupukuo nanu tʼEngai, aewuo te ninye; amu eitu alotu te kion, kake ninye laairriua.

Luka 4:18

Etii Olmumua lʼOlaitoriani shumata ai, onaa aaela, painosaki laisinak lomon lʼeng'ida; aairriwaiye, painosaki looteenaki elakunoto o ilmodook endolishoto; palaku naing'uaiki lootorogonyaki,

Marko 12:6

Akae, epon eata obo, Oinoti lenye onyor; neitoki airriwaki ninje tʼenkiting'oto ninye ejo: Eanyitu Oinoti lai.

1 Yohana 4:16

Nikindipa aatayolou nikiruk enyorrata naata Engai too yook. Era Engai enyorrata; ore olobik tiatua enyorrata, nebik tiatua Engai o Engai tiatua ninye.

Yohana 14:6

Nejoki Yesus ninye: Ara nanu engoitoi o esipata o empuan; melotu o obo enetii Papa neme te nanu.

Yohana 6:29

Nealu Yesus nejoki ninje: Ena enkyas Engai, pirukuruku oloirriua ninye.

Yohana 8:29

Ore olaairriua, netii e nebo o nanu; eitu aaing'ua Papa openy, tiaraki naitobir oshi nanyor ninye.

Yohana 5:23

peitaa ninje pookin Oinoti kitok, neijia anaa peitaa ninje Papa kitok. Olemeitaa Oinoti kitok, nemeitaa Papa kitok loirriwaiye ninye.

Yohana 9:3

Nealu Yesus: Eitu eitarruo ninye o lootoiutuo ninye, kake pelioi nkyasin Engai te ninye.

1 Yohana 5:13

Atisiraka ndai kuna baak, piyololo, aajo iatata empuan nemeiting' nirukuruku engarna Oinoti lʼEngai.