1 Yohana 4:15 - Osotua Ng'ejuk

¹⁵ Ore oloibalu, ajo Oinoti lʼEngai Yesus, nebik Engai tiatua ninye, o si ninye tiatua Engai.

BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI

¹⁵ Ore pooki ng'ae oibalie nchere Enkerai e Nkai Yesu kebikito Enkai tiatua ninye, nebikito ninye tiatua Enkai.

BIBLIA SINYATI TE NKUTUK OO LMAASAI NATISIRAKI ENG'EJUK

¹⁵ Ore pooki ng'ae oibalie nchere Enkerai e Nkai Yesu kebikito Enkai tiatua ninye, nebikito ninye tiatua Enkai.

Biblia Sinyati

¹⁵ Ore pooki ng'ae oibalie nchere Enkerai e Nkai Yesu kebikito Enkai ti atua ninye, nebikito ninye tiatua Enkai.

BIBLIA SINYATI

¹⁵ Ore pooki ng'ae oibalie nchere Enkerai e Nkai Yesu kebikito Enkai ti atua ninye, nebikito ninye tiatua Enkai.

1 Yohana 4:15 Eitobir Enkop

1 Yohana 5:5

Ang'ai lora Ologilu olmaa neme oloiruk, ajo era Yesus Oinoti lʼEngai?

Iroma 10:9

Amu teni imbalu tʼenkutuk ino Olaitoriani Yesus niruk tiatua oltau lino, ajo eitopiwuo Engai ninye too lootuata, nilapok;

Matayo 10:32

Olaaibalu nanu tʼengomom oo ltung'anak, naibalu si nanu ninye tʼengomom e Papa lai le shumata;

1 Yohana 4:2

Meata kata nimiyolouu ndai Olmumua lʼEngai tʼena: Ore Olmumua pookin oibalu, ajo eewuo Yesus Kristos tʼosesen, naa ninye Engai eing'ua;

1 Yohana 3:24

Ore oloibung' nkitanapat enyena, nebik tiatua ninye o elde tiatua ninye. Te ina kiyolou yook, aajo ebik tiatua yook, tʼOlmumua oishoo ninye yook.

Ilfilipi 2:11

peibalu olng'ejep pookin, ajo era Yesus Kristos Olaitoriani, peitaa kitok Engai Menye.

1 Yohana 4:12

Eitu edol aikata oltung'ani o obo Engai. Teni kinyorra yook, nebik Engai tiatua yook, neitabaiyoki enyorrata enye tiatua yook.

1 Yohana 5:1

Ore oltung'ani pookin loiruk Yesus, ajo ninye Kristos, etoiwuoki ninye tʼEngai. Ore oltung'ani pookin lonyor olotoiwuo ninye, nenyor baiki olotoiwuoki te ninye.

Luka 12:8

Aliki ndai: Ore oltung'ani pookin laaibalu nanu tʼengomom oo ltung'anak, nelaibalu baiki Enkerai oltung'ani ilo tʼengomom oo lmalaikan lʼEngai;

2 Yohana 1:7

Amu kumok lalejak ooetuo atua olmaa, lemeibalu Yesus Kristos, aajo eewuo tʼenkiringʼo. Ninye olalejani, naa olmang'atinda le Kristos.

Yohana 6:56

Olonya enkiring'o ai neok osarge lai, nebik ninye tiatua nanu nabik si nanu tiatua ninye.

1 Yohana 2:23

Ore olomiki Oinoti, netomikio si Menye; ore oloibalu Oinoti, neata si Menye.

1 Yohana 2:24

Ore nena nitoning'o tʼenkiterata, njebik tiatua ndai. Teni ebik tiatua ndai, enitoning'o tʼenkiterata, nipuopuo aabik si ndai te nebo o Oinoti o Menye.

1 Yohana 3:23

Naa ena enkitanapata enye, peiye kiruk engarna Oinoti lenye, Yesus Kristos, nikinyorra tʼempolos ang', anaa peishoo ninye yook enkitanapata.

Iasat 8:37

Nejoki Filipos: Teni iruk tʼoltau pookin, naa sidai. Nealu nejo: Airuk, ajo era Yesus Kristos Oinoti lʼEngai.