1 Yohana 3:7 - Osotua Ng'ejuk

⁷ Nakera kutiti, eminjo oltung'ani metoriko ndai aitapong'oo. Ore oloitobir esupato, naa supat ilo, anaa pera ninye supat.

BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI

⁷ Nakera kutiti, emincho elej intae oltung'ani. Ore ilo oas isidan naa aisupat, anaa paa supat ninye.

BIBLIA SINYATI TE NKUTUK OO LMAASAI NATISIRAKI ENG'EJUK

⁷ Nakera kutiti, emincho elej intae oltung'ani. Ore ilo oas isidan naa aisupat, anaa paa supat ninye.

Biblia Sinyati

⁷ Na kera kutiti, emincho elej intae oltung'ani. Ore ilo oas esidai naa olasipani, anaa paa asipani ninye.

BIBLIA SINYATI

⁷ Na kera kutiti, emincho elej intae oltung'ani. Ore ilo oas esidai naa olasipani, anaa paa asipani ninye.

1 Yohana 3:7 Eitobir Enkop

1 Yohana 2:29

Teni iyololo, aajo ninye supat, nintokiki aayolou, aajo ore oloitobir esupato, naa ilo etoiwuo ninye.

Iroma 2:13

Amu me looning' nkitanapat era supati tʼengomom Engai, kake looitobir ninje, nepuo aaku supati.

1 Yohana 3:3

Ore pookin loataiye ninye ena anyunoto, neisuj kion anaa pera ilo loisuja.

1 Yohana 2:26

Kuna baak atisiraka ndai tʼolbae loo lelo oorik ndai aaitapong'oo.

1 Yohana 2:1

Nakera ainei, asiraki ndai kuna, peiye mintarruorruo; naa teni eitarruo obo, kiata olomitu yook te Papa, Yesus Kristos, ora supat.

Iasat 10:35

kake ore tiatua loreren pookin enyor oloure ninye o oloitobir esupato.

Ile Efeso 5:9

Entobik anaa nkera enkilang'et, amu etii ilmomo lʼenkilang'et atua esidano o esupato o esipata pookin;

1 Petero 2:24

olotanapa nkitarruot ang' tiatua osesen lenye shumata enjata, pikinjiuoki esupato, kituatakitia nkitarruot; injiutuo too lbaak lenyena.

1 Ilkorintio 6:9

Amaa miyololo, aajo mejung'u iltorrok enkarsishu Engai? Emilej aten. Mepuo aajung'u looas mbaak torrok oo nkiri o looisyayaki nkulie ain o looar enkidikidikoto olmoruo o eng'oroyoni o lʼenjalan torrono o looisokorisho

Luka 1:75

t'esinyatishu o tʼesupato tʼengomom enye.

Yakobo 2:19

Iruk iye, ajo etii Engai nabo. Itaasa sidai; neiruk si ninje loiriruani, neikirikira.

Ilfilipi 1:11

iborere too lmomo lʼesupato lootaa te Yesus Kristos, peaku enkitook o enkitadararoto Engai.

Matayo 5:20

Amu aliki ndai: Teni melang' esupato inyi esupato oo layolok lʼesirata o noo Lfarisayoi, nimijing'ijing'i enkarsishu e shumata tukul.

Yakobo 1:22

Entaa laitobirak lʼororei, me laning'ok ake, pemilejileje aten.

Ilhebrania 7:2

nemayan ninye, netoorikia Abraham ninye ematua e tomon oo ntokitin pookin. Ore tʼenkiterata neitaali ninye neji: olkarsis lʼesupato; tekurum nera si olkarsis le Salem, eji: olkarsis lʼeseriani,

Ilhebrania 1:8

kake tʼolbae lʼOinoti ejo nji: Olorika lino, iye Engai, obik nkatan pookin; ore eng'udi enkarsishu ino naa eng'udi enkitoriokinoto.

Ile Efeso 5:6

Eminjo eitamanimanaa ndai oltung'ani o obo too rorei le pesho; amu elotu tʼolbae loo kuna engoro Engai shumata oo ltung'anak lemeiruk.

1 Yohana 3:18

Nakera kutiti, eminyor tʼororei arashu tʼolng'ejep, kake tʼenkyas o tʼesipata.

1 Yohana 4:17

Te ina eitabaiari enyorrata too yook, pekiata eng'idaroto tʼengolong' enkigwena; amu neijia anaa petii ninye, nikitii si yook atua ele maa.