1 Yohana 2:22 - Osotua Ng'ejuk

²² Kang'ai olalejani, leme elde omiki, ajo era Yesus ele Kristos? Naa ilo olmang'atinda le Kristos omiki Menye o Oinoti.

BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI

²² Kalo doi olalejani leme ilo otanya ejo ore Yesu ninye Kristo, Ilo doi Oiba Kristo, olotanya Papa neany Oinoti lenye.

BIBLIA SINYATI TE NKUTUK OO LMAASAI NATISIRAKI ENG'EJUK

²² Kalo doi olalejani leme ilo otanya ejo ore Yesu ninye Kristo, Ilo doi Oiba Kristo, olotanya Papa neany Oinoti lenye.

Biblia Sinyati

²² Kalo doi olaimonkoni leme ilo otanya ejo ore Yesu ninye Kristo, Ilo doi Oloiba Kristo olotanya Papa neany Oinoti lenye.

BIBLIA SINYATI

²² Kalo doi olaimonkoni leme ilo otanya ejo ore Yesu ninye Kristo, Ilo doi Oloiba Kristo olotanya Papa neany Oinoti lenye.

1 Yohana 2:22 Eitobir Enkop

2 Yohana 1:7

Amu kumok lalejak ooetuo atua olmaa, lemeibalu Yesus Kristos, aajo eewuo tʼenkiringʼo. Ninye olalejani, naa olmang'atinda le Kristos.

1 Yohana 4:3

ore Olmumua pookin lemeibalu, ajo eewuo Yesus Kristos tʼosesen, nemeing'ua ninye Engai. Naa ele Olmumua lʼolmang'atinda le Kristos litoning'o ninye, ajo elotu, neidipa taata aeu atua olmaa.

1 Yohana 2:18

Nakera kutiti, esaa enkiting'oto ena; anaa enitoning'o ndai, aajo elotu olmang'atinda le Kristos, neijia eetuo ilmang'ati le Kristos kumok. Te ina kiyolou, aajo etaa esaa enkiting'oto.

Yuda 1:4

Amu etii kulekai tung'anak ooetuo aaisudunye, naa ninje ootisirieki neba opa ena kigwena, ajo era ninje lemeure Engai, neibelekeny eng'adunoto Engai eas entorroni, nemiki Engai, Olkitok obo, o Olaitoriani lang' Yesus Kristos.

1 Yohana 4:20

Teni ejo oltung'ani; „Anyor Engai“, neiba olalashe lenye, nera olalejani. Amu olemenyor olalashe lenye lodol — kaji eiko ten eidim ninye atonyorra Engai nemedol?

1 Yohana 2:23

Ore olomiki Oinoti, netomikio si Menye; ore oloibalu Oinoti, neata si Menye.

1 Yohana 1:6

Teni kijo yook, aajo kiata eng'arata te nebo o ninye nikipuo tiatua enaimin, nikilejisho nimikintobir esipata.

1 Yohana 2:4

Ore olojo: Ayolo ninye, nemeibung' nkitanapat enyena, naa olalejani, nemetii esipata atua ninye.

Yohana 8:44

Ing'uang'ua ndai minyi linyi, satan, niyeuu nintobiribiri ilng'warraitin le minyi linyi. Era ninye olarani loo ltung'anak neba tʼenkiterata neitu eitashe ninye tiatua esipata, amu metii esipata atua ninye. Teni elimu elejare, nelimu enenye, amu era ninye olalejani o menye lenye.

Embolunoto 3:9

Ng'orai, aisho kulekai loora lʼolturrur le satan oojo aten Yudayoi, nemera, kake elejisho; ng'orai, aau ninje, pepuonu nebatatakino nkejek inono neyolou, aajo aatonyorra iye.

Matayo 24:5

Amu epuo aapuonu ilkumok tʼengarna ai nejo: Ara nanu Kristos, nepuo aalej ilkumok.

Matayo 24:24

Amu epuo aainyototo ilkristoi lʼelejare o layolounok lʼelejare kumok, neitobir ilponot kituak o nkiputukunyot, pepuoi aaitapong'oo baiki lootegeluaki, teni eidimu.

1 Yohana 5:1

Ore oltung'ani pookin loiruk Yesus, ajo ninye Kristos, etoiwuoki ninye tʼEngai. Ore oltung'ani pookin lonyor olotoiwuo ninye, nenyor baiki olotoiwuoki te ninye.