1 Yohana 2:14 - Osotua Ng'ejuk

¹⁴ Atisiraka ndai, nakera, ajo itayoloutuo Minyi. Atisiraka ndai, loopapa, ajo itayoloutuo ele lora neba tʼenkiterata. Atisiraka ndai, le murran ajo irara ndai oogol nebik lomon lʼEngai tiatua ndai nitigilutua oltorrono.

BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI

¹⁴ Naigeroki intae iloo papa, amu iyiololo ilo otii apake te nkiterunoto. Naigeroki intae, lo barnot, amu igoligolo, neton ororei le Nkai tiatua intae, nitimira ilo torrono.

BIBLIA SINYATI TE NKUTUK OO LMAASAI NATISIRAKI ENG'EJUK

¹⁴ Naigeroki intae iloo papa, amu iyiololo ilo otii apake te nkiterunoto. Naigeroki intae, lo barnot, amu igoligolo, neton ororei le Nkai tiatua intae, nitimira ilo torrono.

Biblia Sinyati

¹⁴ Naigeroki intae iloo papa, amu iyiololo ilo otii apake te nkiterunoto. Naigeroki intae, lo murran, amu igoligolo, neton ororei le Nkai intae, nitimira ilo torrono.

BIBLIA SINYATI

¹⁴ Naigeroki intae iloo papa, amu iyiololo ilo otii apake te nkiterunoto. Naigeroki intae, lo murran, amu igoligolo, neton ororei le Nkai intae, nitimira ilo torrono.

1 Yohana 2:14 Eitobir Enkop

1 Yohana 2:13

Asiraki ndai, loopapa, ajo Itayoloutuo ele lora neba tʼenkiterata. Asiraki ndai, le murran, ajo itigilutua oltorrono.

Ilkolosai 3:16

Njebik ororei le Kristos tiatua ndai tʼemborei, ninteng'enaroro nididing'aroro tʼeng'eno pookin, niranyakiki Engai too ltauja linyi too singolioitin lʼengauo o too singolioitin lʼenkitadararoto o too singolioitin sidan lʼolmumua.

Yohana 15:7

Teni ibikibiki tiatua nanu, nebik rorei lainei tiatua ndai, ore pookin niyeuu niomonunu, neitobirakini ndai.

Ile Efeso 6:10

Ore tʼenkiting'oto, lalashera lainei, entagolito tiatua Olaitoriani o tiatua enkidimata engolon enye.

Yohana 8:31

Akae, nejoki Yesus Iyudayoi looiruko ninye: Teni ibikibiki ndai tiatua rorei lainei, nirara laiteng'enuok lainei tʼesipata,

Yohana 5:38

nimiatata rorei lenyena loobik tiatua ndai, amu mirukuruku ndai ele loirriua ninye.

Embolunoto 2:7

Oloata enkiyok, njening enajoki Olmumua sirito. Ologilu, naisho ninye meinosa tʼoljani lʼempuan otii atua emparadis Engai.

EMPALAI E UNI E YOHANA 1:3

Atishipe naleng', pepuonu lalashera aaijakenu esipata ino, anaa pilimana tiatua esipata.

2 Yohana 1:2

tʼolbae lʼesipata nabik tiatua yook nelabik te nebo o yook nkatan pookin:

Ilhebrania 8:10

Amu ele osotua laitaa o engaji Israel, eishunye kuna olong'i: Ayeu naisho nkitanapat ainei atua endamunoto enye, nasir atua oltau lenye, nayeu naaku Engai enye, neaku ninje olorere lai.

Ilkolosai 1:11

niponana tʼeyolounoto Engai nigolulu tʼengolon pookin, tʼentemet engolon enkitook enye, pitumutumu olng'iria pookin o olgira tʼeng'ida,

2 Timoteo 2:1

Ore iye, nakerai ai, tagolo tiatua eng'adunoto e atua Kristos Yesus.

Ilfilipi 4:13

Aidimu pookin tʼolbae le ilo, laaidimunye, lora Kristos.

Embolunoto 2:3

niata olng'iria ninyok tʼolbae lʼengarna ai, neitu inauru.

1 Yohana 1:10

Teni kijo, eitu kintarruo, nikintaa ninye olalejani, nemetii ororei lenye atua yook.

Yohana 8:37

Ayolo nanu, ajo irara eishoi e Abraham; kake king'oruru, pikiariara matua, tiaraki nemetum rorei lainei ewueji tiatua ndai.

1 Yohana 1:1

Enataa neba tʼenkiterata, enikitoning'o, enikitadua too ngonyek ang', eniking'oraitie neirrapirrap ngaik ang', mbaak ororei lʼempuan, —