1 Yohana 1:2 - Osotua Ng'ejuk

² etalie empuan nikitadua nikinjakenu nikinosaki ndai ena puan nemeiting', enataboitare Menye nelioi too yook —:

BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI

² ina kishui naibalunyeki, nikitoduaa iyiook, naa ina kinchakenoo aajoki intae nchere ina kishui oo ntarasi natii apake te nebo Papa, neibalakinyeki iyiook.

BIBLIA SINYATI TE NKUTUK OO LMAASAI NATISIRAKI ENG'EJUK

² ina kishui naibalunyeki, nikitoduaa iyiook, naa ina kinchakenoo aajoki intae nchere ina kishui oo ntarasi natii apake te nebo Papa, neibalakinyeki iyiook.

Biblia Sinyati

² ina kishui olkipoket, nikitoduaa iyiook, naa ina kintayu shakeni aajoki intae nchere ina kishui oo ntarasi natii apake te nebo Papa, neibalakinyeki iyiook.

BIBLIA SINYATI

² ina kishui olkipoket, nikitoduaa iyiook, naa ina kintayu shakeni aajoki intae nchere ina kishui oo ntarasi natii apake te nebo Papa, neibalakinyeki iyiook.

1 Yohana 1:2 Eitobir Enkop

1 Yohana 5:20

Kake kiyolo, aajo eewuo Oinoti lʼEngai neisho yook eng'eno, pekiyolou olosipa, nikitii yook atua olosipa, atua Oinoti lenye Yesus Kristos. Ninye Engai nasipa o empuan nemeiting'.

Yohana 1:4

Netii atua ninye empuan nera empuan enkilang'et oo ltung'anak.

1 Timoteo 3:16

Naa kitok naleng' peinosuni ena mikio engaishu: Ninye oloibalunyeki tiatua osesen, neitaaki supat tʼolmumua, nelioi too lmalaikan, neinosuni tiatua loreren lemeata Engai, neiruki tʼolmaa, neng'amari te shumata.

Yohana 17:3

Nera ena empuan nemeiting', pikiyolou iye ake, Engai nasipa, o Yesus Kristos lirriua.

1 Yohana 5:11

Naa ena enjakenishu, ajo eishoo yook Engai empuan nemeiting', netii ena puan atua Oinoti lenye.

1 Yohana 3:8

Ore oloas enkitarruoto, naa satan eing'ua. Amu eitarruo satan neba tʼenkiterata. Te ina etalie Oinoti lʼEngai, peiminye nkitobirat e satan.

Tito 1:2

tiatua eanyunoto empuan nemeiting', naisiliga Engai nemelejisho, eton eitu ebau nkatan enkop;

Yohana 14:6

Nejoki Yesus ninye: Ara nanu engoitoi o esipata o empuan; melotu o obo enetii Papa neme te nanu.

1 Yohana 3:5

Niyololo, aajo etalie ninye, peitai nkitarruot ang', nemetii enkitarruoto atua ninye.

2 Timoteo 1:10

neibalunyeki taata tʼelioroto Olaitoriani lang' Yesus Kristos, oiminye engolon enkea neitupukoki atua enkilang'et empuan o entiinoto nemerruoio tʼeuangelion,

Ilgalatia 4:4

Ore peidip atabau embaiaroto enkata, neirriu Engai Oinoti lenye, neiu eng'oroyoni ninye nepiki abori oo nkitanapat,

Yohana 15:27

nipuopuo aaijakenu si ndai, tiaraki nitiiti e nebo o nanu neba tʼenkiterata.

Iasat 3:15

niariara Olkitok lʼempuan metua. Eitopiwuo Engai ilo aitung'ua lootuata nikira yook iljaken lenyena.

1 Petero 5:1

Ore loora ilpaiyani tiatua ndai, adiding' nanu lara si olpaiyan anaa ndai o oljakeni loo nkisilot e Kristos, ong'ar ena kitook naapuoi aabolu:

Iroma 8:3

Amu enameidim nkitanapat, tiaraki naa menat tʼolbae lʼenkiring'o, neirriu Engai Oinoti lenye openy tiatua emua enkiring'o enkitarruoto o tʼolbae lʼenkitarruoto, nedek enkitarruoto tiatua enkiring'o,

Iasat 10:41

me tʼolorere pookin, kake too ljaken ooitera Engai agelu nera yook likitadaate nikiokisho te nebo o ninye, eidipa atopiu too lootuata.

Iasat 5:32

Nikira yook ake iljaken loo kulo rorei o Olmumua Sinyati oishoo Engai kulo pookin looning' ninye.

Iasat 2:32

Eitopiwuo Engai ele Yesus nikira yook pookin iljaken lenyena.

Iasat 1:22

eiter tʼenkibatisa e Yohanes metabaiki ina olong' naitung'aiyoki yook, ore obo too lelo meata kata nemeaku oljakeni lʼempiunoto enye te nebo o yook.

Yohana 21:14

Era ena en e uni, etalie Yesus too laiteng'enuok lenyena, eidipa atopiu aing'ua lootuata.

Yohana 17:5

Ore taata ntaaki iye nanu kitok, Papa, te iye tʼenkitook naata tʼengang' ino, epon metii enkop.

Yohana 16:28

Atupukuo nanu te Papa nalotu atua olmaa; naitoki aing'ua olmaa nalo enetii Papa.

Yohana 8:38

Airo kuna natadua te Papa lai; akae, ore ndai nining'ining'i te minyi linyi, nintobiribiri.

Yohana 7:29

kake ayolo nanu ninye, amu aing'ua nanu ninye, naa ele laairriua.

Yohana 3:13

Nemetii o obo oilepa shumata neme ele lotadouo eing'ua shumata, Enkerai oltung'ani, natii shumata.

Yohana 1:18

Neitu aikata edol oltung'ani o obo Engai; Oinoti obo otii engalo olgoo le Menye, ilo loinosua.

1 Yohana 1:1

Enataa neba tʼenkiterata, enikitoning'o, enikitadua too ngonyek ang', eniking'oraitie neirrapirrap ngaik ang', mbaak ororei lʼempuan, —

Yohana 10:28

naisho nanu ninje empuan nemeiting', nemepuo aaimin ninje nkatan pookin, nemetii o obo laaoru ninje tʼengaina ai.

Yohana 19:35

Ore olotadua ena, neijakenu, nesipa enjakenishu enye; neyolo ilo, ajo elimu enasipa, pitumutumu si ndai aairuko.

1 Yohana 2:25

Naa ena enkisiligata naishoo ninye yook: empuan nemeiting'.

1 Yohana 4:2

Meata kata nimiyolouu ndai Olmumua lʼEngai tʼena: Ore Olmumua pookin oibalu, ajo eewuo Yesus Kristos tʼosesen, naa ninye Engai eing'ua;

1 Yohana 4:14

Nikitadua yook nikinjakenu, ajo eirriua Menye Oinoti lenye, peaku Olaitopuani lʼolmaa.

1 Yohana 5:13

Atisiraka ndai kuna baak, piyololo, aajo iatata empuan nemeiting' nirukuruku engarna Oinoti lʼEngai.