1 Timoteo 6:4 - Osotua Ng'ejuk

⁴ neiteija ilo elukunya pesho, nemeyolo toki, neata emoiyan naaunye nkikilikwanat o njangarrin, naapukunye engilata e tau, enkitarrikino, emoroto, elapo torrono,

BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI

⁴ nerup kewan te modai nemeyiolo toki. Keeta ninye enkure e nchankar o empong'o, naa ine epukunye olom o lolepilepi o emorore o nkiteenikinot torrok,

BIBLIA SINYATI TE NKUTUK OO LMAASAI NATISIRAKI ENG'EJUK

⁴ nerup kewan te modai nemeyiolo toki. Keeta ninye enkure e nchankar o empong'o, naa ine epukunye olom o lolepilepi o emorore o nkiteenikinot torrok,

Biblia Sinyati

⁴ nerup kewan te modai nemeyiolo toki. Eeta ninye enkure oe nchankar o empong'o, naa ine epukunye olom o lolepilepi, o emorore, o nkiteenikinot torrok,

BIBLIA SINYATI

⁴ nerup kewan te modai nemeyiolo toki. Eeta ninye enkure oe nchankar o empong'o, naa ine epukunye olom o lolepilepi, o emorore, o nkiteenikinot torrok,

1 Timoteo 6:4 Eitobir Enkop

2 Timoteo 2:23

Tanya nkikilikwanat naatii emodaishu nemedupa; amu iyolo, ajo eiu ake olarrabal.

2 Timoteo 3:4

neitarasaki, neitobir mbaak torrok, neitaa sapuk elukunya pesho, nenyor olng'warra torrono nelang' Engai,

1 Timoteo 3:6

nemeaku olng'ejuk lʼenkirukoto, pemeitaa sapuk elukunya nebatata atua enkigwena e satan.

Yuda 1:10

Kake ore lelo oomor pookin nemeyolo; ore enayolou ninje tʼempukunoto enye anaa ng'wesi nemeata eng'eno, te ina erruoio.

2 Petero 2:12

Kake etiu lelo anaa ng'wesi nemeata endamunoto, naatoinyeki neba empukunoto peibung'i neyeng'i, naa ninje oomorisho, nepuo aaimin tiatua orregie lenye torrono,

2 Timoteo 2:14

Ntadamu iltung'anak kuna baak, ninjakenu tʼengomom Olaitoriani, pemeishangarrare rorei, amu medupai, neibelekenyari ake kulo looning'.

Yuda 1:16

Naa kulo ninje ooing'unyung'uny neishir oshi ake, nelimana too lng'warraitin lenye, neiro nkutukie enye mbaak sapuki olwuasa, nenyorraki aten too ltung'anak tʼolbae lʼendupoto ele maa.

2 Petero 2:18

Amu elimu ninje rorei lʼolwuasa, neitasur too mbaak torrok oo nkiri, peiwuwu ilng'warraitin torrok loo nkiri tiatua kulo ootang'asa aailany lelo oomanimanaa tʼelejare;

1 Timoteo 1:7

neyeu neaku laiteng'enak lʼesipata, nemeyolo enalimu arashu enaitasheye.

1 Timoteo 1:4

nemening' natinin e opa o noo lmakui nemeata enkiting'oto, naayau nkilikwanat nelang' enjetakinoto e atua Engai tiatua enkirukoto.

Yakobo 1:19

Onaa, lalashera lainei lanyor, njeaku oltung'ani pookin losioki ainining'u, lemesioki agoro;

Tito 3:9

Tanya nkikiliwanat emodaishu o noo lmakui, o enjangar o enara tʼolbae loo nkitanapat; amu medupa ninje naa pesho.

Iasat 15:2

Ore peaku endung'o o enkitarrikino e Paulos o Barnabas o lelo, neitanapaa ninje Paulos o Barnabas o kulekai tʼempolos enye, pepuo tʼolbae lʼena kitarrikino Yerusalem enetii lairriwak o laigwenak.

Embolunoto 3:17

Amu ijo iye: ara oladupani, ataraposhe tukul namalau toki; kake miyolo, ajo iata enkurruna o leyat, nira aisinani o modooni niminjopo.

2 Ilsesalonike 2:4

lora olmang'atinda, neilepie kion te shumata oo pookin naji Engai arashu enda naseremi, peitoton kion anaa Engai atua engaji sinyati Engai neitaduaia kion, ajo ninye Engai.

Ilkolosai 2:18

Eminjo eiwang'ie ndai oltung'ani enjunet, lora oloito anaa peyeu openy tʼenkitadounoto o tʼesupato oo lmalaikan, neitu edol hoo nabo too nena, neitaa sapuk elukunya pesho tiatua ndamunot naaing'ua enkiring'o enye,

Ilfilipi 2:14

Entaas pookin metii enking'unyung'unyata o enking'arrirro,

Ilfilipi 2:3

nimintobiribiri toki tʼenkitarrikinoto o enkitook e pesho, kake entaaroto kituak tiatua aten tʼenkitadounoto;

Ilfilipi 1:15

Kake einosu looje Kristos tʼolbae lʼengilata e tau o enkitarrikino, ore ilkulekai tʼoltau sidai.

Ilgalatia 6:3

Amu teni ejo oltung ani, era toki, nemera o nyoo, nelej kion.

Ilgalatia 5:26

Njoo mikiaku looing'oru enkitadararoto e pesho, looisisiuno, looibaro.

Ilgalatia 5:15

Kake teni ionyororo ninosaroro, eng'orai, pimimutaroro.

2 Ilkorintio 11:20

Ing'iriri, teni eitaa ndai oltung'ani singan, arashu teni einyal ndai, arashu teni earaa ndai, arashu teni egogong'oki ndai, arashu teni ear ndai engomom inyi.

1 Ilkorintio 11:18

Ore en enkiterata, teni itumomo tʼesirit, natoning'o ajo etii rishat atua ndai, nairuk ematua oo nona.

1 Ilkorintio 11:16

Teni etii oltung'ani onyor enjangar, mikiata yook orregie oba nji, nemeata si sirito Engai.

1 Ilkorintio 3:18

Njoo melej oltung'ani kion; olojo too ndai, ajo era ng'en tiatua ele maa, njeaku olmodai, petum ataa ng'en.

1 Ilkorintio 3:3

Amu eton irara lʼenkiring'o. Amu teni etii atua ndai olom o olarrabal o enjangar, keton mirara lʼenkiring'o nipuoiyeye mbaak oo ltung'anak?

Iroma 14:1

Entang'amutu olmenati lʼenkirukoto, emingwenaki nkibirribirrat enyena.

Iroma 13:13

Matilimanata tʼorregie sidai anaa dama, me tʼenkinosata o tʼemerai, me tʼentalare o tʼenkimalimal, me tʼenkitarrikino o tʼengilata e tau;

Iroma 12:16

Njoo idamumu tʼempolos inyi nabo. Emimbirribir ntokitin kituak, kake embung'are enkitadounoto. Emiaku looitadaraa aten tʼen'geno.

Iroma 2:8

kake kulo loora ilkiminjal lʼolarrabal nemening' esipata nening' nemera esupato, engoro o enairowua.

Iasat 18:15

kake tiaraki nara enkitarrikino enkiteng'enare o noo ngam o noo nkitanapat tiatua ndai, entobirakinoto oopeny; mayeu naaku nanu olaigwenani loo nona baak.

Iasat 8:9

Netii oltung'ani obo oji engarna enye Simon oitobira ntasimi enyena oshi ake tiatua ena ang' neing'asiaye iltung'anak le Samaria neitaa kion olora kitok;