1 Petero 5:8 - Osotua Ng'ejuk

⁸ Enteng'enuoto, enjololoto, amu eman ndai olmang'atinda linyi, satan, anaa olng'atuny oipurrito neing'oru olonya;

BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI

⁸ Entashololoto nirretenana amu kemanimanaa olmang'atinta linyi, Sheitani, anaa olng'atuny, oikurrukur eing'oru olonya.

BIBLIA SINYATI TE NKUTUK OO LMAASAI NATISIRAKI ENG'EJUK

⁸ Entashololoto nirretenana amu kemanimanaa olmang'atinta linyi, Sheitani, anaa olng'atuny, oikurrukur eing'oru olonya.

Biblia Sinyati

⁸ Enterretenata entashololoto. Amu emanimanaa olmang'atinta linyi, sheitani, anaa olng'atuny, oikurrukuru eing'oru olonya.

BIBLIA SINYATI

⁸ Enterretenata entashololoto. Amu emanimanaa olmang'atinta linyi, sheitani, anaa olng'atuny, oikurrukuru eing'oru olonya.

1 Petero 5:8 Eitobir Enkop

Ile Efeso 6:11

Enjopo nareta pookin Engai, pitumutumu aaitashoito too losekin le satan;

Yakobo 4:7

Akae, entoning' Engai, nianyianya satan, neaku eipirri aing'ua ndai.

Ile Efeso 4:27

Eminjo si satan eng'asiata!

1 Petero 1:13

Onaa, enteen mpolosi oo ndamunot inyi, enjololoto, enting'idare metabaiki enkiting'oto empuris nayakini ndai tiatua embolunoto e Yesus Kristos,

1 Petero 4:7

Etinyikua enkiting'oto oo ntokitin pookin.

Luka 21:36

Akae, enjololoto tʼenkata pookin, isaishosho, pindimidimi aailanyai kuna pookin naapuo aaku, pintasheshe t'engomom Enkerai oltung'ani.

Luka 22:31

Nejo Olaitoriani: Simon, Simon, ng'orai, etayeuo satan nekut ndai anaa engano:

Tito 2:12

eiteng'enita yook, pikiany empaashata Engai o ilng'warran lʼolmaa, pikinjiu tiatua ele maa tʼeng'eno o tʼesupato o tʼenkuretishu Engai,

Embolunoto 12:12

Onaa, enting'idata, ndai shumat o loomanya tiatua. Ee, kake aiya kulo oomanya tʼenkop o tʼenaiposha. Amu elotu satan adoiki ndai, neata engoro sapuk, neyolo ajo enkiti kata ake eata.

Yohana 8:44

Ing'uang'ua ndai minyi linyi, satan, niyeuu nintobiribiri ilng'warraitin le minyi linyi. Era ninye olarani loo ltung'anak neba tʼenkiterata neitu eitashe ninye tiatua esipata, amu metii esipata atua ninye. Teni elimu elejare, nelimu enenye, amu era ninye olalejani o menye lenye.

Matayo 13:39

Nera olmang'atinda oisuaia ninye satan. Nera en-dung'ore enkiting'oto olmaa. Nera ladung'ok ilmalaikan.

Embolunoto 12:9

Nenang'uni abori entiamasi kitok, naa ninye olasurai musana, oji oloirirua o satan, oitapong'oo olmaa pookin; etanang'uaki enkop o ilmalaikan lenyena te nebo o ninye.

Matayo 24:42

Akae, enjololoto, amu miyololo, kaa kata elalotu Olaitoriani linyi.

Embolunoto 20:10

Nenang'akini oloirirua oitapong'oiye, olbalbal lʼenkima o enkibiriti, enetii si eng'wes o olayolounoni lʼelejare; nepuoi aaitame dama o kiarie o nkatan pookin.

Luka 21:34

Kake entaduai aten, pemeiroshiu iltauja linyi tʼenkinosata o tʼemerai o too nkishilarot endaa, pemeinepu ndai ina olong' nabokata,

Tito 1:8

kake olorik lomon aji, Oloata emborran, Oloata eng'eno nabore, olora supat o sinyati o shaat,

2 Timoteo 4:17

Kake aaitasheikio Olaitoriani naaitagolie, peitabaiari enkinosunoto te nanu, nening' lemeata Engai pookin; naatang'adieki nanu enkutuk olng'atuny,

Tito 2:6

Neijia tididing'a leak ooti, peitore aten.

Tito 2:2

Tiaki ilpaiyani, pememera, neata enganyit o eng'eno, neaku biot tʼenkirukoto, tʼenyorrata, tʼolng'iria;

1 Timoteo 2:15

Kake eitopoki tʼeishoi oo nkera, teni ebik ninje tiatua enkirukoto o enyorrata o esinyatishu te nebo o eng'eno bioto.

Embolunoto 20:2

Neibung' ninye entiamasi, ol opa asurai musana, lora oloirirua o satan, neen enkata oo larin iip tomon,

Tito 2:4

aaiteng'enu nkituak kutiti, penyor ilmoruak lenye o nkera enye,

1 Timoteo 3:11

Neijia si ng'oroyok enye, njeata nganyiti, nemekurrisho, nerrip aten, naara supati too ntokitin pookin.

1 Timoteo 2:9

Neija si ng'oroyok, njekaj aten tʼolkila oikishaan te nebo o nganyiti o eng'eno bioto, neme tʼenjetata oo lpapit o tʼeikare e sahabu o noo lulu arashu tʼenkishopoto oo lkilani oogol enkinyang'a,

Matayo 4:1

Nerik Olmumua Yesus te ina kata ang'ata, peiye etem satan ninye.

1 Timoteo 3:2

Ore si ninye olaing'orani, njoo meata eleyata, neaku olmoruo lʼeng'oroyoni nabo, lememera, loata eng'eno aitabaia, lobaraki, olaitinyikunoni loo lomon, oloyolo aiteng'enisho,

Matayo 25:41

Ore peidip, nejoki si ninje lootii kedyanye: Entung'aiyoki nanu, ndai lootediaki, enjom atua enkima nememuta, naitobirakaki satan o ilmalaikan lenyena!

Matayo 4:11

Neing'ua satan ninye, ng'orai, nepuonu ilmalaikan aaisyayaki ninye.

Marko 4:15

Nera kulo lootii engoitoi: enaisuakini ororei, ore peidip aatoning', nelotu nabokata satan neitau ele rorei oisuakaki atua ninje.

2 Ilkorintio 2:11

pemegilu yook satan; amu metiu, ajo mikiyolou yeunot enyena.

Embolunoto 12:10

Naning' oltoilo kitok te shumata ojo: Etaa taata enkitopuata o engolon o enkarsishu nʼEngai ang', o enkitoria en e Kristos lenye, tiaraki naiturraiyoki olaitang'oroni loo lalashera lang', oitang'oro ninje tʼEngai dama o kiarie.