1 Petero 1:3 - Osotua Ng'ejuk

³ Njeitadarari Engai o Menye lʼOlaitoriani lang' Yesus Kristos, lotoiwuo yook kat are tʼenanai enye kitok e oshoke, pekitum eanyunoto naishiu tʼempiunoto e Yesus Kristos too lootuata,

BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI

³ Meisisi Enkai naa Papa lo Laitoriani lang Yesu Kristo! Ore te nkaraki olng'ur lenye sapuk eishoo iyiook metoini aaigil tiatua osiligi oishu te mpiunoto e Yesu Kristo aing'uaa lootuata,

BIBLIA SINYATI TE NKUTUK OO LMAASAI NATISIRAKI ENG'EJUK

³ Meisisi Enkai naa Papa lo Laitoriani lang Yesu Kristo! Ore te nkaraki olng'ur lenye sapuk eishoo iyiook metoini aaigil tiatua osiligi oishu te mpiunoto e Yesu Kristo aing'uaa lootuata,

Biblia Sinyati

³ Meisisi Enkai naa Papa lo Laitoriani lang Yesu Kristo, laa te nkaraki olng'ur lenye sapuk eishoo iyiook metoini aaigil ti atua osiligi oishu te mpiunoto e Yesu Kristo aing'uaa lootuata,

BIBLIA SINYATI

³ Meisisi Enkai naa Papa lo Laitoriani lang Yesu Kristo, laa te nkaraki olng'ur lenye sapuk eishoo iyiook metoini aaigil ti atua osiligi oishu te mpiunoto e Yesu Kristo aing'uaa lootuata,

1 Petero 1:3 Eitobir Enkop

1 Petero 1:23

anaa lootoiwuoki kat are, me tʼembeu erruoroto, kake te nemerruoio, tʼororei lʼEngai naishiu obik nkatan pookin.

1 Yohana 5:4

Ore pookin natoiwuoki tʼEngai, negilu olmaa; nera enkirukoto ang' engilunoto natigilua olmaa.

Iroma 15:13

Njeigany ake ndai Engai eanyunoto tʼeng'ida pookin o tʼeseriani enkirukoto, peitunyoi eanyunoto inyi tʼengolon Olmumua Sinyati.

Ile Efeso 1:7

Nikiata tiatua ninye elakunoto tʼosarge lenye, enkitaunoto oo nkitarruot tʼendupoto eng'adunoto enye

2 Ilkorintio 1:3

Njeitadarari Engai o Menye lʼOlaitoriani lang' Yesus Kristos, lora Papa lʼeng'adunoto o Engai enkilejilejata.

1 Yohana 3:3

Ore pookin loataiye ninye ena anyunoto, neisuj kion anaa pera ilo loisuja.

Iroma 12:12

Enting'idata tiatua eanyunoto, enting'iria tiatua osina, entobik tiatua esayata.

1 Yohana 2:29

Teni iyololo, aajo ninye supat, nintokiki aayolou, aajo ore oloitobir esupato, naa ilo etoiwuo ninye.

Ile Efeso 1:3

Njeitadarari Engai o Menye lʼOlaitoriani lang' Yesus Kristos! Etamayana ninye yook tʼemayani pookin emumuaishu te shumata tiatua Kristos.

Ile Efeso 3:20

Ore ele loidim aitobira nelang' naleng' pookin, enikiomonu arashu enikimbirribirru, tʼenkidimata naitobirisho ninye tiatua yook,

Ile Efeso 1:17

peisho ndai Engai Olaitoriani lang' Yesus Kristos, Menye lʼenkitook, Olmumua lʼeng'eno o embolunoto tiatua eyolounoto enye

1 Petero 3:21

Naa engare naitopok si yook taata tʼenkibatisa naitanyanyukieki te ina, nemera enjororoto oloirerio lʼosesen, kake osotua lʼoltoilo sidai lʼoltau oitoriokinore Engai tʼolbae lʼempiunoto e Yesus Kristos,

1 Timoteo 1:14

Kake etaa kitok naleng' empuris Olaitoriani lang' te nebo o enkirukoto o enyorrata natii atua Kristos Yesus.

Ile Efeso 2:4

Kake ore Engai nara adupani tʼenkordunoto, tʼenyorrata enye kitok natonyorrie ninye yook,

Yakobo 1:18

Etoiwuo ninye yook tʼeyeunoto enye, tʼororei lʼesipata, pekiaku yook enkiterata oo nkitobirat enyena.

Tito 2:13

nikimaririu eanyunoto tesh o enkitadolunoto enkitook Engai kitok o Olaitopuani lang' Yesus Kristos,

1 Ilkorintio 15:20

Ore taata etopiwuo Kristos too lootuata nera ol elukunya loo looirura.

1 Ilkorintio 13:13

Akae, ebik taata enkirukoto, eanyunoto, enyorrata, kuna uni; kake era enyorrata kitok too kuna nelang'.

1 Yohana 3:9

Ore pookin otoiwuoki tʼEngai, nemeitarruo, amu ebik eishoi enye te nebo o ninye; meidim ninye aitarruoi, amu etoiwuoki tʼEngai.

1 Petero 2:2

entang'warr anaa nkera naa eneiunyeki kule eng'eno nemeata olosek, pipuopuo aabulaki too kuna atua enkitopuata,

Ilhebrania 3:6

Kake ore Kristos etaa anaa enkerai neitore engaji enye; ore engaji enye, nikira yook, teni kimbung' aakurraki eng'idaroto o enkitook eanyunoto metabaiki enkiting'oto,

1 Ilsesalonike 1:3

nikidamu mikipal enkyas enkirukoto o enyamali enyorrata o olng'iria lʼeanyunoto, nara ninye Olaitoriani lang' Yesus Kristos tʼengomom Engai o Papa lang'.

Ilkolosai 1:27

Amu etonyorra Engai aitayolo enara enkumoi sidai e ina mikio tiatua loreren lemeata Engai, naa ninye Kristos tiatua ndai, lora eanyunoto enkitook.

Iroma 8:24

Amu kitopua tʼeanyunoto. Ore eanyunoto nikidol, mera ninye eanyunoto; amu olodol toki — kainyo peanyu?

Iroma 8:11

Teni emanya Olmumua le ilo, oitopiwuo Yesus too lootuata, atua ndai, neitopiu ilo oitopiwuo Yesus tiatua lootuata, si seseni linyi ooe, tʼolbae lʼolmumua lenye omanya atua ndai.

Yohana 1:13

leitu eiuni too sargeta neme tʼeyeunoto enkiring'o neme tʼeyeunoto olee, kake tʼEngai.

1 Yohana 5:18

Kiyolo yook, aajo ore olotoiwuoki tʼEngai, nemeitarruo; kake olotoiwuoki tʼEngai, nerrip kion nemeporroo ninye ele torrono.

1 Yohana 5:1

Ore oltung'ani pookin loiruk Yesus, ajo ninye Kristos, etoiwuoki ninye tʼEngai. Ore oltung'ani pookin lonyor olotoiwuo ninye, nenyor baiki olotoiwuoki te ninye.

Ilkolosai 1:23

ten aa ipuoiyeye enkirukoto niunokinono ninye nigoligolo, niminjosho eibelekenyari ndai aaitung'ua eanyunoto euangelion, nitoning'o ndai, nainosuaki tiatua nkitobirat pookin naatii abori e shumata, neaku ataa nanu, Paulos, olaisyayani lenye.

Iroma 5:10

Amu teni eitobirakaki yook o Engai tʼenkea Oinoti lenye, eton kira ilmang'ati, nelusoo naleng', eidipaki aaitobiraki yook, nikipok tiatua empuan enye.

Iroma 4:25

loishoruaki tʼolbae loo nkitaruot ang' neitopiwuoki tʼolbae lʼesupato ang'.

1 Yohana 4:7

Lanyor lainei, matonyorrata tiatua aten; amu ore enyorrata, Engai eing'ua, o olonyor, netoiwuoki tʼEngai neyolo Engai.

1 Ilsesalonike 4:13

Mikiyeu, lalashera, pimiyololo mbaak oo looirura, pimilishilishi anaa kulekai lemeata eanyunoto.

Ilgalatia 6:16

Ore kulo pookin oopuoiye ilo rregie, njebik eseriani o enking'urroto shumata enye o shumata Israel lʼEngai.

2 Ilsesalonike 2:16

Ore ninye, Olaitoriani lang' Yesus Kristos o Engai Papa lang', otonyorra yook neisho enkilejilejata oo nkatan pookin o eanyunoto sidai tiatua eng'adunoto:

1 Petero 1:13

Onaa, enteen mpolosi oo ndamunot inyi, enjololoto, enting'idare metabaiki enkiting'oto empuris nayakini ndai tiatua embolunoto e Yesus Kristos,

1 Petero 1:21

ndai liruko te ninye Engai, naitopiwuo ninye tiatua lootuata neisho ninye enkitook, peiye iatata enkirukoto inyi o eanyunoto e atua Engai.

1 Petero 3:5

Amu neijia opa etakaja ng'oroyok sinyat aten, naa Engai etipika eanyunoto enye, nening' ilmoruak lenye,

1 Petero 3:15

Kake entisinyai Olaitoriani Kristos tiatua iltauja linyi. Entobirakinoto, pialulu oltung'ani pookin oikilikwan ndai ororei tʼolbae lʼeanyunoto natii atua ndai,