1 Ilkorintio 12:10 - Osotua Ng'ejuk

¹⁰ o olekai enkidimata oo ngoloni, o olekai eyolounoto e akenya, o olekai enkitooroto oo lmumuan, o olekai nkutukie kumok, o olekai enkitaalata oo nkutukie.

BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI

¹⁰ neishori likae engolon naasie mbaa naagol e nking'asia, neishori likae engolon nalikiorie lomon te naibon, neishori likae enkidimata nayiolounye atirisha iltauja, neishori likae enkidimata naasishore ilng'ejepa oopaasha, neishori likae enkidimata nawalunye nkutukie.

BIBLIA SINYATI TE NKUTUK OO LMAASAI NATISIRAKI ENG'EJUK

¹⁰ neishori likae engolon naasie mbaa naagol e nking'asia, neishori likae engolon nalikiorie lomon te naibon, neishori likae enkidimata nayiolounye atirisha iltauja, neishori likae enkidimata naasishore ilng'ejepa oopaasha, neishori likae enkidimata nawalunye nkutukie.

Biblia Sinyati

¹⁰ neishori likae engolon naasie mbaa naagol e nking'asia, neishori likae engolon nalikiorie lomon te naibon, neishori likae enkidimata nayiolo aitirisha ltauja, naishori likae enkidimata naasishore lng'ejepa oopaasha, neishori likae enkidimata nawalunye nkutukie;

BIBLIA SINYATI

¹⁰ neishori likae engolon naasie mbaa naagol e nking'asia, neishori likae engolon nalikiorie lomon te naibon, neishori likae enkidimata nayiolo aitirisha ltauja, naishori likae enkidimata naasishore lng'ejepa oopaasha, neishori likae enkidimata nawalunye nkutukie;

1 Ilkorintio 12:10 Eitobir Enkop

1 Ilkorintio 14:39

Akae, lalashera lainei, entonyok piakuku layolounok, emimitiki eiro too lng'ejepa.

1 Yohana 4:1

Lanyor lainei, emiruk ilmumuan pookin, kake entaleen ilmumuan, ten ake Engai eing'ua, amu etijing'a laiteng'enak kumok lʼelejare atua olmaa.

Marko 16:17

Nepuo aarubare looiruk kulo ponot: nepuo aamir ninje lʼengarna ai ilmeneng'a, nepuo aairo too nkutukie ng'ejuko,

Ilgalatia 3:5

Ore ele oisho ndai Olmumua neas nkitobirat naaba nji tiatua ndai, amaa, keas too nkitobirat oo nkitanapat, arashu tʼenkinosunoto enkirukoto?

Marko 16:20

Nepuku kulo neinosu lomon lʼEngai too wuejitin pookin; neretoki Olaitoriani ninje too nkyasin enye neitagol ororei too lponot looturubare. Amen.

Embolunoto 2:2

Ayolo nkitobirat inono o enkyas ino o olng'iria lino, nimindim atanapa iltung'anak torrok, nitetema kulo ooipot aten lairriwak, nemera ninje, nitadua si ajo lalejak;

1 Ilsesalonike 5:20

Emimenu eyolounoto e akenya!

1 Ilkorintio 13:8

Meitoki amuta enyorrata. Teni aa yolounot, nepuo aamuta; teni aa nkutukie, nepuo aaiting'; teni aa eng'eno, nelamuta.

Iroma 15:19

tʼenkidimata oo nkitaduarot o noo lponot, o tʼenkidimata Olmumua lʼEngai, netaa aiganya pookin aing'ua Yerusalem o mbat naamanimanaa metabaiki Ilirikon, too lomon lʼeng'ida le Kristos.

Iroma 12:6

Nikiata nkishoorot nemenyanyukoro tʼeng'adunoto naishooki yook.

Iasat 19:6

neiteleiki Paulos ninje ngaik nelotu Olmumua Sinyati shumata enye neiro too nkulie kutukie neinosu mbaak e akenya.

Iasat 11:28

Neitashe obo too ninje oji engarna enye Agabos neitayolo ninye tʼenkidimata Olmumua, ajo elotu olamei kitok atua olmaa pookin; neaku neijia too ngolong'i e kaisar Klaudios.

Iasat 5:3

Nejoki Petros: Ananias, ainyo pikinganya satan oltau lino, pilej Olmumua Sinyati nisudoki kion tʼesungureishu ematua oo ngoshola enkuruma?

Iasat 1:8

kake ipuopuo aang'amu engolon Olmumua Sinyati olotu shumata inyi niakuku iljaken lainei tiatua Yerusalem o tiatua Yudaya o Samaria pookin o metabaiki enkiting'oto enkop.

Yohana 16:13

Kake teni elotu ninye, Olmumua lʼesipata, nerik ninye ndai atua esipata pookin; amu melalimu ninye te kion, kake pookin naning' ninye, nelalimu ninye, neinosaki ndai mbaak naapuonu.

Yohana 14:12

Japa, japa, aliki ndai: Olaairuk nanu, nelaitobir si ninye nkyasin naitobir nanu, nelaitobir baiki nkituak naalang' kuna; amu alo enetii Papa;

Luka 24:49

Naa eng'orai, alairriwaki shumata inyienkisiligata e Papa lai. Kake entotoni ndai tʼengang' Yerusalem, metabana neitagoli ndai tʼengolon naing'ua shumata.

Ilhebrania 2:4

neaku si Engai oljakeni lenye te nebo o ninje, too lponot o nkiputukunyot kumok o nkidimat oo muain kumok, neoriki Olmumua Sinyati tʼerisioroto eyeunoto enye.

Iasat 11:27

Nedou to kuna olong'i layolounok eing'ua Yerusalem nepuonu Antiokia.

1 Ilkorintio 11:4

Ore olee pookin osaisho arashu oitayolou mbaak e akenya, teni eitoip elukunya, nemepik elukunya enye enganyit.

1 Ilkorintio 14:13

Akae, ore oloiro too lng'ejepa, njesaisho nji, peitaai si.