1 Ilkorintio 10:14 - Osotua Ng'ejuk

¹⁴ Akae, lalashera lainei, elanya enkisyayare oo nkulie ain.

BIBLIA SINYATI TE NKUTUK OO LMAASAI NATISIRAKI ENG'EJUK NAATA MBUKUI E DITROKANONI

¹⁴ Ore te nkaraki ina, lchoreta laainei, entalam eseremare oo nkitanyaanyukot.

BIBLIA SINYATI TE NKUTUK OO LMAASAI NATISIRAKI ENG'EJUK

¹⁴ Ore te nkaraki ina, lchoreta laainei, entalam eseremare oo nkitanyaanyukot.

Biblia Sinyati

¹⁴ Ore enkaraki ina, lchoreta laainei, entalam esayiata oo nkitanyaanyukot.

BIBLIA SINYATI

¹⁴ Ore enkaraki ina, lchoreta laainei, entalam esayiata oo nkitanyaanyukot.

1 Ilkorintio 10:14 Eitobir Enkop

Embolunoto 21:8

Kake ore looing'ashaa, o lemeiruk, o looisho osina, o larak, o looas mbaak torrok oo nkiri, o lasakutok, o looserem muain neme Engai, o lalejak pookin, nepuo aajing' olbalbal lʼengumoto, eneiwuwu enkima o enkibiriti; naa ninye enkea e are.

1 Yohana 5:21

Nakera kutiti, entorrip aten too nkulie ain. Amen.

1 Petero 2:11

Lanyor, adiding' ndai anaa lomon o iltung'anak lʼolototo, pipaasharere ilng'warraitin loo nkiri looarare Olmumua

Embolunoto 22:15

Amu ti aulo etii ildiain o lasakutok o looas mbaak torrok oo nkiri, o larak, o looserem muain neme Engai, o pookin oonyor neitobir elejare.

2 Ilkorintio 7:1

Akae, ore pikiata kuna kisiligat, lanyor, maisuja aten tʼentibilishu pookin enkiring'o o en olmumua, pikibaiki esinyatishu tiatua enkuretishu Engai.

2 Ilkorintio 6:17

Onaa: Entupukutu tʼempolos enye, entirishunye, ejo Olaitoriani, emiporoo nemeisuja; nalang'amu nanu ndai,

Embolunoto 13:8

Neserem ninye kulo pookin oomanya atua engop, leitu esira ngam enye tʼenkitabu empuan Embalelo nataraki, opa tʼenkiterunoto olmaa.

Embolunoto 2:14

Kake aataiye nkuti baak, amu iata iltung'anak ooibung'a enkiteng'enare e Bileam oigwena Balak, peuni enkitadiata tʼengomom oo nkera Israel, ajo meinosa nkiri oo nkidasareitin naateyeng'akaki nkulie ain neas mbaak torrok oo nkiri.

1 Ilkorintio 10:7

Emiaku baiki laisyayak loo nkulie ain, anaa petaa looje too ninje, anaa pesira: Etotonitio olorere aadaa neokisho neinyototo, peiguran.

2 Ilkorintio 11:11

Tʼolbae le nyoo? Tiaraki namanyor nanu ndai? Eyolo Engai.

Iroma 12:19

Emilaakino, lanyor, ntorrok, kake ewuang'ie engoro Engai, amu esira: Enai elaata oo ntorrok, alalak nanu, ejo Olaitoriani.

Ilfilipi 4:1

Akae, lalashera lainei lanyor, laataiye esing'ati, lirara eng'ida o enkaja ai, entashoito tiatua Olaitoriani, lanyor lainei.

2 Ilkorintio 12:15

Nayeu naishooio ntokitin ainei naitoki aishooio nanu kion t'eng'ida kitok tʼolbae lʼenkishui inyi; ten aa anyor nanu ndai naleng', nikinyorrinyorro nanu aaitong'or.

Filimon 1:1

Paulos, oloena le Yesus Kristos, o Timoteos, olalashe: te Filemon olikinyor o olaitobirani lʼenkyas te nebo o yook,

2 Ilkorintio 12:19

Intokiki aajo ndai, njere kimitu yook too ndai? Kirorie tiatua Kristos tʼengomom Engai; kake eaku kuna pookin, lanyor lainei, pesheti ndai.

Iasat 15:20

kake njesirakini ninje, pepaash ilduruk loo nkulie ain o mbaak torrok oo nkiri o natagoroki o osarge.

1 Ilkorintio 5:11

Kake atisiraka taata ndai, pimimbung'arere oltung'ani oipoti olalashe, teni era ninye oloas mbaak torrok oo nkiri, ana ol empiani, ana oloisyayaki muain, ana olamoroni, ana olaisimani. Eming'arie oloba nji endaa si.

1 Ilkorintio 10:15

Airorie ndai anaa iltung'anak ng'eni; entetem enalimu.

1 Ilkorintio 10:19

Kajo aa? Kajo entoki nateyeng'akaki nkulie ain, ninye toki?

Ilhebrania 6:9

Kake, lanyor lainei, kianyu enaikash too ndai, petaana enkitopuata, baiki ten ake kiro neijia.