Malongolongona Kubaana mine Iesu Mak ei niage 11:27 - Laulau na Vinalu mine Salemo

²⁷ Iesu pilu e sou a disaipel sou sibitala lou ne Ierusalem. Me Iesu ei asu ulilo na luma mine Salemo, me sou a prist pilu e sou a vanua na muadana binea me sou a vanua buobuo sou asuale ei.

Malongolongona Kubaana mine Iesu Mak ei niage 11:27 Eitobir Enkop

Ioanes 18:20

Me Iesu ei adeliu ane ei maido, “Eau veimuade a inade usino na vanunua ma tavivine na avena vuso sou e Iuda sou viepilupilu i. Taliuliu eau matetengitengi e sou a vanunua ma tavivine lilo mina luma na kinaka mine sou e Iuda ue lilo na luma mine Salemo. Eau ma goli ete a inade tasa na avena i ovu.

Ioanes 10:23

De Iesu i asuasu na luma na malolovina mine Solomon i ino lilo na luma mine Salemo.

Malongolongona Kubaana mine Iesu Mak ei niage 14:1

Tauluna malada lua, Malada na Asuleletasena me a Malada Buo mina ulalu a is boa ni palea. Me sou a munuganuga mina prist me sou a vanua na muadana binea sou vei maido, “Neitou auala ane Iesu me neitou lapitole ei me neitou valipute ei matina?”

Malongolongona Kubaana mine Iesu Mak ei niage 11:28

Me sou tagi e ei maido, “Oo guale a aisa buo ma sagagalina iva, me oo goli a golugolu iede? Sei bilii e oo a sagagalina iede mei vei lio no goli a pipigona iede?”