Malongolongona Kubaana mine Iesu Luk ei niage 15:24 - Laulau na Vinalu mine Salemo

²⁴ Vuna maido, natugu ieli ei matesi, moni ei mauli lou. Ei bualesi, moni eitou poge lei e ei.’ Io sou soke a inanina buo, me sou mongemonge.

Malongolongona Kubaana mine Iesu Luk ei niage 15:24 Eitobir Enkop

Epesus 2:5

Patotona, eitou matesi vuna a sinusu mine eitou, moni Salemo ei bilii e eitou a maulina ilala ei mailisi e Krais maino na minate. E, na dinodo mine Salemo moni, ei gualeliu e amutou!

Kolosi 2:13

Lisa amutou goligoli a matamatana inigogona pagu me amutou saboa guale a munoge maino ne Krais, me na ilala do nunu mine amutou matesi. Moni Salemo i toe amutou mu guale a maulina pilu e Krais, me Salemo ei lilotase a sinusu vuso mine eitou.

Malongolongona Kubaana mine Iesu Luk ei niage 19:10

Natuna Bibi ei asu usinani mina tilomulina ma gualeliuna vanunua sou buale.”

Epesus 2:1

Lisa nunu mine amutou matesi a inigogona pagu ma sinusu mine amutou.

Malongolongona Kubaana mine Iesu Luk ei niage 15:4

“Mane tasa mine amutou ei isa a sipsip savulu sobo tasa, me mane a sipsip tasa i buale, ei ni veletase a sipsip savulu ialasue timana ialasue na avena tasa, me ei ni asu ni tilomuli a sipsip tasa i buale do mapigogoi ei ni poge.

Malongolongona Kubaana mine Iesu Luk ei niage 15:32

Moni eitou neitou maimonge, ma lilone eitou ni kubaana, vuna maido tasimu ie ei matesi, moni ei mauli lou. Ei bualesi, moni eitou poge lei e ei.’”

Laulau Pol ei niage usino ne sou e Rom 6:11

Tomane moni amutou tamai namutou damutale ve amutou tamai amutou mate me amutou ma ino lou oto matano na sagagalina sinusu. Boa. Amutou valitole Krais Iesu me amutou mauli pilu e Salemo.

Laulau Pol ei niage usino ne sou e Rom 8:2

vuna amutou tastasa seidei amutou mine Krais Iesu, ma binea mina Maolona Nunu ei biliilii e eitou a maulina, ei taulelesi e amutou na binea mina sinusu ma minate, ma binea do ei ma iteale etesi e eitou lou.

Laulau Pol ei niage usino ne sou e Rom 12:15

Ne amutou monge pilu a vanunua sou mongemonge. Me namutou tangi pilu a vanunua sou tangitangi.

Ioanes 11:25

Me Iesu ei vei lei, “Eau a ilisiliuna, me eau a maulina oto. Ma bibi ei silimuli eau, mane ei mate, ei ni mauli lou.

Epesus 5:14

Vuna, lada ei toe a golu tasa ni muina muada, de golu tamai iedo ei ni palea tomane a muada. Maido ma inade iedo ei ino, “Oo a bibi seidei o mavuta, oo ilisi. Oo ilisi na muina minate, me ne Krais ladevei e oo.”

1 Korin 12:26

Maido me mane a avena vovo tasa ei somiale a davutina, aveavena vuso do sou somiale a davutina pilu. Me mane a avena tasa ei guale a aisa buo, aveavena vuso sou mongemonge pilu e ei.

1 Timoti 5:6

Moni mane a buasu ei ogomuli moni a masagana mina vovona, io a buasu do ei tomane ei matesi.

Laulau Pol ei niage usino ne sou e Rom 11:15

Ilala Salemo ei taulele sou e Israel, ei toe a vanunua ma tavivine mina magamaga sou palea lilo tasa pilu e ei. Maido me mane Salemo i gualeliu e sou e Israel, eitou muada ei ni mailisiliu a vanunua ma tavivine sou matesi na minate.

Laulau Pol ei niage usino ne sou e Rom 6:13

Me namutou ma itetasetase lei a sinusu i iteale a aveavena vovone amutou vuso, dae ne amutou goli a inigogona mamau. Amutou tomane a vanunua ma tavivine sou ilisiliu na minate me sou mauli a muine sou, maido me namutou bilii e amutou oto usino ne Salemo. Me namutou litase Salemo ni iteale a avena vovone amutou vuso, ne amutou goli a inigogona i bilesi.

Ioanes 5:21

Euma ei mailisiliu a vanunua sou matesi mei bilii e sou a maulina, tomane moni Natuna tamai ei bilii a maulina usino ne sou a vanunua na masagana minei oto.

Malongolongona Kubaana mine Iesu Mak ei niage 8:22

Iesu pilu e sou a disaipel sou asu sibitala na aubu e Betsaida. Me sou maasi a bibi tasa matana i ego. Me sou vei le Iesu ni tau a limana na bibi iedo.

Inade i Ovu 3:1

Bibi iedo ei ade lou maido, “Oo no niage a inade sanii usino na bineanea mina viepiluna kinaka mine Sadis. Inade i maido, ‘Eau isa a nunu padilua mine Salemo me eau lapitole a mataidoido padilua do. Eau muada a inigogona vuso oo goli, oo lagu mauli, moni boa, oo matesi.

Iudas 1:12

Na malada amutou viepilu a inani pilu a lilo tasa, sou a vanua do sou asuasu usinani, me sou toegegeli a viepiluna do ni palea mumugu. Sou ma maelaela oto a aanina tomane sou ino na inani buo, me sou damutale moni e sou oto. Sou tomane a ausa i ma maasi ete a adavu usinani, ma avivili i valitase sou usino. Me sou tomane a obu i ma vua oto na ilalane ei tomane a obu i magoluosi me sou lusiosi a aane sou.

Malongolongona Kubaana mine Iesu Luk ei niage 10:19

Longe. Eau biliiosi e amutou a sagagalina, me amutou mapigogoi namutou soetole a aliusu ma tumailu, me a sagagaline ei vuso mina butualene amutou. Me a golu tasa i ma mapigogoi ete ni toegegeli e amutou.

Matiu 8:22

Moni Iesu ei vei lei, “Muina. Sou a vanua sou matesi, ne sou peilai e sou a abuna mine sou oto, moni oo ogomuli e eau.”

Malongolongona Kubaana mine Iesu Luk ei niage 9:60

Me ei vei lei, “Umana. Vanunua sou matesi ne sou peilai liu e sou oto. Moni e oo, o asu mo malongo a niitealalena mine Salemo.”

Malongolongona Kubaana mine Iesu Luk ei niage 15:23

Me mu guale a natuna bulmakau a aina tubu odo me mu valipute. Neitou aani me neitou mongemonge.

Malongolongona Kubaana mine Iesu Luk ei niage 15:25

“Na ilala do natuna matalagu ei ino na mauma. Ilala ei veteliu, me ei sibitala agavuale a luma, me ei longe a tinangi na ude ma tilialiana.