Ioanes 11:39 - Laulau na Vinalu mine Salemo

³⁹ Io Iesu ei vei, “Amutou, taulele a vatu iede.” Marta, ei e latavine na bibi matesi iodo, ei vei le Iesu maido, “Bibi Taula, seidei a malada ivanai ei ino na muina minate. Maido me ei mavuluosi.”

Ioanes 11:39 Eitobir Enkop

Ioanes 11:17

Ilala Iesu asu mei ite Lasarus i tabuliosi a malada iva lilo na muina minate.

Malongolongona Kubaana mine Iesu Mak ei niage 16:3

Me sou maiadepilu lilo ne sou oto maido, “Sei ni buloi e eitou a bulilelena vatu maino na asena aova?”

Pilipai 3:21

Na sagalina minei oto, Krais ei ni goli a golugolu vuso ni muina matano minei, me na sagagalina moni iedo ei ni sauvuvule a vovone eitou i isa a matamatana mavaana ni palea doana mamau sele tomane a vovone ei oto.

Aposel 2:27

O no ma itetase ete eau na aubu a vanunua sou matesi i. Mo no ma itetase lei ete a bibi oo vilealesi ni minio ei ni mavulu mina muina minate.

Aposel 13:36

“Eitou muada, na ilala Devit i muina na magamaga, ei ogomuli a masagana mine Salemo. Me mulimuli ei mate me sou peilai ei na muina minate mine tubutubune ei, ma aitolane ei i mavulu.

2 Korin 2:16

Ane sou so buale, manginana do ei tomane a manginana minate, me ei mapalele a minate ne sou. Moni na abuna mine Salemo, manginana do ei tomane a manginana maulina, me ei mapalele a maulina ne sou. Sei mapigogoi sele ni goli a matana pipigona ie?