Rm 6:3 - Meta’

³ Chəi mbə̀ kyerɨ ni mba mɨjìm mbe nɨ nyaʼa nɨŋ mɨnib ənɨ ɨkum Kristo Yeso nyaʼa bə̀ kwɨ mbɨ məd ɨchî nɨ tɨ̀ nyaʼa nɨŋ mɨnib ə?

Ikan feg

³ Chəyi mbə̀ kyeri gha icheg ne tì ya niŋi mənib ni yaʼ ane ifɔti tì Yeso Kristo, mba ya icheg bəd ne bə ku tì Yeso.

Rm 6:3 Eitobir Enkop

Gàlesìyà 3:27

Mbə̀n mɨjìm mbe nɨ nyaʼa fɔtɨ mbɨ Kristo ənɨ mbə̀ nyaʼa nɨŋ mɨnib, fə sɨ ɨghabɨ ə Kristo.

Rm 6:8

Ɨchî nɨ tɨ̀ fə kwɨ mbɨ Kristo, tɨ̀ bə ben ni tɨ̀ bɨrɨ bɨ chub ɨkǎ mbɨ məd.

1 Kɔrèn 12:13

Tɨ̀ nyaʼa nɨŋ mɨnib ənjìm Əzwî ze ə mɔʼ. Əne tɨ̀ fə fɔtɨ sɨə nyamnyod mɔʼ. Ŋwìə̀ nyaʼa zɨ̀ Əzwî ze ə mɔʼ ɨŋga ta fîŋ, kɨ̀ tɨ̀ yɨ mɨ̀Jû kɨ̀ bə̂d nɨ kaʼi mɨ̀Jû, kɨ̀ tɨ̀ yɨ ɨ̀bòʼò kɨ̀ bə̂d nɨ yeʼ ənɨ ə ɨghəm.

1 Pità 3:21

Mɨnib mbɔ̂ nɨ mbɨ nyaʼə nəŋ ɨgun nyaʼa təm ənɨ ənû nɨ bə̂d ə nɨŋə mɨnib. À yɨ mɨnib mbe ə chɨ̀ əwən rəŋgəʼ tɨ̀nîn. Kaʼ ənû nɨ nɨŋ mɨnib yɨ i ənû nɨ chɨ rɨfiŋ tɨ ənɨ ɨnyod. À yɨ ənû nɨ mbə̀ kaʼ əmbɨ ə Ŋwiə̀ mbɨ ə fîŋ nɨ zeŋɨ. Ənû nɨ nɨŋ mɨnib ə zɨə chɨ̀ əwən rəŋgəʼ ənjìm ɨchî nɨ Yeso Kristo nyaʼa zwemə.

Ɨ̀fàʼì 2:38

Pità nyaʼa wììrɨ̀ əmbɨ mɨ̀mə̌d ni, “Wə̀d mɔʼ mɔʼ rəbɔʼ nən beŋ i fîŋ, nɨŋ mɨnib ənɨ ɨkum Yeso Kristo, ɨmbə̀ʼ Ŋwìə̀ waʼ mbə ɨnû rɨbɔ̀ŋ. Mbə mɨ ghɨ̀ əne, mbə bɨrɨ berɨ ɨneʼe nɨ yeʼ Əzwî ə Zeŋɨ.

Matìyò 28:19

Əne mbə̀ wo əmbɨ ə bə̂d mɨ̀jìm ɨŋga ɨbeŋ jìm, ghɨ̀ ni mbɨ yeʼ mbɨ mə̀mə̀ə̀nɨ̀-ɨnû. Mbə̀ nàʼ mɨnib əmbɨ mɨ̀mə̌d ənɨ ɨkum Mbǎʼ, ənɨ wɨ Wan bə̀ fɔrɨ ənɨ wɨ Əzwî ə Zeŋɨ.

Jems 4:4

Mbə yɨ ɨghabɨ məyi namɨ nɨə niirɨə mbaŋə̀! Chəi mbə̀ kyerɨ ni wə̀d we nɨə kə̀b jɨg ə̀sə̀ʼ mbɨ ɨsɨg yɨə wə̀d pə̀n Ŋwìə̀ ə? Əne wə̀d mɔʼɔ we nɨ ghaʼ ənû nɨ jɨg ə̀sə̀ʼ mbɨ ɨsɨg yɨə wə̀d pə̀n Ŋwìə̀.

1 Kɔrèn 9:13

Chəi mbə̀ kyerɨ ni bə̂d mbe nɨə fàʼ ɨŋga mbàn Ŋwìə̀ mbɨə jɨgə rɨ ə mbàn Ŋwìə̀ ə? Chəi mbə̀ bə kyerɨ ni bə̂d mbe nɨə nàʼ ɨghɨ ə̀fà mbɨə nɨŋ əbà rɨ ənɨ ɨghɨ mbe nɨ mbɨə naʼ ənɨ mbən ə?

Rm 7:1

Mbɨ bɔŋgɔb, mə wɨə ghàm əmbɨ ə mbə̀n mbe nɨ kyerɨ rɨkə. Chəi mbə̀ kyerɨ ni tɨkə tɨə yimə wə̀d àmei ənɨ ə nyùmə̀ we nɨ wɨ̀ yeʼ ɨkǎ ə?

Rm 6:16

Chəi mbə̀ kyerɨ ni mbə mɨ nàʼ ə ɨnyod əmbɨ ə wə̀d mɔʼɔ ɨghabɨ ɨ̀bòʼò nɨə zuunɨə, əne mbə yɨ sɨ ɨ̀bòʼò əmbɨ ə wə̀d we nɨ mbə̀ə zuunɨ əməd ə? Əne yɨ ɨ̀bòʼò əmbɨ ɨnû rɨbɔ̀ŋ mbe nɨə ghɨ̀ ni bə̂d kwɨ, kɨ̀ ɨ̀bòʼò əmbɨ ɨzuunɨ we nɨə ghɨ̀ ni bə̂d təm kùʼnɨ̀ ɨfě Ŋwiə̀.

Ɨ̀fàʼì 19:5

Ənɨ mbɨ nyaʼa zu ənû zɔ̂, mbɨ nyaʼa nɨŋ mɨnib ənɨ ɨkum Ə̀nùŋɨ̀sɨg Yeso.

1 Kɔrèn 6:9

Chəi mbə̀ kyerɨ ni chəi bə̂d mbe nɨə ghɨ̀ ɨnû rɨbɔ̀ŋ bɨrɨ jɨg ənû ɨfɔ̀n ə Ŋwiə̀ ə? Tɨ wə̀d mɔʼɔ tambɨ i əwən: chəi bə̂d mbe nɨə ghɨ̀ ɨfabrɨ-ɨnû bɨrɨ nɔ jɨg ənû ɨfɔ̀n ə Ŋwiə̀, kɨ̀ mbe nɨə wumnɨ mbɨ̀anèŋ, kɨ̀ mbe nɨə niirɨə məyi kɨ̀ mbaŋə̀, kɨ̀ mbaŋə̀ nɨə niə tɨ cherə,

1 Kɔrèn 5:6

Ɨchî nɨ mbə̀ə goŋ ɨgɔ̂ rɨka bɔ̀ŋ i. Chəi mbə̀ kyerɨ ni àmei akə ɨfuʼ we nɨə ghɨ̀ ni ŋgə̀ŋ kɔʼ we ə nɔ̀ɔ̀rɨ̀ ŋgə̀ŋ jìm ə?

Ɨ̀fàʼì 8:16

Chəi Əzwî ə Zeŋɨ ə nyaʼa kɨrɨ yeʼe ɨgun ə wə̀d mɔʼɔ rəbɔʼ mɨ̀mə̌d. Mbɨ nyaʼa kɨrɨ nɨŋ àmei mɨnib ənɨ ɨkum Ə̀nùŋɨ̀sɨg Yeso.

2 Kɔrèn 13:5

Mbə̀ kwaʼnɨ ə ɨnyod mbənə mbənə zə ni mbə kɨrɨ nuŋ fîŋ ɨgun ə Kristo ə. Mbə̀ kwaʼnɨ ə ɨnyod. Chəi mbə̀ zə ni əzwî ə Yeso Kristo ə zɨ ɨŋga nən ə? Kɨrɨ ənɨ mbə fə gù ə̀kwàʼnɨ̀ ze!

1 Kɔrèn 15:29

À mɨ yeʼ nɨ chəi Ŋwìə̀ bɨrɨ zwemnɨ bə̂d, njɨ əton nɨ bə̂d ə nɨŋə mɨnib ənɨ ɨkum bə̂d nɨ fə kwɨ kɨ ɨmbə̀ʼ ə yè ə? À mɨ yeʼ nɨ chəi Ŋwìə̀ bɨrɨ nɔ zwemnɨ bə̂d, njɨ bə̂d kɨə nɨŋə mɨnib ənɨ ɨkum mɨ̀mə̌d ɨmbə̀ʼ ə yè ə?

1 Kɔrèn 3:16

Chəi mbə̀ kyerɨ ni mbə yɨə mbàn Ŋwìə̀ mbɨ ni Əzwî ə Ŋwiə̀ ə zɨ ɨŋga nən ə?

1 Kɔrèn 6:19

Chəi mbə̀ kyerɨ ni tə nyamnyod yɨə mbàn əmbɨ Əzwî ə Zeŋɨ ze nɨ yeʼ ɨŋga nən, nɨ Ŋwìə̀ nyaʼa naʼ ɨ nən ə? Ka tə nyamnyod yɨ i tən.

1 Kɔrèn 9:24

Chəi mbə̀ kyerɨ ni ənɨ ə̀nòtɨ̀, bə̂d mɨ̀jìm mbɨə nòrə̀, àyɨə àmei wə̀d mɔʼ we ə nɨŋ ɨchwɨ ə? Əne mbə̀ notə ənɨ ɨkwɨ ɨnə̂njɨ̀ nɨ tɨ̀ mbə̀ nɨŋ ɨchwɨ we.

1 Kɔrèn 10:2

Mɨ̀mə̌d mɨjìm nyaʼa nɨŋ mɨnib ɨchî nɨ mbɨ nyaʼə yèn əton ə pàʼ. Mbɨ nyaʼa bə̀ nɨŋ ɨchî nɨ mbɨ nyaʼə yèn ɨŋga rɨ̀bàà. Mbɨ nyaʼa nɨŋ ɨchî nɨ mbɨ nyaʼə beenɨ əbɔʼ ə Mose.