Mk 14:18 - Meta’

¹⁸ Ənɨ mbɨ nyaʼə jɨgə, Yeso nyaʼa ghà ni, “Mə ghà rəsìʼ ɨ nən ni wə̀d mɔʼɔ rəbɔʼ nən bɨrɨ fen əmɨ. Təŋgàŋ yɨ we nɨə jɨgə mbɨ num.”

Ikan feg

¹⁸ Anyumə̀ ne mbi yaya jə̀ghə, Yeso ya ghà inɔb gha, “Mə gha tesiʼ inən gha, wə̀d mɔ̀ʼɔ abɔ̀ʼ inən biri fèn amə. Tengàŋ we jə̀ghə tì inum.”

Mk 14:18 Eitobir Enkop

Jn 6:70

Yeso nyaʼa wììrɨ̀ əmbɨ mɨ̀mə̌d ni, “Ɨmbə̀ʼ mə nyaʼa chɔʼ əwən mbə̀n mbɔ̂ wum chɔ̀b rɨ̀be ə? Àyɨə wɨ fibɨ̀ rəbɔʼ nən yɨə debɨ̀rə̀.”

Jn 6:47

Mə ghà rəsìʼ ɨ nən ni, wə̀d we nɨ ben ənû ze nɨ mə̀ gha bɨrɨ jɨg ɨ̀tènɨ̀ rɨ mì.

Jn 13:38

Yeso nyaʼa wììrɨ̀ ni, “À bɨrɨ kaŋ kwɨ ɨmbə̀ʼ əmɨ ə? Mə ghà rəsìʼ ɨ ne ni bɔŋ ɨnoŋgub sɨə tɔŋə, à bɨrɨ fə ton əmɨ ɨghəm tad.”

Jn 13:21

Ənɨ Yeso nyaʼa fə gha ɨnû mbɔ̂, fîŋ məd nyaʼa kɔ tɔb əməd əne wɨ̀ nyaʼa gha əsaŋ əsaŋ ni, “Mə ghà rəsìʼ ɨ nən ni wə̀d mɔʼɔ rəbɔʼ nən bɨrɨ fen əmɨ.”

Jn 6:32

Yeso nyaʼa sɨ ghà əmbɨ mɨ̀mə̌d ni, “Mə ghà rəsìʼ ɨ nən ni, kaʼi Mose nyaʼa naʼ ŋgə̀ŋ ze nɨ nyaʼa nɔʼ rɨkaŋ ɨ nən. À yɨ mɨ Mbǎʼ ə nàʼ ŋgə̀ŋ ze nɨ yeʼ zɨ rəsìʼ ze nɨ nɔʼ rɨkaŋ.

Jn 6:26

Yeso nyaʼa wiirɨ əmbɨ mɨ̀mə̌d ni, “Mə gha rəsìʼ ɨ nən ni mbə mbɨə kə̀b əmɨ ɨmbə̀ʼ ɨchî nɨ mbə nyaʼa jɨg ŋgə̀ŋ kod, kaʼi ənû ə yiirɨ ze nɨ mə̀ nyaʼa ghɨ̌.

Jn 5:19

Yeso nyaʼa ghà əmbɨ ə bə̂d mbe nɨ nyaʼə tekɨ ɨnû ɨŋga əbeŋ mɨ̀Jû ni, “Mə ghà rəsìʼ ɨ nən ni, chəi ənɨ tɨ̀ Wan ghɨ̀ ənû ə mɔʼɔ ənɨ i ɨghəm. Məd wɨə ghɨ̀ àmei ɨnû mbe nɨ wɨ̀ zə ənɨ Mbǎʼ ə ghɨ̀ə̀. Ənû ze nɨ Mbǎʼ ə ghɨ̀ə̀, Wan bɨrɨ bɨ ghɨ̀.

Jn 3:11

Mə wɨə ghà rəsìʼ ɨ ne ni tɨ̀ wɨə ghà ɨnû mbe nɨ tɨ̀ kyerɨ, bə̀ ghàə̀ mbe nɨ tɨ̀ fə zə, àyɨə chəi mbə̀ ben ɨnû mbe nɨ tɨə ghàə̀.

Jn 3:5

Yeso nyaʼa wììrɨ̀ ni, “Mə ghà rəsìʼ ɨ ne ni chəi wə̀d nɨ tɨ̀ wɨ̀ nyɨ ɨŋga ənû ɨfɔ̀n ə Ŋwiə̀, kɨrɨ ənɨ mbɨ wɨrɨ gywɨ əməd ɨghəm cherə ənɨ mɨnib bə̀ fɔrɨ ənɨ Əzwî ə Ŋwìə̀.

Jn 3:3

Yeso nyaʼa wììrɨ̀ ɨ bɔ ni, “Mə ghà rəsìʼ ɨ ne ni chəi wə̀d mɔʼɔ əŋgu nɨ tɨ̀ wɨ̀ nyɨ ɨŋga ənû ɨfɔ̀n ə Ŋwiə̀, kɨrɨ ənɨ mbɨ wɨrɨ gywɨ əməd ɨghəm cherə.”

Jn 1:51

Yeso nyaʼa ghàm əne ghà əmbɨ mɨ̀mə̌d ni, “Mə ghà rəsìʼ ɨ nən ni mbə bɨrɨ zə ɨkaŋ əfìʼə mbɨ mbɨ̀aŋgɨrə̀ nɨə kɔʼə bə̀ swiʼə ɨgun ə Wan Wə̀d.”

Lk 11:51

Mbɨ bɨrɨ kɔ rɨ ənɨ ənəm ə Ebèl wò pè ənɨ ənəm ə Zèkariyà we nɨ mbɨ nyaʼa zwiirɨ əsàn ɨkwi ɨjə̀ŋ Ŋwiə̀ mbɨ əsɨ ɨwumnɨ. Ee, mə ghà ɨ nən ni mbɨ bɨrɨ biirɨ ənəm ze rɨ əmbɨ ɨghəm bə̂d wɔ̂ rɨ̀nîn.

Lk 4:24

Wɨ̀ nyaʼa yì ghà ni, “Mə ghà rəsìʼ ɨ nən ni, chəi bə̂d ə benə wə̀d ɨ̀kə̀n ɨŋga əsɨ ze nɨ mbɨ gywɨ əməd.

Mk 14:25

Mə ghà rəsìʼ ɨ nən ni, chəi mə bɨrɨ wɨrɨ nɔ mɨnoʼ pè əni ze nɨ mə bɨrɨ nɨ nɔ ənɨ ɨghəm fi ɨŋga ənû ɨfɔ̀n ə Ŋwiə̀.”

Mk 14:9

Mə ghà rəsìʼ ɨ nən ni ɨsɨ jìm mbe nɨ mbɨ bɨrɨ ghà ɨkə̂n chɔ̀m wɔ̂ ɨŋga ɨsɨg, mbɨ bɨrɨ ghà ənû ze nɨ əyi wɔ̂ ghɨ̌, əne sɨə kɔndɨ əməd.”

Mk 10:29

Yeso nyaʼa ghà əmbɨ mɨ̀mə̌d ni, “Mə ghà rəsìʼ ɨ nən ni, chəi wə̀d mɔʼɔ we nɨ saŋ i nəb, kɨ̀ mbi bɔŋgɔb, kɨ̀ ti njàbɨ, kɨ̀ i nɨ̌ŋ, kɨ̀ i mbǎʼ, kɨ̀ mbi bɔn, kɨ̀ mbi ɨsɨ si ɨmbə̀ʼ əmɨ fɔrɨ ɨmbə̀ʼ ɨkə̂n chɔ̀m,

Mk 10:15

Mə ghà rəsìʼ ɨ nən ni, ka wə̀d mɔʼɔ we nɨ chəi wɨ̀ ben ənû ɨfɔ̀n ə Ŋwiə̀ ɨghabɨ ə wan kwa bɨrɨ nɔ nyɨ i ɨŋga ənû ɨfɔ̀n ze.”

Mk 9:41

Mə ghà rəsìʼ ɨ nən ni chəi wə̀d mɔʼɔ we nɨ naʼ toʼ mɨnib ɨ nən ni mbə̀ nɔ ɨmbə̀ʼ ɨghəm nɨ mbə̀ ben ɨkum Kristo bɨrɨ nim i ɨchɔʼ ə̀fàʼì.

Mk 9:1

Yeso nyaʼa yì ghà əmbɨ mɨ̀mə̌d ni, “Mə ghà rəsìʼ ɨ nən ni chəi bə̂d mɔʼɔ rəbɔʼ mbɔ̂ nɨ təmbɨ əgha bɨrɨ kwɨ zɨ rɨ tɨ̀ mbɨ zə ɨchî nɨ Ŋwìə̀ ə tùmbɨ̀ə̀ mbi bə̂d ɨchî nɨ kaanɨ.”

Mk 8:12

Ənû ze ə nyaʼa bètɨ̀ fîŋ məd, wɨ̀ zwi rɨ fùùm əne ghà ni, “Ɨghəm bə̂d wɔ̂ kɨə kə̀b ənû ə yiirɨ ɨmbə̀ʼ ə yè ə? Mə ghà rəsìʼ ɨ nən ni chəi mbɨ bɨrɨ chwi ənû ə yiirɨ ə mɔʼɔ əmbɨ mɨ̀mə̌d.”

Mk 6:11

À mɨ yeʼ nɨ chəi mbɨ nɨŋ əwən əsɨ ə mɔʼɔ kɨ̀ nɨ chəi mbɨ zu ənû ze nɨ mbə̀ə ghàə̀, mbə̀ kud əgywɨ rɨ ənɨ mbə ɨwu ənɨ mbə̀ə nɔʼə. Əze ə bɨrɨ yeʼ ənweenɨ əmbɨ mɨ̀mə̌d ni mbɨ fə ton ɨkə̂n chɔ̀m. [Mə ghà rəsìʼ ɨ nən ni, à bɨrɨ sɨ əni ze nɨ Ŋwìə̀ ə sob mɨsaʼi, wɨ̀ bɨrɨ diirɨ bə̂d mbe rɨ ə Sodòm bə̀ dììrɨ̀ mbe rɨ ə Gòmorà chè ɨchî nɨ wɨ̀ bɨrɨ diirɨ bə̂d mbe rɨŋga əsɨ ze.]”

Mk 3:28

“Mə ghà rəsìʼ ɨ nən ni, Ŋwìə̀ bɨrɨ waʼ ɨnû rɨbɔ̀ŋ jìm bə̀ waʼ mɨzɔ̂m jìm mbe nɨ bə̂d ə zɔ̀m əməd,

Matìyò 26:21

Ənɨ mbɨ nyaʼə jɨgə, wɨ̀ nyaʼa ghà ni, “Mə ghà rəsìʼ ɨ nən ni wə̀d mɔʼɔ rəbɔʼ nən bɨrɨ fen əmɨ.”

Matìyò 6:5

“Ənɨ mbə̀ə kɔ̀ŋgɨ̀ ə Ŋwiə̀, tɨ mbə̀ ghɨ ə ɨghabɨ ɨbekɨ bə̂d. Ɨ mbɨə ghaʼə nɨ təm ɨŋga nəb tɨ ə̀kàtɨ̀ bə̀ fɔrɨ ɨban ɨnə̂njɨ̀ bɔŋ kɔŋgɨ ə Ŋwiə̀. Ɨ mbɨə ghɨ̀ əne àmei ɨmbə̀ʼ bə̂d zə mɨ̀mə̌d. Mə ghà rəsìʼ ɨ nən ni mbɨ fə berɨ ə ɨchɔʼ ə̀fàʼì.

Matìyò 6:2

“Əne ənɨ àwɔ̀ ə nàʼ ɨghɨ əmbɨ wə̀d ŋgəʼ, tɨrə̀ fə e tàŋ ɨchî nɨ ɨbekɨ bə̂d ə ghɨ̀ ɨŋga nəb tɨ ə̀kàtɨ̀ bə̀ ghɨ̀ ɨtu ɨzib. Ɨ mbɨə ghɨ̀ əne ɨmbə̀ʼ bə̂d yiirɨ mɨ̀mə̌d. Mə ghà rəsìʼ ɨ nən ni mbɨ fə berɨ ə ɨchɔʼ ə̀fàʼì.

Matìyò 5:18

Mə ghà rəsìʼ ɨ nən ni, pè ənɨ ɨkaŋ fɔrɨ si fə che, chəi əchəb kɨ̀ ɨghə ə̀ŋwàʼnɨ̀ mɔʼ tɨ ənɨ rɨkə te bɨrɨ nim, kɨrɨ ənɨ mbɨ fə ghɨ̀ ɨnû mbɔ̂ jìm.

Jn 21:18

Mə ghà rəsìʼ ɨ ne ni ənɨ à nyaʼə ŋgwàʼ wə̀d, à wɨə nyaʼə zɨ̀ə̀ te ngywɨ̌ wò əsɨ ze nɨ à nyaʼa ghaʼ nɨ wò əŋgu. Àyɨə ənɨ à bɨrɨ fə nùn e, à bɨrɨ sem mbe ɨbɔ, wə̀d cherə zɨ̀ ngywɨ̌ ɨgwɨ ne, kod əwe nɨŋ wò əsɨ ze nɨ chəi à kəb nɨ wò.”

Matìyò 6:16

“Ənɨ mbə̀ chub rɨ jɨg, tɨ mbə̀ ghɨ ə ɨghabɨ ə bə̂d nɨə kə̀nə̀, ɨchî nɨ ɨbekɨ bə̂d ə ghɨ̀ə̀. Ɨ mbɨə ŋgɨ̀ndɨ̀ tə rɨfě ɨmbə̀ʼ bə̂d zə ni ɨ mbɨə chubə rɨ jɨg. Mə ghà rəsìʼ ɨ nən ni mbɨ fə berɨ ə ɨchɔʼ ə̀fàʼì.

Mk 14:17

À nyaʼa sɨ ɨkwirɨ kwirɨ, Yeso nyaʼa wò ɨŋga əsɨ ze mbɨ mbi mə̀mə̀ə̀nɨ̀-ɨnû mbe wum chɔ̀b rɨ̀be.

Mk 14:19

Mbɨ nyaʼa zu əne kə̀nə̀, əne kɔ bɨrɨ ɨ bɔ ɨ mɔʼ mɔʼ ni, “À wa kɨə mɔ̌ ə?”

Lk 22:21

Àyɨə mbə zə, wə̀d we nɨ fen əmɨ wɨ əgha ɨgun ə tebrə̀ jɨgə mbɨ num.

Jn 13:18

“Chəi mɨə ghà ɨnû mbɔ̂ ɨmbə̀ʼ mbə̀n mɨjìm. Mə kyerɨ bə̂d mbe nɨ mə̀ fə chɔʼɔ. Àyɨə ənû ze nɨ yeʼ ɨŋga Ə̀ŋwàʼnɨ̀ ə Ŋwiə̀ ə berɨ jwɨ ənɨ rəsìʼ ni, 'Wə̀d we nɨ nyaʼa jɨgɨ mbɨ num fə bèŋ ənɨ mɨ wə̀d pə̀n'.

Jn 13:22

Mə̀mə̀ə̀nɨ̀-ɨnû mbe nyaʼa neŋnɨ ɨnyod, sɨə bìd ə wə̀d we nɨ wɨ̀ gha ənû zɔ̂ ɨmbə̀ʼ əməd.