Mə̀Hibrù 11:40 - Meta’

⁴⁰ Ŋwìə̀ nyaʼa fə taŋ ənû nɨ bɔŋɨ chè nùŋ ɨ na. Əne yɨ ni àmei ənɨ ɨfɔtɨ mbɨ na nɨ tɨ̀ mbɨ bɔ̀ŋ màànɨ̀.

Ikan feg

⁴⁰ Chəyi Ŋwiye ya nàʼi ighi mbe ne wì ya kàʼi inɔb imbə̀ʼ icheg ne wì ya nɔ̀ŋì gha mbɔb biri fɔtɔ tì ina bɔŋ si bɔ̀ŋ mànì.

Mə̀Hibrù 11:40 Eitobir Enkop

Ɨnû 6:11

Ŋwìə̀ nyaʼa nàʼ ngywɨ̌ rɨ̀fɨ əmbɨ əzwî ə mɔʼ mɔʼ rəbɔʼ ɨzwî mbe, ghà əmbɨ mɨ̀mə̌d ni mbɨ zwiirɨ ənɨ akə nyùmə̀ pè ənɨ ɨnun bə̂d mbe nɨə fàʼ əmbɨ Kristo mbɨ ɨnun bɔŋgɔb mbe nɨ mbɨ bɨrɨ zwiirɨ ɨchî nɨ mbɨ nyaʼa zwiirɨ mɨ̀mə̌d fə kuʼu.

Mə̀Hibrù 8:6

Àyɨə tɨ̀nîn ə̀fàʼì ze nɨ Ŋwìə̀ naʼ əmbɨ Yeso ə chè əzɨ mɨ̀mə̌d, àmei ɨchî nɨ fɨso fe nɨ məd yeʼe mbɨ fɨwən bə chè fɨso ə nun, ɨmbə̀ʼ ɨghəm nɨ fɨso fe ə berɨ ɨnû nɨ bɔŋ chè mbe nɨ yeʼ ɨŋga fɨso ənun.

Mə̀Hibrù 7:19

Chəi ɨkə nyaʼa ghɨ ni ənû ə mɔʼɔ ə bɔŋ màànɨ̀. Əne ɨnû mbe nɨ tɨ̀ nuŋ fîŋ ɨgun tɨ̀nîn ə bɔ̀ŋ chè mbe nɨ tɨ̀ nyaʼa be nùŋ fîŋ ɨgun. Tɨ̀ wɨə che ənjìm ɨnû mbe tindɨ ɨban ə Ŋwiə̀.

Mə̀Hibrù 9:23

Zɨə nyaʼa kùʼ ni mbɨ zeŋnɨ ɨmɨg rɨ ənɨ ɨghɨ mbe nɨ yeʼ ɨkaŋ ənɨ ɨghɨ ə̀fà mbɔ̂, àyɨə ɨghɨ mbe nɨ yeʼ ɨkaŋ mbɨə kə̀b yeʼ ɨghɨ ə̀fà mbe nɨ bɔŋ chè mbɔ̂.

Mə̀Hibrù 5:9

Ənɨ Ŋwiə̀ nyaʼa fə ghɨ̌ wɨ̀ bɔ̀ŋ màànɨ̀, wɨ̀ nyaʼa bèŋ sɨə ghɨ̀ə̀ ni bə̂d mɨjìm mbe nɨə zuunɨ əməd jwɨ̀ rəŋgəʼ koŋ.

Mə̀Hibrù 7:22

Ɨchî nɨ Ŋwìə̀ nyaʼa kan əne, Yeso fə ghɨ̀ ni tɨ̀ berɨ fɨso fe nɨ bɔŋɨ chè.

Mə̀Hibrù 11:16

Mbɨ nyaʼa kə̀b yeʼ əbeŋ ze nɨ bɔŋɨ chè əze, əne yɨ əbeŋ ze nɨ yeʼ ɨkaŋ. Chəi ətu ə nìd əmbɨ ə Ŋwiə̀ ənɨ mbɨ tɔŋ əməd ni wɨ̀ yɨə Ŋwìə̀ mɨ̀mə̌d. Chəi zɨə nìd ɨmbə̀ʼ ɨghəm nɨ wɨ̀ fə tekɨ əsɨ əmbɨ mɨ̀mə̌d.