Lk 10:3 - Meta’

³ Mbə̀ wo ə, àyɨə mbə̀ zə ni, mə wɨə chà əwən ɨsɨg ɨghabɨ ə bɔn njɨ̀g əkaʼ ɨfɔn.

Ikan feg

³ Mbə̀ gho! Ane, mbə̀ kyeri gha mə ya anìŋ chà awən icheg bɔn njə̀g inga ìsàn ìfɔn.

Lk 10:3 Eitobir Enkop

Matìyò 10:16

“Mbə̀ zə, mə wɨə chà əwən ɨsɨg ɨghabɨ ə njɨ̀g əkaʼ ɨfɔ̂n. Mbə̀ we ɨghabɨ jɔ, bə̀ bɔtɨ ɨghabɨ mbɨ̀rə̀bəŋə.

Ɨ̀fàʼì 20:29

Mə kyerɨ ni mə̀ mɨ nɔ̀ʼ, bə̂d nɨ yeʼ ɨghabɨ ɨfɔn tɔtɔ bɨrɨ yeʼe əkaʼ nən, kəb nimnɨ ɨfetɨ bə̂d Ŋwiə̀.

Jn 16:2

Bə̂d bɨrɨ fid əwən rɨŋga nəb tɨ ə̀kàtɨ̀. À yɨ rəsìʼ ni nyùmə̀ wɨə yeʼe nɨ wə̀d mɔʼɔ we nɨ zwiirɨ əwən bɨrɨ kɔndɨ ni tə wɨə ghɨ̀ə̀ yeʼ ənû ze nɨ Ŋwìə̀ gha ɨ bɔ.

Jn 15:20

Mbə̀ kɔndɨ ɨŋgam we nɨ mə̀ nyaʼa gha ɨ nən ni, 'Chəi wə̀d ə̀fàʼì dabə chè i mbǎʼ ə̀fàʼì.' À mɨ yeʼ nɨ mbɨ nyaʼa nwendɨ tum rɨkyerɨ-ɨwu, njɨ mbɨ bɨrɨ bɨ nwendɨ tən. À mɨ yeʼ nɨ mbɨ nyaʼa zu mɨ ɨŋgam, njɨ mbɨ bɨrɨ bɨ zu wən.

Matìyò 10:22

Bə̂d mɨ̀jìm bɨrɨ ban əwən ɨmbə̀ʼ əmɨ, àyɨə wə̀d we nɨ nyiʼi wò pè ənɨ ɨnwǐ, Ŋwìə̀ bɨrɨ chɨ əməd rəŋgəʼ.

Matìyò 7:15

“Mbə̀ we əwən mbɨ ə bə̂d ɨ̀kə̀n mɨghab. Ɨ mbɨə yeʼe əsɨ nən ɨŋga gôb rɨ njɨ̀g, àyɨə ɨŋga fîŋ tɨ mɨ̀mə̌d mbɨ yɨ ɨghabɨ ɨfɔn nɨ njì tɨə zaŋə.

Ɨ̀fàʼì 9:2

pè ghà ɨ bɔ ni wɨ̀ ŋwaʼnɨ ɨ̀ŋwàʼnɨ̀ nɨ toʼrɨ əwi əmbɨ ə bə̂d mbe rɨŋga nəb tɨ ə̀kàtɨ̀ te rɨ ə Dàmaskɔ̀s, ɨmbə̀ʼ tə mɨ zə bə̂d mɔʼɔ əŋgu nɨə beenɨ əbɔʼ Ɨnə̂njɨ̀ we nɨ Yeso nyaʼə chwiə, kɨ̀ à kɨ ə mbaŋə̀ kɨ̀ à kɨ məyi, tə we tɨ̀ rə gywɨ̀ mɨ̀mə̌d kod nɨŋ yeʼe ə Jèrusalèm.

Jn 10:12

Ka wə̀d we nɨ mbɨ nɨŋ ənɨ ə̀fàʼì yɨ i ənə̂ŋgɨ̀-njɨ̀g we nɨ berɨ njɨ̀g te. Wɨ̀ mɨ zə ənɨ əfɔn ə yeʼe, wɨ̀ bɨrɨ saŋ njɨ̀g te nòd i. Wɨ̀ nɨə norə, əfɔn ze ə bɨrɨ yeʼe gywɨ̀ njɨ̀g rɨ mɔʼɔ, jàŋ ə̀bùʼù.

Ɨ̀fàʼì 9:16

Mə bɨrɨ chwi ŋgəʼ jìm ze nɨ wɨ̀ berɨ zə ɨmbə̀ʼ əmɨ ɨ bɔ.”

Lk 10:4

Tɨ mbə̀ beʼ ə fɨ̀tàgɨ, kɨ̀ ə̀bàmɨ̀, kɨ̀ ɨtabɨ. Tɨ mbə̀ chaʼrɨ ə wə̀d mɔʼɔ ɨnə̂njɨ̀.