Jn 18:4 - Meta’

⁴ Yeso nyaʼa kyerɨ ɨnû jìm mbe nɨ bɨrɨ ghɨ̀ ənɨ ə ni, əne wɨ̀ nyaʼa wò ɨmbì pè biirɨ əmbɨ mɨ̀mə̌d ni, “Mbə kɨə kə̀b əwe ə?”

Ikan feg

⁴ Yeso ya kyeri inug ijìm ne mbi biri ghì ibo. Ane, wì ya du ghò bìri inɔb gha, “Mbə̀ kə kə̀bə̀ we?”

Jn 18:4 Eitobir Enkop

Jn 13:1

À nyaʼa əni ze nɨ nyaʼə nàʼ əmbɨ əni Əchwɨ̂ ə Che-ɨgun, Yeso nyaʼa kyerɨ ni nyùmə̀ nyaʼa fə kùʼ ɨ bɔ nɨ saŋ ɨsɨg wɔ̂ wò əsɨ i Mbǎʼ. Ɨchî nɨ wɨ̀ nyaʼa ghaʼ bə̂d mbe rɨŋga ɨsɨg wɔ̂ nɨ nyaʼa mbi, wɨ̀ nyaʼa ghaʼ əne wò pè ənɨ ɨnwǐ.

Jn 18:7

Yeso nyaʼa yi biirɨ əmbɨ mɨ̀mə̌d ni, “Mbə kɨə kə̀b əwe ə?” Mbɨ nyaʼa wììrɨ̀ ni, “Tɨ̀ wɨə kə̀b ə Yeso we rɨ ə Nazàret.”

Ɨ̀fàʼì 2:28

À fə ghɨ̀ mə kyerɨ mɨnə̂njɨ̀ ɨ̀tènɨ̀. À bɨrɨ ghɨ̀ ni mɨ fîŋ swi mbɨ ɨghaʼi əwù ze nɨ à chubɨ mbɨ num.

Jn 19:28

Yeso nyaʼa kyerɨ ni ɨnû jìm fə mì i, əne ɨ ghɨ ni ənû ze nɨ mbɨ nyaʼa ŋwaʼnɨ ɨŋga Ə̀ŋwàʼnɨ̀ ə Ŋwiə̀ ə jwɨ ənɨ rəsìʼ, wɨ̀ nyaʼa ghà ni, “Ədɔʼ ə zɨə ne əmɨ.”

Jn 13:11

Wɨ̀ nyaʼa ghà əne ɨmbə̀ʼ ɨghəm nɨ wɨ̀ nyaʼa kyerɨ wə̀d we nɨ nyaʼa bɨrɨ fen əməd. À yɨ əton nɨ wɨ̀ nyaʼa gha ni, “Chəi mbə̀n mɨjìm zeŋɨ.”

Jn 6:64

Àyɨə chəi bə̂d mɔʼɔ rəbɔʼ nən kɨrɨ benɨ.” Yeso nyaʼa ghà əne ɨmbə̀ʼ ɨghəm nɨ wɨ̀ nyaʼa fə bè kyerɨ bə̂d mbe nɨ chəi mbɨ bɨrɨ benɨ. Wɨ̀ nyaʼa fə bə̀ kyerɨ wə̀d we nɨ bɨrɨ fen əməd.

Lk 24:44

Wɨ̀ nyaʼa ghɨ̀ əne ghà əmbɨ mɨ̀mə̌d ni, “Mbɔ̂ yɨ ɨnû mbe nɨ mə̀ nyaʼə ghà ɨ nən ənɨ mə nyaʼa kɨrɨ mbɨ nən. Mə nyaʼa ghà ni ɨnû jìm mbe nɨ mbɨ ŋwàʼnɨ̀ ɨmbə̀ʼ əmɨ ɨŋga tɨkə rɨ Mose, ɨŋga ɨ̀ŋwàʼnɨ̀ mbe nɨ bə̂d ɨ̀kə̀n Ŋwiə̀ nyaʼa ŋwaʼnɨ bə̀ fɔrɨ ɨŋga mɨ̀Sâm berɨ jwɨ ənɨ rəsìʼ.”

Matìyò 26:31

Ənɨ Yeso mbɨ mbi mə̀mə̀ə̀nɨ̀-ɨnû nyaʼa pè ɨkaŋ Ɨwum mɨ̀Olìf we, wɨ̀ nyaʼa ghà əmbɨ mɨ̀mə̌d ni, “Mbə bɨrɨ norə əwən sàŋ əmɨ ɨzimɨ wɔ̂. Ə zɨ ɨŋga Ə̀ŋwàʼnɨ̀ ə Ŋwiə̀ ni, 'Mə bɨrɨ zwiirɨ ənə̂ŋgɨ̀-njɨ̀g, əne ɨnɔ̂n njɨ̀g we bɨrɨ jàŋə̀.'

Matìyò 26:21

Ənɨ mbɨ nyaʼə jɨgə, wɨ̀ nyaʼa ghà ni, “Mə ghà rəsìʼ ɨ nən ni wə̀d mɔʼɔ rəbɔʼ nən bɨrɨ fen əmɨ.”

Matìyò 26:2

“Mbə̀ fə kyerɨ ə ni à sɨ bùʼ ɨni be mbɨ jɨg Əchwɨ̂ ə Che-ɨgun, əne mbɨ bɨrɨ yim Wan Wə̀d nàʼ ni mbɨ kombɨ əzed ə baʼnɨ.”

Matìyò 16:21

Ɨ kɔ rɨ ənɨ ə nyùmə̀ we, Yeso nyaʼa kɔ ghǎ əmbɨ mbi mə̀mə̀ə̀nɨ̀-ɨnû ni tə berɨ wò ə Jèrusalèm pè jeŋgɨ zə ŋgəʼ ɨŋga rɨkyerɨ-ɨbɔ bə̂d kyeŋ mbe rɨŋga əbeŋ, ɨŋga rɨkyerɨ-ɨbɔ bə̂d kyeŋ mbe rɨ ə mbàn Ŋwìə̀ bə̀ fɔrɨ ɨŋga rɨkyerɨ-ɨbɔ məchwiə̀ rɨ̀kə̌. Mbɨ bɨrɨ zwiirɨ əməd. À sɨ ɨgwɨ ɨni tad, Ŋwìə̀ zwemnɨ əməd.

1 Pità 4:1

Kristo nyaʼa zə ŋgəʼ ənɨ mbɨ nyaʼa kombɨ əməd, əne mbə berɨ bɨ berɨ tɨkwɨ rɨkɔndɨ te nɨ wɨ̀ nyaʼa berɨ, ɨmbə̀ʼ ɨghəm nɨ chəi wə̀d mɔʼɔ we nɨ fə zə ŋgəʼ bɨrɨ wɨrɨ berɨ ənû nɨ ghɨ̀ mbɨ ɨnû rɨbɔ̀ŋ.

Jn 18:5

Mbɨ nyaʼa wììrɨ̀ ɨ bɔ ni, “Tɨ̀ wɨə kə̀b ə Yeso we rɨ ə Nazàret.” Yeso nyaʼa ghà əmbɨ mɨ̀mə̌d ni, “À yɨə mɔ̌ wɔ̂.” Judàs we nɨ nyaʼa fen əməd nyaʼa bə̀ təm əŋgu mbɨ mɨ̀mə̌d.