Jn 18:13 - Meta’

¹³ Mbɨ nyaʼa bè nɨŋ əməd wò əsɨ Anas. Anas yɨə nyaʼə ɨchɨ Kaifàs nɨ nyaʼə ətu ɨgwɨ ə bə̂d mbàn Ŋwìə̀ əghəm əwù ze.

Ikan feg

¹³ Mbi ya bì niŋ aməd ghò abə Anàs. Anàs ya yaʼ ichi ìwi Kayifàs we ne ya yaʼ atog wə̀d igun bəd mbàn Ŋwiye inga fituʼ fe.

Jn 18:13 Eitobir Enkop

Jn 18:24

Anas nyaʼa ghɨ̀ əne kod əməd chà əsɨ Kaifàs nɨ nyaʼə ətu ɨgwɨ ə bə̂d mbàn Ŋwìə̀.

Jn 11:51

Chəi wɨ̀ nyaʼa ghà ənû zɔ̂ ənɨ i ɨghəm, àyɨə ɨchî nɨ wɨ̀ yɨə nyaʼə ətu ɨgwɨ ə bə̂d mbàn Ŋwìə̀ əghəm əwù ze, wɨ̀ nyaʼa gham ɨghabɨ ə wə̀d ɨ̀kə̀n Ŋwìə̀ ni Yeso bɨrɨ kwɨ ɨgwɨ ətu əbeŋ mɨ̀Jû.

Lk 3:2

Anas mbɨ Kaifàs yɨə nyaʼə ɨtu ɨgwɨ ə bə̂d mbàn Ŋwìə̀, Ŋwìə̀ nyaʼa chà ɨkə̂n əmbɨ Jɔ̌n we nɨ nyaʼə wan Zèkàriyà ənɨ wɨ̀ nyaʼa ɨŋga ɨbad rɨkwàʼi.

Matìyò 26:57

Bə̂d mbe nɨ nyaʼa yim ə Yeso nyaʼa nɨŋ əməd wò əkwɨ Kaifàs, əsɨ nɨ məchwiə̀ rɨ̀kə̌ mbɨ ə bə̂d kyeŋ mbe rɨŋga əbeŋ nyaʼa fə naanɨ əŋgu. Kaifàs yɨə nyaʼə ətu ɨgwɨ ə bə̂d mbàn Ŋwìə̀.

Matìyò 26:3

À nyaʼa ənɨ ə nyùmə̀ we, bə̂d kyeŋ mbe rɨ ə mbàn Ŋwìə̀ mbɨ ə bə̂d kyeŋ mbe rɨŋga əbeŋ nyaʼa wò nàànɨ̀ ɨŋga tɔʼ Kaifàs, nɨ nyaʼa ətu ɨgwɨ ə bə̂d mbàn Ŋwìə̀.

Ɨ̀fàʼì 4:6

Mbɨ nyaʼa fetɨ əne mbɨ Anas nɨ nyaʼa ətu ɨgwɨ ə bə̂d mbàn Ŋwìə̀. Kaifàs, mbɨ Jɔ̌n, mbɨ Àlèzandà, mbɨ ə mbaŋə̀ rɨjìm te nɨ nyaʼa rɨŋga ɨnəbɨ ətu ɨgwɨ ə bə̂d mbàn Ŋwìə̀ mbɨə nyaʼa bə̀ əŋgu.

Jn 11:49

Ənɨ mbɨ nyaʼa ghà əne, wɨ mɔʼɔ rəbɔʼ mɨ̀mə̌d, nɨ ɨkum məd nyaʼə Kaifàs, nɨ nyaʼa ətu ɨgwɨ ə bə̂d mbàn Ŋwìə̀ əghəm əwù ze, nyaʼa ghà əmbɨ mɨ̀mə̌d ni, “Mbə̀ yɨə kàŋ ɨneŋ!

Jn 18:28

Ɨtuʼ nyaʼa mɨ chɨg i chɨg ɨ, bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa nɨŋ ə Yeso rɨ əkwɨ Kaifàs wò mbɨ məd ə tɔʼ gɔmnà. Chəi mbɨ nyaʼa nyɨ ɨŋga tɔʼ ze, ɨmbə̀ʼ ɨghəm nɨ mbɨ nyaʼa kəb chub ɨzeŋɨ zeŋɨ ɨmbə̀ʼ jɨg Əchwɨ̂ ə Che-ɨgun.

Jn 19:11

Yeso nyaʼa wììrɨ̀ ɨ bɔ ni, “À berɨ ɨka ɨgwɨ num àmei ɨmbə̀ʼ ɨghəm nɨ à yɨə Ŋwìə̀ naʼ ɨka we ɨ ne. Əne wə̀d we nɨ naʼ əmɨ ɨ ne fə ghɨ̀ ənû rɨbɔ̀ŋ ze nɨ bə̌ chè.”