2 Tès 1:12 - Meta’

¹² Tɨ̀ wɨə kɔ̀ŋgɨ̀ ə Ŋwiə̀ ni bə̂d wumnɨ Ə̀nùŋɨ̀sɨg Yeso ɨmbə̀ʼ əwən. Tɨ̀ wɨə bə̀ kɔ̀ŋgɨ̀ə̀ ni bə̂d bə wumnɨ əwən. Ənû zɔ̂ ə bɨrɨ ghɨ̀ ɨmbə̀ʼ ɨghəm nɨ a Ŋwiə̀ mbɨ Ə̀nùŋɨ̀sɨg Yeso Kristo mbɨə ghɨ̀ ɨ̀chɔ̀m ənɨ ə nən.

Ikan feg

¹² Tì ya chàʼrà Ŋwiye ane ni ghì gha bəd ya ghùmnə Anɔŋisəg Yeso imbə̀ʼ awən, bə̀ ghùmnə awən imbə̀ʼ ìchɔ̀mì we ne Ŋwiye tì Anɔŋisəg Yeso Kristo ghi inən.

2 Tès 1:12 Eitobir Enkop

2 Tès 1:10

Ɨgwɨ əni ze nɨ wɨ̀ bɨrɨ yeʼe, bə̂d məd bɨrɨ yiirɨ, bə̂d mɨjìm mbe nɨ ben əməd bə̀ nàʼ ɨwumnɨ ɨ bɔ. Mbə̀n bə bɨrɨ yeʼ əbɔʼ mɨ̀mə̌d, ɨmbə̀ʼ ɨghəm nɨ mbə̀ ben ənû ze nɨ tɨ̀ nyaʼə ghà ɨ nən.

1 Pità 4:14

Bə̂d mɨ yeʼə zɔ̀m əwən ɨmbə̀ʼ ɨchî nɨ mbə̀ ben ə Kristo, Ŋwìə̀ bɨrɨ zɨ əbɔrəbɔd ɨgwɨ nən. Əne yɨ ni Əzwî ə Zeŋɨ ze nɨ yeʼ Əzwî ə Ŋwiə̀ ə fə sɨ i ɨgwɨ nən.

Jn 17:10

Bə̂d mɨ̀jìm mbe nɨ mə̀ berɨ yɨ mbe. Bə̂d mɨ̀jìm mbe nɨ à berɨ yɨ mbum. Bə̂d fə chè ənjìm mɨ̀mə̌d wumnɨ əmɨ.

2 Kɔrèn 13:4

Mbɨ nyaʼa kombɨ əməd əzed ə baʼnɨ ənɨ ə nyùmə̀ we nɨ wɨ̀ nyaʼa bɔrɨ, àyɨə ɨ wɨ ɨkǎ ənɨ ɨka Ŋwiə̀. Ɨchî nɨ tɨ̀ yeʼ ənɨ ɨfɔtɨ mbɨ məd, tɨ̀ bə̀ bɔd, àyɨə ɨchî nɨ tɨə fàʼ ɨ nən, tɨ̀ bɨrɨ chubɨ mbɨ məd ənjìm ɨka Ŋwiə̀.

Ɨnû 1:4

À yɨə mɔ̌ Jɔ̌n ŋwaʼnɨ ə̀ŋwàʼnɨ̀ zɔ̂ əmbɨ rɨfetɨ bə̂d Kristo te sambe nɨ yeʼ əbà əbeŋ ze rɨ ə Esià. Məd we nɨ yeʼ rɨ̀nîn, nɨ nyaʼa bei əŋgu, nɨ bɨrɨ wɨrɨ yeʼe, ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən. Ɨzwî mbe sambe nɨ yeʼ ɨfě ətən ɨfɔ̀n əməd bə ghɨ̀ ɨ̀chɔ̀m ənɨ ə nən bə̀ nàʼ əbɔrəbɔd ɨ nən.

2 Kɔrèn 8:9

Mbə kyerɨ ɨ̀chɔ̀m we nɨ Ə̀nùŋɨ̀sɨg Yeso Kristo nyaʼa ghɨ̌, nɨ ka à bè yeʼi ni wɨ̀ nyaʼa berɨ mbɔ̂n, àyɨə wɨ̀ nyaʼa bèŋ ənɨ wə̀d ɨkwaŋ ɨmbə̀ʼ əwən, ɨmbə̀ʼ ənjìm ɨchî nɨ wɨ̀ kwaŋɨ, mbə mbe tɨ̀ mbə berɨ mbɔ̂n.

1 Kɔrèn 1:4

Mə wɨə nàʼə̀ məben-əwe əmbɨ ə Ŋwiə̀ ɨghəm jìm ɨmbə̀ʼ ɨ̀chɔ̀m we nɨ wɨ̀ che ənjìm ə Kristo Yeso ghɨ̀ ənɨ ə nən.

Fìlipì 3:9

əne fɔtɨ sɨ ənû ə mɔʼ mbɨ məd. Chəi mə̀ təm kùʼnɨ̀ ɨmbə̀ʼ ɨghəm nɨ mɨə ghɨ̀ ɨnû mbe nɨ yeʼ ɨŋga rɨkə. Mə təm kuʼnɨ ənjìm ɨchî nɨ mə̀ nuŋ fîŋ ɨgun ə Kristo. Ŋwìə̀ fə ghɨ̀ ni mə təm kùʼnɨ̀ ənjìm ɨchî nɨ mə̀ nuŋ fîŋ ɨgun ə Kristo.

Rm 1:7

Mə wɨə ŋwàʼnɨ̀ əmbɨ ə bə̂d mɨjìm mbe nɨ yeʼ ə Rom. Ŋwìə̀ ə ghaʼ əwən kwàʼ rɨŋgəʼ, əne wɨ̀ fə tɔŋ əwən ni mbɨ yeʼ mbi bə̂d. Ŋwìə̀ a Mbǎʼ mbɨ Ə̀nùŋɨ̀sɨg Yeso Kristo ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən.

Tayitùs 2:11

Ŋwìə̀ nyaʼa ghɨ̀ ni bə̂d kyerɨ ɨ̀chɔ̀m məd, ɨmbə̀ʼ wɨ̀ chɨ mɨ̀mə̌d mɨjìm rəŋgəʼ.