زَبور 119:158 - هُدائے پاکێن کتاب، بلۆچی زبانا

¹⁵⁸ بێوَپایانی نێمگا چاران و منا چه اِشان نپرتَ بیت، که تئیی رهبندانی رَندگیریا نکننت.

زَبور 119:158 Eitobir Enkop

زَبور 139:21

او هُداوند! من چه آیان سَک بێزار آن که چه تئو نپرتَ کننت و چه آیان وتا دورَ داران که تئیی هلاپا جاهَ جننت.

زَبور 119:53

بدکارانی سئوَبا هِژمناکَ بان، همایانی سئوَبا که تئیی شَریَتِش یله داتگ.

زَبور 119:136

چه منی چمّان اَرسئے کئورَ تچنت که تئیی شَریَتئے رَندگیری کنگَ نبیت.

مَرکاس 3:5

ایسّایا په زَهر چارتنت، چێا که چه آیانی سِنگدلیا سکّ پَدَرد بوت. گۆن آ مردا گوَشتی: ”دستا شهار دئے!“ آییا دست شهار دات و دستی وشّ و دْراه بوت.