زَبور 109:23 - هُدائے پاکێن کتاب، بلۆچی زبانا

²³ من چۆ بێگاهی ساهگێا گارَ بان، چۆ مَدَگێا چَنڈَگَ بان.

زَبور 109:23 Eitobir Enkop

دَرگوَز 10:19

هُداوندا گواتئے دێم تَرّێنت و سکّێن تْرندێن رۆنِندی گواتے کرت. گواتا مَدَگ برت و سُهرزِرا دئور داتنت. سجّهێن مِسرا یکّ دانَگے مَدَگ هم پَشت نکپت.

آکوب 4:14

شما همینچُک هم نزانێت که باندا چے بیت. شمئے زِند چیّے؟ شما باپ و هُرمئے پئیما اێت که دمانُکێا گِندگَ بیت و پدا گارَ بیت.

زَبور 144:4

انسانئے زِند چۆ دَمکَشّێا اِنت و رۆچی چۆ گوَزۆکێن ساهگێا.

دَرگوَز 10:13

موسّایا وتی اَسا مِسرئے مُلکئے سرا شهار دات. چه هُداوندئے هُکما آ سجّهێن رۆچا و سجّهێن شپا مُلکا رۆدراتکی گواتێا سر کرت. تان سُهبا گواتا مُلک چه مَدَگا پُرّ کرتگ‌اَت.

زَبور 102:12

بله تئو، او هُداوند، تان اَبد وتی بادشاهی تهتا نِشتگئے و تئیی نام نَسلانی نَسل برجاه اِنت.