لوکا 2:21 - هُدائے پاکێن کتاب، بلۆچی زبانا

²¹ هشتمی رۆچا، وهدے نُنُّکئے سُنّت کنگئے وهد آتک، آییئے نامِش ایسّا پِر بست، هما نام که ماتئے لاپا کپگا پێسر، پرێشتگا پِر کرتگ‌اَت.

لوکا 2:21 Eitobir Enkop

لوکا 1:59

وهدے نُنُّکا هَشت رۆچ بوت، په آییئے سُنّت کنگا آتکنت. آیان نُنُّکئے نام پتئے نامئے سرا، زَکَریا پِر بندگی اَت.

لوکا 1:31

نون تئو په چُکّا اُمێتوارَ بئے و ترا مردێن‌چُکّے بیت، که باید اِنت آییئے ناما ایسّا بکنئے.

پێدایش 17:12

آیۆکێن نَسل و پَدرێچانی تها، شمئے نیاما هَمُک هَشت رۆچیگێن مردێن‌چُکّ باید اِنت سُنّت کنگ ببیت، تهنا شمئے جندئے لۆگئے چُکّ نه، هما زَرهریدێن گُلام‌چُکّ هم که شمئے نَسل و پَدرێچ نه‌اَنت و شما چه ڈنّی مردمان په بها زُرتگ‌اَنت، آ هم سُنّت کنگ ببنت.

په پیلیپیان پولُسئے کاگد 2:8

جِندی که انسانئے شِکلا اَت، وتا بێکِبر و دربێشی کرت و تان مَرکا پرمانبردار اَت، تان سَلیبئے سرئے مَرکا هم.

مَتّا 3:15

ایسّایا گوَشت: ”انّون بِلّ که اَنچُش ببیت، اے پئیما هُدائے رَزایا سَرجمَ کنێن.“ گڑا آییا مَنِّت و ایسّایی پاکشۆدی دات.

مَتّا 1:25

بله تان آ وهدا که چُکّ پێدا نبوتگ‌اَت، گۆن آییا وپت و وابی نکرت و چُکّئے نامی ایسّا پِر بست.

مَتّا 1:21

آ، مردێن‌چُکّێئے سرا چِلّگَ بیت و آییئے ناما ایسّا بکن، چێا که آ وتی کئوما چه آیانی گناهانَ رَکّێنیت.“