دَرگوَز 19:2 - هُدائے پاکێن کتاب، بلۆچی زبانا

² چه رِپیدیما راه گپتنت و سینائے گیابانا، کۆهئے دامُنا اُردِش کرت.

دَرگوَز 19:2 Eitobir Enkop

دَرگوَز 17:1

هما پئیما که هُداوندا هُکم داتگ‌اَت، سجّهێن اِسراییلی مهلوک چه سینئے گیابانا رهادگ بوت و داران و رئوانا شت و رِپیدیما اُردی کرت، بله اۆدا آپ نێست‌اَت که مردم بوَرنت.

دَرگوَز 3:1

موسّا وتی ناکۆ، میدیانئے دینی پێشوا یَترونئے رمگا چارێنگا اَت. رمگی زرت و گیابانئے آ دستا، هۆرێبا، بزان هُدائے کۆها شُت.

دَرگوَز 3:12

هُدایا گوَشت: ”من گۆن تئو گۆنَ بان. تئو که کئوما زورئے و چه مِسرا درَ کائے، شما همے کۆها هُدائے پرستشا کنێت. و اے یکّ نِشانیے بیت که تئیی راه دئیۆک من آن.“

دَرگوَز 18:5

موسّائے ناکۆ یَترون گۆن موسّائے جَن و چُکّان گیابانا، هُدائے کۆها شت، همۆدا که موسّایا اُرد کرتگ‌اَت.

دَرگوَز 17:8

اَمالیکی آتکنت و رِپیدیما گۆن اِسراییلیان جنْگِش کرت.

په گَلاتیان پولُسئے کاگد 4:24

اے گپّ مسال اَنت، چێا که اے دوێن جنێن دو اَهد و پئیمانئے نمونه اَنت. یکّ اَهد و پئیمانے چه سینائے کۆها کئیت و گُلامێن چُکّ پێدا کنت. اے هاجِر اِنت.

کاسِدانی کار 7:38

اے هما موسّا اَت که گۆن پرێشتگا هۆر، مئے پت و پیرُکانی مُچّیا گیابانا گۆن اَت. پرێشتگا سینائے کۆهئے سرا گۆن آییا تْران کرت و موسّایا همۆدا هُدائے زِند بَکشۆکێن هبر گپتنت تان آیان په ما سر بکنت.

کاسِدانی کار 7:30

چِلّ سالا رَند، سینائے کۆهئے گیابانا، پرێشتگے بُن گپتگێن ڈۆلُکێئے آسئے شهمانی تها په موسّایا پَدّر بوت.