دانیال 8:10 - هُدائے پاکێن کتاب، بلۆچی زبانا

¹⁰ اے آسمانی لشکرئے نێمگا رُست و لشکرئے بَهرے و لهتێن اِستاری زمینا دئور دات و پادمال کرت.

دانیال 8:10 Eitobir Enkop

اِلهام 12:4

اژدیائے لِٹّکا آسمانئے اِستارانی سئےیکّ رُپت و زمینا دئور دات. جنێن که چُکّا کپگی اَت، اژدیا، جنێنئے دێما اۆشتاتگ‌اَت تان اَنچۆ که آییئے چُکّ پێدا بیت، هما دمانا چُکّا بوارت.

دانیال 8:7

من دیست که آ، دێم په گوَرانڈا پێداک اِنت. سکّ هِژم گپتگ. پاچِنا گوَرانڈ جَت و دوێن کانٹی پرۆشتنت. گوَرانڈا آییئے دێما هچّ زۆر مان نێست‌اَت. زمینئے سرا دئوری دات و پادمالی کرت. کسّ نێست‌اَت که گوَرانڈا چه آییئے زۆرا برَکّێنیت.

دانیال 7:7

اِشیا پد، من اَنگت شپئے اِلهام و شُبێنان گِندَگا اَتان و چارمی جانوَرُن دیست. اے تُرسناک، هئیبتناک و سکّ زۆرمند اَت. اِشیا دراجێن آسنێن دنتان پِر اَت. وتی شکاری پرۆشت و اێر بُرت و سَرارۆکی پادانی چێرا لپاشتنت. چه آ پێسریگێن سجّهێن جانوَران جتا اَت و دَه کانٹی پِر اَت.

دانیال 11:28

شمالئے بادشاه گۆن مزنێن مال و دئولتێا وتی مُلکا پرَ ترّیت بله دلی پاکێن اَهد و کَرارئے هلاپا بیت. اے وتی کارا کنت و مُلکا واترَّ بیت.

دانیال 11:30

چێا که کیتّیمئے لانچ آییئے دژمنیا کاینت. پمێشکا آ دلپرۆشَ بیت و واترَّ کنت و پاکێن اَهد و کَرارئے دژمنیا هژمَ گیپت. پِرَ تَرّیت و په همایان مهربانَ بیت که پاکێن اَهد و کَرارا نمَنّنت.