دانیال 7:3 - هُدائے پاکێن کتاب، بلۆچی زبانا

³ پدا چار بلاهێن جانوَر چه دریایا در آتک. هر یکّێئے درۆشُم چه اے دگران جتا اَت.

دانیال 7:3 Eitobir Enkop

اِلهام 13:1

گڑا من دیست که چه دریایا رسترے چست بئیگا اَت. ده کانٹ و هپت سَرَگی پِر اَت. کانٹانی سرا ده تاج اَتنت و آییئے هر سرگئے سرا کُپری نام پِر اَت.

دانیال 7:17

’اے چارێن بلاهێن جانوَر، دنیائے چار بادشاه اَنت که چستَ بنت.

زَبور 76:4

تئو دْرپشان ائے و شئوکت و شانِت، چه آ کۆهِستگان زێباتر اِنت که شکارا پُرّ اَنت.

اِلهام 17:8

آ رستر که تئو دیست، یکّ وهدێا هست‌اَت، نون نێست‌اِنت بله چه جُهلێن تَهتَرونا در آیگی اِنت و بربادیئے نێمگا رئوت. زمینا نِشتگێن هما مردم که چه جهانئے جۆڑ بئیگئے وهدا آیانی نام ’زِندئے کتابا‘ نبشته نه‌اِنت، اے رسترا که گِندنت هئیرانَ بنت، چێا که اے رستر یکّ وهدے هست‌اَت و نون نێست‌اِنت بله پدا آیگی اِنت.