کاسِدانی کار 26:14 - هُدائے پاکێن کتاب، بلۆچی زبانا

¹⁴ ما سجّهێن زمینا کپتێن، تئوارے اِشکتُن که اِبرانی زبانا منا گوَشگا اَت: ’شاوول، او شاوول! تئو چێا منا آزارَ دئیئے؟ تئو هما کاییگرێن گۆکئے پئیما ائے که شَتئے توسْک و تێزێن سُجّا لگتَ جنت و وتا تاوانَ دنت.‘

کاسِدانی کار 26:14 Eitobir Enkop

کاسِدانی کار 21:40

لشکرئے مسترا مَنِّت، پولُس آتک و کلاتئے پَدانکانی سرا اۆشتات و گۆن دستئے سُرێنگا مردمی بێتئوار کرتنت. وهدے مردم بے تْرِکّ و تئوار بوتنت، گڑا پولُسا گۆن آیان اِبرانی زبانا هبر کرت و گوَشتی:

کاسِدانی کار 22:2

وهدے مردمان دیست که آ اِبرانی زبانا گۆن آیان هبر کنگا اِنت، گێشتر بێتئوار بوتنت. آییا گوَشت:

کاسِدانی کار 9:7

شاوولئے همراه بێتئوار و مامانگ بوتنت. آیان اے تئوار اِشکت بله هچکَسِش ندیست.

کاسِدانی کار 26:13

او شرپدارێن بادشاه! نێمرۆچا همے راها، اَناگت آسمانا چه رۆچا رُژناترێن شَهمے دیستُن. هما رُژن منیگ و منی همراهانی چارێن نێمگان دْرپشِت.

کاسِدانی کار 26:15

من جُست کرت: ’او واجه! تئو کئے ائے؟‘ هُداوندا پَسّئو دات: ’من ایسّا آن، هما که تئو آییا آزارَ دئیئے.