Mateo 11:17 - Porciones del Nuevo Testamento

¹⁷ mawũãbada: Daiba chiruta zabʉdadꞌera marã bairadꞌa ẽbasia, dai miã sopua trʉ̃ãbʉdadꞌera marã jẽgadꞌa ẽbasia.

Mateo 11:17 Eitobir Enkop

Mateo 9:15

Mawũãnaĩ Jesúsbara mawũãsia: ¿Zhãrã juwua jida nʉmʉne kꞌobꞌera sopuadꞌaidꞌe bꞌʉka zhũmakĩrãta wadꞌi kꞌobꞌʉdꞌera ãzhi bawara? Mawũãmina ewarita zeya zhũmakĩrã ãzhi maẽbara ededꞌaita, maʉ̃nebʉrʉ nekꞌo ẽã zhiwidꞌi bꞌeaya. (Aramaʉ̃ kĩrãkꞌa mʉta edebʉdadꞌebʉrʉ mʉã jʉrʉkuadꞌara nekꞌo ẽã zhiwidꞌi bꞌeaya.)

Mateo 9:23

Judío zhi zroma dedꞌa Jesús edꞌa wãbʉrʉdꞌera ũdusia beuwãrã joubʉdadꞌe flauta zabadata aubꞌari jẽgabada bawara.

Lucas 15:25

Maʉ̃nerã warra nabema meã traja nʉmasia. Jẽrũya zebʉrʉdꞌe de kꞌaita babʉrʉdꞌe ũrĩsia ne za barabꞌʉta, danza barabꞌʉta.

Mateo 11:16

Zhãrã idꞌi ewadebema ¿mʉã kꞌãrẽ ũme abꞌarika jaraipe? Warrarã pʉwʉrʉdꞌe jẽmene jewedꞌabada kĩrãkꞌa bꞌea, ãzhi kꞌopaeroa nemi jĩgua,

Mateo 11:18

Aramaʉ̃ kĩrãkꞌa bꞌeta Juan zedꞌara nekꞌo ẽã vino do ẽã bꞌʉ baera jaita erubꞌʉa abꞌea.

Lucas 7:32

Pʉwʉrʉdꞌe warrarã jẽmene jewedꞌabada kĩrãkꞌa bꞌea, ãzhirãĩnu nemi jĩgua mawũãbada: Daiba chiruta zabʉdadꞌera marã bairadꞌa ẽbasia, dai miã sopua trʉ̃ãbʉdadꞌera marã jẽgadꞌa ẽbasia.

Lucas 8:52

Jõma aubꞌari jẽga duanasia wũẽrã zake kꞌarea. Maʉ̃ne Jesúsbara mawũãsia: Jẽgarãũdua, beu ẽã, awuarabʉrʉ kꞌãĩ bꞌʉa.

Lucas 23:27

Maʉ̃nerã kꞌabanata pʉwʉrʉdꞌebemata kꞌaidꞌu kuataidꞌera wũẽrãrã ʉ̃kʉrʉ sopua jẽgasidꞌa izhi kꞌarea.