Marcos 3:8 - Porciones del Nuevo Testamento

⁸ Jerusalénneba, Idumea druadꞌeba, Jordán do kĩrãrẽba, Tiro druadꞌeba, Sidón druadꞌeba. Jesúsba ne bia zromata onʉmʉta ũrĩnape kꞌabana zesidꞌa izhima.

Marcos 3:8 Eitobir Enkop

Mateo 11:21

¡Daizezebara pua kꞌawua oya Corazín pʉwʉrʉdꞌe bꞌera! ¡Pua kꞌawua oya Betsaida pʉwʉrʉdꞌe bꞌera! Tiro pʉwʉrʉdꞌe, Sidón pʉwʉrʉdꞌe ũdudꞌakꞌata obʉrʉta mʉã marã maẽ odꞌata osibʉrʉ, dããrãbʉrʉta sopuaba wua paima jʉ̃ jewedꞌadꞌape, sopuaba burudꞌe itarra podꞌape, kꞌazhiruara ãmape Daizezeta pẽwãkꞌausidꞌa.

Marcos 7:24

Mamaʉ̃bara Jesús wãsia Tiro druaedꞌa Sidón druaedꞌa. Zhãrã maẽ deidꞌu wãbʉrʉta miõba kꞌawuadꞌaita krĩña ẽbasia, mawũãmina merũ bꞌe ẽbasia.

Marcos 7:31

Tiro druadꞌeba Jesús wakusa wãbʉrʉdꞌera, Sidón pʉwʉrʉdꞌe berabꞌari zesia Galileadꞌebema dota jedꞌea õbꞌʉidꞌu, aramaʉ̃ne berabꞌari zesia Decápoli druadꞌe.

Mateo 4:25

Zhãrã bio Jesús kꞌaidꞌu nʉmasia Galilea druadꞌebemata, Decápoli pʉwʉrʉdꞌebemata, Jerusalén pʉwʉrʉdꞌebemata, Judea druadꞌebemata, Jordán dodꞌe kĩrãrẽbemarãta.

Lucas 6:17

Mawũã izha jʉrʉkuadꞌa bawara Jesús kꞌatumaneba yedꞌaa zepe kꞌoriwidꞌe bꞌesia. Maʉ̃nerã izhi pẽwã bꞌebara kꞌabana bawarauba bʉredrʉsidꞌa. Maʉ̃rã zekuasia Judea druadꞌeba, Jerusalén pʉwʉrʉdꞌeba, pusa doya Tiro pʉwʉrʉ tabꞌʉ maẽba, Sidón pʉwʉrʉdꞌeba, zekuasia izhi bedꞌeata ũrĩnaĩta, aramaʉ̃ne bꞌekuaita ãzhi kꞌaya bꞌeta.