Marcos 12:8 - Porciones del Nuevo Testamento

⁸ Aramaʉ̃ne jirtopota beasidꞌa, mobe ãĩ bꞌaribuesidꞌa uvadꞌebara.

Marcos 12:8 Eitobir Enkop

Lucas 20:15

Aramaʉ̃ne uvadꞌebara ãĩ jʉretadꞌape beasidꞌa. ¿Aramaʉ̃nerã uva zhibaribara sãwũã okuaipe?

Mateo 21:39

Aramaʉ̃ne jirtopota uvadꞌebara ãĩ jʉretadꞌape beasidꞌa.

Mateo 21:33

Ũrĩũdua, mʉã dewara ne jarakꞌaya: Ũmakĩrãta bꞌasia drua zhibarita, maʉ̃bara uvata upe serrape osia uva bꞌata piabarita. Mobe uva akʉita pãrãsia deta ʉ̃tʉ drasoa, mobe uvadꞌe trajabadaa arrendape wãsia wawara.

Marcos 12:7

Mawũãmina uvadꞌe trajabadara ãzhirãĩnu mawũãsidꞌa: Ne zhi zezedꞌera naʉ̃ba jidaya. Mawũẽ beadꞌaya, izha jidaita bꞌʉra aramaʉ̃ne dazhirãba jidadꞌaya.

Marcos 12:9

¿Aramaʉ̃nerã uva zhibaribara sãwũã oipe? Wãpe beakuaya uvadꞌe trajabadara, mobe uva izhidꞌera chãbꞌariya awʉrʉrãã.