Lucas 22:19 - Porciones del Nuevo Testamento

¹⁹ Mobebʉrʉ pan jiraedape maʉ̃bari Daizezea zhibia jipe bꞌʉape dedꞌekabʉrʉta mawũãsia: Naʉ̃ mʉ kꞌakuata marãbari chãbꞌariya, naʉ̃ta kꞌãwũã o bꞌeaudua mʉta krĩchabʉdata.

Lucas 22:19 Eitobir Enkop

Lucas 22:20

Abꞌarika obʉrʉta nekꞌope vino copadꞌe jiraedape mawũãsia: Naʉ̃ vino copadꞌera Daizezeba zhãrã ẽdrʉbiidꞌebemata zhiwidꞌita nʉmeña mʉ wadꞌeba, mʉrã marãbari wa erezoaya.

Juan 6:51

Mʉrã panta Daizeze ũme bꞌai jõ ẽãta ʉ̃treba zesia, iabꞌaʉba pan mʉta kꞌobʉrʉra Daizeze ũme bꞌai jõ ẽã bꞌaya. Pan mʉã diabʉrʉra mʉ zharata diaya. Maʉ̃ mʉãrã Daizeze ũme bꞌai jõ ẽãta diaya ẽjũãne zhãrã bꞌea.

Lucas 24:30

Ãzhi bawara nekꞌoita jewedꞌabʉrʉdꞌera pan jiraedape maʉ̃bari Daizezea zhibia jipe bꞌʉape dedꞌekasia.

Mateo 14:19

Mobebʉrʉ poajãrã ʉ̃rʉ̃ zhãrã jewedꞌabigape pan juesomata bꞌeda ũmeta jiraedape ʉ̃taa akʉ zhiwidꞌipe pan bꞌʉekuape diasia izha jʉrʉkuadꞌaa, mawũẽ izha jʉrʉkuadꞌabara jedꞌekasidꞌa kꞌabanata kꞌobꞌea.

Juan 6:23

Maʉ̃ne jãba awʉrʉta Tiberia pʉwʉrʉdꞌeba zesidꞌa, Jesúsba Daizezea zhibia jipe pan kꞌodꞌapeadꞌa kꞌaita.

Lucas 22:17

Mobebʉrʉ vino copadꞌe jiraedape maʉ̃bari Daizezea zhibia jipe mawũãsia: Naʉ̃ta doudua, mazhirãĩnu jedꞌeka doudua.

Mateo 15:36

Mobebʉrʉ jiraedasia pan sieteta, bꞌeda zakerãta, mobe Daizezea zhibia jipe bꞌʉekuape diasia izha jʉrʉkuadꞌaa, mawũẽ izha jʉrʉkuadꞌabara jedꞌekasidꞌa kꞌabanata kꞌobꞌea.